ശക്തമായ മഴയും കൊടുക്കാറ്റും വീശി അടിക്കുന്ന ആ രാത്രിയിൽ ഓലക്കുടിലിൽ ഉറങ്ങുന്ന പാറുക്കുട്ടി അമ്മയും കൊച്ചു മകൾ കണ്മഷിയും.കണ്മഷിയുടെ അച്ഛനും അമ്മയും ഉറക്കമില്ലാതെ കാറ്റും മഴയും വീശിയടികുമ്പോൾ പേടിച്ചു പരിഭാന്ത്രരായി നേരം വെളുപ്പിച്ചു. " എടി പുതച്ചു മൂടി ഇങ്ങനെ അങ്ങ് കിടക്കാതെ എഴുന്നേൽക്കടി, " രാവിലെ അടുക്കളയിൽ പാത്രങ്ങളോട് സംസാരിക്കുന്നതിനിടയിൽ അമ്മ വിളിച്ചു പറഞ്ഞു.അമ്മയുടെ അടുത്ത വരവ് തന്നെ തല്ലാൻ ആവുമെന്ന് അവൾക് അറിയാം. ആയതിനാൽ അവൾ എഴുന്നേറ്റു. ഉറക്കമുണർന്നതിന് ശേഷം കിടന്നിരുന്ന പായ മടക്കി അച്ഛമ്മയുടെ കട്ടിലിന്റെ ചാരെ വെച്ചു. " അച്ഛമ്മ എവിടെ നേരത്തെ എഴുന്നേറ്റോ.... "???? ഉമ്മർത്തു ഇറങ്ങി അവൾ ഉറക്ക ചടവ് മാറാൻ മുഖം കഴുകി തുടച്ചു. അച്ഛനും അമ്മക്കും ഇളയവൾ ആണ് കണ്മഷി. സഹോദരൻ ഒരു ഡ്രൈവർ ആണ്, ദൂരെ സ്ഥലങ്ങളിൽ വണ്ടി ഓടിച്ചു നടക്കുകയാണ്. കിട്ടുന്ന ഇടവേളകളിൽ മാത്രമേ വീട്ടിലേക്കു ഒരു മടക്കം ഉള്ളു കുമാരനു. അച്ഛനും അമ്മയും രാവിലെ തന്നെ പാടത്തു പണിക്കു പോകും. പിന്നീട് കണ്മഷി സ്കൂളിലേക്കും. പത്താം ക്ലാസ്സ്‌ വിദ്യാർത്ഥിയാണ് കണ്മഷി. പഠിക്കാനും സ്കൂളിൽ പോകാനും അവൾക്കു ഒട്ടും താല്പര്യം ഇല്ലായിരുന്നു. കഷ്ടപ്പെട്ടു ആണ് കണ്മഷിയെ പഠിക്കാൻ അയക്കുന്നത്. "അച്ഛമ്മ എവിടെ അമ്മേ? രാവിലെ കണ്ടില്ലലോ " "രാവിലെ തന്നെ ഇറങ്ങിയിട്ടുണ്ട്. മക്കളുടെ വിടായ വീട് എല്ലാം കേറിയിറങ്ങി പരദൂഷണം പറയാൻ. കുശലം ചോദിച്ചു ഇരിക്കാതെ നീ പോയി രണ്ടു പത്രം വെള്ളം കോരിയിട്ട് വാ പെണ്ണെ...." ഒരു ചെറിയ ഗ്രാമത്തിൽ ആണ് ഇവരുടെ താമസം. പാറുക്കുട്ടി അമ്മക്ക് മക്കൾ 9 ആണ് . പെണ്മക്കളെ എല്ലാം ഭർത്താവ് ജീവിച്ചിരുന്ന കാലം തന്നെ വിവാഹം കഴിച്ചയച്ചു.. പിന്നെയുള്ള 5 ആൺ മക്കളും ചുറ്റോടു ചുറ്റുമാണ് താമസിക്കുന്നത്. പകൽ മുഴുവൻ മക്കളുടെ വീട്ടിൽ കേറി ഇറങ്ങി നടന്നു.