*శ్రీనివాస్ మాస్టారుకు విద్యార్థుల ఘన సన్మానం* *---------------------------------------* *ఐనపూరు జడ్పీ హైస్కూల్ విద్యార్థులు పాఠశాలలోని సీనియర్ జీవశాస్త్ర ఉపాధ్యాయులు గిద్దా.శ్రీనివాస్ మాస్టర్ ను ఘనంగా సన్మానించి సత్కరించారు. వచ్చే మే నెల 31వ తేదీన రిటైర్ కాబోతున్న శ్రీనివాస్ మాస్టారు గత ఐదు సంవత్సరాల నుండి ఇదే పాఠశాలలో పనిచేస్తున్నారు. ఈసందర్భంగా పాఠశాలలో ఏర్పాటుచేసిన సన్మాన కార్యక్రమంలో పాఠశాల ప్రధానోపాధ్యాయులు తమ్మన వేణుగోపాలరావు మాట్లాడుతూ, శ్రీనివాస్ మాస్టారు చక్కగా విద్యాబోధన చేస్తూ అంకితభావంతో పనిచేసి, విద్యార్థులందరి మనసుల్లో గొప్ప స్థానాన్ని సంపాదించారని తెలియజేశారు. శ్రీనివాస్ మాస్టారు పనిచేసిన అన్ని పాఠశాలల్లోనూ విద్యార్థుల యొక్క విజ్ఞానాభివృద్ధి కోసం తపించే వారిని, కష్టపడి పనిచేసేవారని, తోటి ఉపాధ్యాయ సిబ్బంది అందరితో సత్సంబంధాలు కలిగి ఉండే వారిని, పాఠశాల అభివృద్ధికి ఎంతగానో కృషి చేసే వారిని తెలియజేస్తూ మాస్టారి యొక్క సేవలను కొనియాడారు. పాఠశాల విద్యార్థులందరూ శ్రీనివాస్ మాస్టారుకి పాదాభివందనం చేసి, వారి ఆశీర్వచనం తీసుకున్నారు. సన్మాన గ్రహీత శ్రీనివాస్ మాస్టారు మాట్లాడుతూ, ఇంతమంది విద్యార్థుల హృదయాలలో గొప్ప స్థానాన్ని సంపాదించుకున్నందుకు చాలా సంతోషంగా ఉందని, ఇంత ఘనంగా సన్మానించి సత్కరించినందుకు పాఠశాల విద్యా కుటుంబం అందరికీ కృతజ్ఞతలు తెలియజేశారు. ఈకార్యక్రమంలో పాఠశాల విద్యార్థులతో పాటు అందరు ఉపాధ్యాయులు పాల్గొన్నారు.* #😃మంచి మాటలు #😎ఆటిట్యూడ్ కోట్స్ #🙏స్ఫూర్తి కవితలు #📝శ్రీ శ్రీ కవితలు📝 #📑దేశభక్తి కవితలు✍