എന്നിരുന്നാലും രാത്രി നേരം കണ്മഷി എല്ലാം താമസിക്കുന്ന ആ കുടിലിൽ വന്നു അന്തി ഉറങ്ങണം. ഇതാണ് ഇവരുടെ കുടുംബം. " അച്ഛൻ പാടത്തേക്ക് പോയിട്ട് മണിക്കൂർ ഒന്ന് ആയി. ഇവിടെത്തെ പണി കഴിഞ്ഞു ഞാൻ അവിടെ എപ്പോൾ എത്തും എന്നിനി അറിയില്ല എനിക്ക്. " അമ്മ തുടർന്നു. വെള്ളത്തിനു രണ്ടു വളവ് മാറി ശാന്തായേച്ചിടെ കുടിയിലിൽ വരെ ചെന്ന് വേണം രണ്ടു പാത്രം കൊണ്ട് വരാൻ.എന്നും കണ്മഷിയും അമ്മയും അങ്ങിനെയാണ് വീട്ടിലേക്കു ആവശ്യമുള്ള വെള്ളം എത്തിക്കാറുള്ളത്. വെള്ളവും കോരി വീട്ടിലെ പണികളും ഒതുക്കി കണ്മഷിയെ സ്കൂളിലേക്ക് പറഞ്ഞയച്ചു, അമ്മ പാടത്തേക്ക് ഓടി . " കണ്മഷി, നീ എന്താ ഇന്ന് സ്കൂളിലേക്ക് വരാം എന്ന് വിചാരിച്ചേ,.......... " സ്കൂളിൽ എത്തിയ ഉടൻ കൂട്ടുകാരികൾ കളിയാക്കാൻ തുടങ്ങി. 😂........... " നിങ്ങളെ ഒക്കെ പേടിച്ചു എനിക്ക് പഠിക്കാൻ വരാതെ ഇരിക്കാൻ പറ്റുമോ..... " ഒരു കള്ളത്തരചിരിയോടെ കണ്മഷി തുടർന്നു. പഠിക്കാൻ ഒട്ടും താല്പര്യം ഇല്ലാത്തവൾ ആയിരുന്നു കണ്മഷി എന്നാൽ, നന്നായി പഠിക്കുകയും ചെയ്യുമായിരുന്നു അവൾ. അവളുടെ ഏറ്റവും ഇഷ്ട വിനോദം എന്ന് പറയുന്നത് ഗാനം ആലപിക്കുക എന്നതാണ്. നന്നായി പാടുന്നവൾ ആയിരുന്നു കണ്മഷി. വീട്ടിലെ ബുദ്ധിമുട്ടുകളും കഷ്ടപ്പാടുകളും വേണ്ടുവോളം കൂടെ ഉള്ളതിനാൽ അവൾ ഇത് വരെ സംഗീത ക്ലാസിന് ചേരണം എന്നുള്ള ആഗ്രഹം തുറന്നു പറഞ്ഞിട്ടില്ല. ഒരുപക്ഷേ തന്റെ സഹോദരൻ കുമാരനോട് ആവശ്യപ്പെട്ടാൽ നടന്നു പോകുന്ന ആഗ്രഹമായിരുന്നു അത്.എന്നാൽ അവൾക്ക് ഈ ആഗ്രഹം തുറന്നു പറയാൻ ധൈര്യം ഉണ്ടായിരുന്നില്ല. "പഠിക്കാൻ കഴിയാത്ത നീയാണോ" എന്നൊരു ചോദ്യം അവർക്ക് നേരെ ഉയരും എന്നവർക്ക് നല്ല നിശ്ചയം ഉണ്ടായിരുന്നു. സ്കൂളിലെ പഠിത്തവും കളിയും ചിരിയും എല്ലാം അവസാനിപ്പിച്ച അവൾ വീട്ടിലേക്ക്. അവളുടെ ഗാനം ആകെ ആസ്വദിക്കുന്നത് പാറുക്കുട്ടി അമ്മയാണ്.അച്ഛമ്മയുടെ അടുത്തായിരുന്നു അവൾ ക്ക് ഏറ്റവും അടുപ്പം. അവളുടെ ആഗ്രഹം അവൾ തുറന്നു കാണിക്കാൻ ഏറ്റവും ആദ്യം തീരുമാനിച്ചിരുന്നത് പാറുക്കുട്ടിയമ്മയോട് ആണ്. പാറുക്കുട്ടി അമ്മയുടെ കട്ടിലിന്റെ ചാരെ പായ വിരിച്ചു മാത്രമേ കണ്മഷി ഉറങ്ങുകയുള്ളൂ രാത്രിയായാലും പകലായാലും അച്ഛമ്മയുടെ അടുത്ത് സംസാരിക്കുവാനാണ് അവൾക് ഏറെ ഇഷ്ടം. അമ്മയും അച്ഛനും കണ്മഷി കുഞ്ഞായി ഇരിക്കെ പണിക്കു പോകുമ്പോൾ പാറുക്കുട്ടി അമ്മയായിരുന്നു അവളെ പൊന്നു പോലെ നോക്കികൊണ്ടിരുന്നത്. ആ സ്നേഹം എത്ര വന്നാലും അവൾക്കു ഉള്ളിൽ ഉണ്ടായിരുന്നു. തൊട്ടടുത്തു പാറുക്കുട്ടി അമ്മയുടെ മറ്റു മക്കളും പേരക്കുട്ടികളും എല്ലാം താമസം ഉണ്ട്. പകൽ മൊത്തം ആ വീടുകളിൽ പോയാലും രാത്രിയാകുമ്പോൾ കണ്മഷിയുടെ പാട്ടും കളി യും ചിരിയും എല്ലാ പാറുക്കുട്ടി അമ്മക്ക് കാണണം. ഇവർ തമ്മിൽ അത്രക്ക് സ്നേഹമായിരുന്നു. അന്നേ ദിവസം വൈകിട്ട് " അച്ഛമ്മ എവിടെ അമ്മേ............ ഞാൻ സ്കൂൾ വിട്ട് വന്നത് മുതൽ കണ്ടില്ലല്ലോ........... അച്ഛാ ചുമ്മാ ഇങ്ങനെ ഇരിക്കാതെ പോയി നോക്കിക്കേ.. " അച്ഛനും അമ്മയും മുഖാമുഖം നോക്കി പുഞ്ചിരിച്ചു. " അച്ഛമ്മ ഇന്ന്, ഇളയച്ഛന്റെ വീട്ടിൽ ആ കിടക്കണേ.......... പാടത്തു നിന്നു വന്നപ്പോൾ ഞങ്ങൾ അവിടെ കേറിയിരുന്നു............... " "അച്ഛമ്മ, അവിടെ ഒന്നും കിടക്കാറില്ല.... എന്റെ കൂടെ അല്ലെ കിടക്കാറുള്ളു....." കണ്മഷിയുടെ മുഖമാക്കെ സങ്കടപെട്ടു ഇരിക്കുന്നു... അവളുടെ മുഖത്തെ ദേഷ്യവും വാശിയും കാണാനായി അമ്മ പിന്നെയും തുടർന്നു.. " അവിടെയുള്ള കുട്ടികളും അച്ഛമ്മയുടെ പേരക്കുട്ടിക്കൾ അല്ലെ, അപ്പോൾ അച്ഛമ്മക്ക് അവിടെയും നിക്കാം.... നമ്മുടെ വീടിനെക്കാൾ നല്ല സൗകര്യമുള്ള വീടും ആണ്. " അമ്മയുടെ വാക്ക് കേട്ടിട്ട് അവൾക്കു അവളുടെ സങ്കടം സഹിക്കാൻ ആയില്ല. കണ്മഷി വിങ്ങി പൊട്ടി കരയുവാൻ തുടങ്ങി. 😥......... സന്ധ്യനേരം ആയതിന്റെ മങ്ങലും ഉണ്ടായിരുന്നു. ഒപ്പം കാർമേഘം ഇരുണ്ടു കൂടി മഴക്കുള്ള തയ്യാറെടുപ്പുകളും തുടങ്ങി കഴിഞ്ഞിരുന്നു. ആൾ ഒഴിഞ്ഞ ആകാശം പോലെ പക്ഷികൾ എല്ലാം അവരുടെ കുട്ടിലേക്കു പറന്നു ചേക്കേറിയിരിക്കുന്നു. മഴ ഇപ്പോൾ പെയ്യും എന്നതുപോലെ സങ്കടം കണ്ണുകളിൽ ചേക്കേറിയിരുന്നു കണ്മഷിയുടെ. ദൂരെ ഒരു ചൂട്ടു കെട്ടിന്റെ വെളിച്ചം തെളിയുന്നത് അവളുടെ കണ്ണുകളിൽ തെളിഞ്ഞു. ആ വെളിച്ചം അടുത്തടുത്തു വരുന്ന പോലെ കണ്മഷിക്കു തോന്നി തുടങ്ങി. ചെറിയ ഒരു ചാറ്റൽ മഴ പെഴിയുവാൻ തുടങ്ങി. ചെറിയ മഴയുടെ കാരണത്താൽ ആ വെളിച്ചം കണ്മഷിയുടെ കുടിലിലേക്ക് അടുത്തു വന്നു. " അമ്മേ അച്ഛാ ....... ദേ അച്ഛമ്മ.... " കണ്മഷി സന്തോഷത്താൽ തുള്ളി ചാടി. അവൾ ഓടി ചെന്നു അച്ഛമ്മക്ക് അരികിലേക്ക്. " ന്താ, കുട്ട്യേ....... ഞാൻ ഒന്നു കേറട്ടെ...... വീട്ടിലേക്കു... ആകെ നനഞ്ഞു " " എന്റെ അമ്മേ മഴ പെയ്യുന്നത് കാണുന്നില്ലേ.... ഈ വയസുകാലത്തു മഴ നനഞ്ഞു നടന്ന എന്തെങ്കിലും അസുഖം വരും..... പറഞ്ഞേക്കാം. " അച്ഛന്റെ ശകാരം കേട്ടിട്ട് പാറുക്കുട്ടി അമ്മയും കൊച്ചുമകൾ കണ്മഷിയും കണ്ണ് അടച്ചു പുഞ്ചിരി തൂകി. അത്താഴം കഴിച്ചു അവർ കിടക്കാൻ ഒരുങ്ങി. കിടക്കും മുൻപ് അച്ഛമ്മക്ക് ഒരു പതിവ് ഉണ്ട്. കണ്മഷിയുടെ ഒരു ഗാനം...................................🎶🎶🎶🎶🎶🎶🎶🎶🎶🎶🎶🎶🎶🎶🎶🎶🎶🎶🎶❤️❤️❤️❤️ നിന്നിൽ....നിറയാൻ മാത്രം.....ഞാനീ..... മഴയായ്.......... സ്നേഹം...കരുതി ഞെഞ്ചിൽ......... 🎶🎶 " നിനക്ക് ഇങ്ങനെയൊരു ആഗ്രഹം ഉള്ളിൽ ഉണ്ടെന്ന് നീ ഉറപ്പായും വീട്ടിൽ തുറന്നു പറയണം.അല്ലാതെ നീ........... " കണ്മഷിയുടെ ഏറ്റവും അടുത്ത സുഹൃത്ത്‌ ആയിരുന്നു മഹിമ. അച്ഛമ്മയോട് എന്ന പോലെ മഹിമയോടും അവൾ അവളുടെ സങ്കടങ്ങളും സന്തോഷങ്ങളും പങ്കുവെയ്ക്കാറുണ്ട് . മഹിമ പറഞ്ഞ വാക്കുകൾ കണ്മഷി കേട്ടിരുന്നു. അതിൽ മുന്നോട്ട് ഒരു തീരുമാനം എടുക്കാൻ അല്ലെങ്കിൽ അടുത്ത പടി കടക്കുവാൻ കണ്മഷിക്കു ധൈര്യം ഉണ്ടായിരുന്നില്ല . മഹിമയും കണ്മഷിയും ഒരേ നാട്ടുകാരാണ്. മാത്രവുമല്ല മറ്റൊരു ബന്ധം കൂടെ ഇവർ തമ്മിൽ ഉണ്ട്. ❤️........ മഹിമയും കണ്മഷിയുടെ സഹോദരൻ കുമാരനും തമ്മിൽ ഒരു വർഷമായി ഇഷ്ടത്തിൽ ആണ്.ഇരുവരും തമ്മിൽ നാലു അഞ്ചു വയസ്സിന്റെ പ്രായവ്യത്യാസം ഉണ്ട് എന്നിരുന്നാലും എങ്ങിനെയോ അവർ തമ്മിൽ അടുത്തു. മഹിമ പല ആവർത്തി കണ്മഷിയോട് സൂചിപ്പിചതാണ് സഹോദരനോട് അവൾ കാര്യങ്ങൾ പറയാം എന്ന്. കണ്മഷിക്കു അവരുടെ ഭാഗത്തു നിന്നും വരുന്ന മറുപടി എന്ത് ആകും എന്ന് ഭയം ആയിരുന്നു. 🦋 ... ... ... ... ... ... 🦋 ഒരു വർഷം മുമ്പ് നാട്ടിലെ അമ്പലത്തിൽ നടന്ന ഒരു ഉത്സവ ആഘോഷത്തിൽ വെച്ചായിരുന്നു ഇവരുടെ ഇഷ്ടം ഇവർ തുറന്നു പറഞ്ഞത് . അതിൽ ഏറ്റവും കൂടുതൽ സന്തോഷിച്ചത് കണ്മഷി തന്നെയാണ്. കുമാരൻ തന്റെ പന്ത്രണ്ടാം ക്ലാസ്സ്‌ പഠനം പാതി വഴിക്കു ഉപേക്ഷിക്കേണ്ടി വന്നിരുന്നു. പാടത്തു പണിതുകൊണ്ടിരിക്കെ ഒരിക്കൽ തന്റെ അച്ഛന് ഹൃദയനൊമ്പരം സംഭവിച്ചിരുന്നു. നാളുകൾ കുറെ അച്ഛൻ പണിക്കു പോകാതെ കഷ്ടപെട്ടിരുന്നു. അതിനിടെ കുമാരൻ സ്വയമേ ഉപേക്ഷിച്ചു തന്റെ പഠനം. അന്ന് ആരംഭിച്ചതാണ് കുമാരന്റെ ഡ്രൈവർ എന്നുള്ള പദവി. ഇപ്പോൾ അയാൾ അതിൽ സന്തോഷവാൻ ആണ്. തന്റെ കുടുംബം മുഴുവൻ സംരക്ഷിക്കാനുള്ള കഴിവ് ഇന്ന് അവനുണ്ട്. ഉത്സവപറമ്പിൽ കൂട്ടുകാരുമൊത്തു സംസാരിച്ചുകൊണ്ടിരിക്കെ ആയിരുന്നു കുമാരൻ. മഹിമ അത് വഴി അനിയന്റെ കയ്യും പിടിച്ച് വരുകയായിരുന്നു.അച്ഛൻ ഇല്ലാത്ത കുട്ടിയാണ് മഹിമ. പല വീടുകളിലും പോയി വീട്ടു ജോലി ചെയ്താണ് അമ്മ അവളെയും അനിയനെയും നോക്കുന്നത്. മഞ്ഞ നിറത്തിലുള്ള പട്ടു പാവാടയും ബ്ലൗസും ധരിച്ച,ഒരു നാടൻ പെൺകുട്ടീയായിരുന്നു അവൾ.ആരെയും ആകർഷകമാകുന്നത് അവളുടെ മുടി ആയിരുന്നു . നീണ്ടു നിവർന്നു പനം കുലപോലുള്ള കിടക്കുന്ന അവളുടെ മുടിയിൽ ആരും വീണു പോകും ഭംഗിയായിരുന്നു. രണ്ടു വർഷം മുമ്പ് ഇതേ ദിവസമായിരുന്നു കുമാരന്റെ മനസ്സിൽ അവളുടെ മുഖം പതിഞ്ഞത്. അന്ന് തൊട്ട് അവൻ അറിഞ്ഞോ അറിയാതെയോ അവളെ സ്നേഹിച്ചു പോയി. സ്വന്തം അനിയത്തിയുടെ ഏറ്റവും അടുത്ത സുഹൃത്ത്‌ ആയതിനാൽ ആണ് അവൻ അവന്റെ ഇഷ്ടം തുറന്നു പറയാതെ ഇരുന്നത്. അനിയത്തിയുടെ പ്രായം ഉള്ള കുട്ടി അല്ലെ എന്നൊരു ചിന്തയും. പല തവണ വീട്ടിൽ വന്ന് കുമാരൻ മഹിമയെ കണ്ടിട്ടുണ്ട്. കണ്മഷിയോട് തന്റെ ഇഷ്ടം തുറന്നു പറഞ്ഞാലോ എന്നൊരു ചിന്തയും അവന്റെ മനസ്സിൽ തോന്നിയിരുന്നു. അനിയത്തിയെ എങ്ങിനെയാണ് ബ്രോക്കർ ആക്കുക .... കുമാരന്റെ സുഹൃത്തു ആയ കണ്ണൻ ഒരിക്കൽ അവനോടു പറഞ്ഞിരുന്നു. " നിന്റെ സ്ഥാനത്തു ഞാൻ ആയിരുന്നു എങ്കിൽ അവളെ വളച്ചു കുപ്പിയിൽ ആക്കിയേനെ......... " തന്റെ സുഹൃത്ത്‌ പറഞ്ഞ വാക്കു കുമാരൻ ഇടയ്ക്കു ഓർക്കുമായിരുന്നു. എന്നാൽ കുമാരനു മഹിമയോട് തുറന്നു പറയുവാൻ പല തടസങ്ങളും നേരിടേണ്ടിയിരിക്കുന്നു. പ്രായം തന്നെയാണ് ഏറ്റവും ആദ്യം മുന്നിൽ നിന്ന പ്രശ്നം. എന്നാലും അവളെ മറക്കുവാൻ കുമാരനു കഴിയും എന്ന് തോന്നുന്നില്ല. " എടാ, നീ ആ മഞ്ഞ പട്ടുപാവാട ധരിച്ചു വരുന്ന പെൺകുട്ടിയെ കണ്ടോ...... എന്തൊരു ഭംഗിയാടാ അവൾക്കു. അവളുടെ മുടി............." ഉത്സവപറമ്പിൽ തടിച്ചു കൂടിയ ആൾക്കൂട്ടത്തിൽ നിന്നും ഒരുവൻ സംസാരിച്ചു. ആ നാട്ടുകാരൻ അല്ലാത്തതിനാൽ അവനു അവിടെയുള്ള ആരെയും ഭയക്കണ്ട. പെൺകുട്ടികളെ കണ്ടാൽ കമന്റ്‌ അടിക്കാം, തൊട്ട് നോക്കാൻ ശ്രമിക്കാം. അങ്ങിനെ എന്തും ചെയ്യാൻ ധൈര്യമുള്ള ഒരുവൻ. ആൾക്കൂട്ടത്തിൽ നിന്നും അവൻ ചാടി ഇറങ്ങി. അവന്റെ കണ്ണുകൾ മുഴുവൻ മഹിമയിൽ ആയിരുന്നു. അവൻ അവളെ തന്നെ ലക്ഷ്യമാക്കി മുന്നോട്ട് നടന്നു. സുഹൃത്തുക്കളെ കാണിക്കാൻ അവന്റെതായ അടവുകൾ അവൻ പുറത്തിറക്കി. ഒറ്റ വാക്കിൽ എടുത്തു പറഞ്ഞാൽ വെറും ഷോ..... ദൂരെ നിന്നും അനിയന്റെ കൈയും പിടിച്ച് വരുന്ന മഹിമയിൽ തന്നെയായിരുന്നു ആ പയ്യന്റെ കണ്ണുകൾ . അവൻ മഹിമയെ തന്നെ നോട്ടമിട്ടു. മഹിമയുടെ അടുത്തു ചെന്ന് അവളുടെ ദേഹത്തു തട്ടി ആ പയ്യൻ.മഹിമ പെട്ടെന്നു അനിയന്റെ കൈയിൻ തുമ്പിൽ നിന്നും വീഴാൻ തുടങ്ങി. പയ്യൻ " സോറി, ഞാൻ കണ്ടില്ല. അറിയാതെ പറ്റിയതാട്ടോ......... " മഹിമ അവനോട് മറുപടി ഒന്നും പറയാതെ അനിയനെ ഒപ്പം കൂട്ടി അമ്പലമുറ്റത്തേക്ക് പിന്നെയും നടന്നു. അവനോടു ഒന്നും സംസാരിക്കാതെ മൗനം പാലിച്ചു നിന്ന മഹിമയെ അവനു ശരിക്കും ബോധിച്ചു. " എന്താ... തന്റെ പേര്.....,.... ഈ നാട്ടുകാരി ആണോ??? നടന്നു നീങ്ങിയ മഹിമക്കും അനിയനും ഒപ്പം യാതൊരു പരിചയമില്ലാത്ത ആ പയ്യൻ കൂടി. മഹിമ പിന്നെയും മൗനം പാലിച്ചു. " തന്നെ ഞാൻ മുൻപ് കണ്ടിട്ടുണ്ട്..., തന്നെ കാണാൻ ആണ് ഞാൻ ഇവിടെ ഉത്സവപറമ്പിൽ എത്തിയത്....... " സ്ഥിരം പൂവാലന്മാര് സംസാരിക്കുന്ന പല ഭാഷകളും മഹിമ അവിടെ കേൾക്കുവാൻ തുടങ്ങി. മഹിമയുടെ പുറകിലുള്ള ആ പയ്യെന്റെ നടത്തം മുഴുവൻ ദൂരെ സുഹൃത്തുക്കൾക്കു ഒപ്പം കുമാരൻ നീരീക്ഷിക്കുണ്ടായിരുന്നു. മഹിമയുടെ അനിയൻ പതുക്കെ അവനു തിരുച്ചു മറുപടി നൽകുവാൻ തുടങ്ങി. " ചേട്ടാ............ചേട്ടൻ ആരാ.... എന്തിനാ എന്റെ ചേച്ചിയുടെ പേരൊക്കെ ചോദിച്ചേ............ " " ഇത് മോന്റെ സ്വന്തം ചേച്ചിയാണോ...... മോന്റെ ചേച്ചിയുടെ പേര് എന്താണ്..........,? " എന്റെ ചേച്ചിയുടെ പേര് മഹിമ എന്നാണ്................... " പെട്ടെന്നു മഹിമ സംസാരിക്കുവാൻ തുടങ്ങിയ അനിയന്റെ വാ പൊത്തി...അവനെ സംബന്ധിച്ച് മഹിമ എന്നുള്ള പേര് തന്നെ ധാരാളം. അവൻ ആ പേരിൽ തന്നെ തുടർന്ന്.... " മഹിമ, എന്ത് നല്ല പേര് ആടോ തനിക്കു....... പേര് മാത്രം അല്ല ആളും കൊള്ളാം 😍 തന്റെ മുടിയുടെ അഴക് അടിപൊളി.... ആരെയും ആകർഷിക്കും ഭംഗി........... " മഹിമ ദേഷ്യത്തോടെ വേഗതയിൽ മുന്നോട്ട് കുതിച്ചു തുടങ്ങി. മഹിമ ചുറ്റും കണ്ണോടിക്കുവാൻ തുടങ്ങി . തന്നെ പേര് വിളിച്ചു പുറകെ നടക്കുന്ന ഈ പയ്യൻ ആരെന്നുള്ള ചോദ്യം അവൾക്കു ആരിൽ നിന്നു എങ്കിലും ഉയരുമോ എന്ന് ഭയം ആയിരുന്നു. " നിങ്ങൾ ആരാണ്..... എന്തിനാണ് ഇങ്ങനെ പിന്നാലെ നടക്കുന്നത്. ഇത് എന്റെ നാട് ആണ്. എല്ലാവരും ശ്രദ്ധിക്കുന്നു. നിങ്ങൾ ദയവു ചെയ്തു മാറിനിൽക്കു." മഹിമ ദേഷ്യത്തോട് കൂടെ അവനോടു പ്രതികരിക്കുവാൻ തുടങ്ങി. എല്ലാം ദൂരെ നിന്നു ശ്രദ്ധിക്കുന്ന കുമാരൻ പതുക്കെ സുഹൃത്തുക്കളുമായി മഹിമക്കു അരികിൽ എത്തി. മഹിമ " ഏട്ടാ........ " ഭയന്ന് വിറച്ചു നിന്നിരുന്ന അവൾക്കു ഒരു താങ്ങായി കുമാരൻ അവിടെയ്യെത്തി. കുമാരൻ " മോനെ... മോൻ കുറച്ചു നേരം ആയിലോ.... എന്താ മോനെ......... കൂട്ടുകാരു എവിടെ........ " പയ്യൻ " ചേട്ടാ......... മഹിമ എന്റെ സുഹൃത്ത്‌ ആണ്... അവൾ വിളിച്ചിട്ടാണ് ഞാൻ ഉത്സവത്തിന് വന്നത്......... " കുമാരനിൽ നിന്നും രക്ഷനേടാൻ അവൻ കണ്ടെത്തിയ ഉപാധിയായിരുന്നു അത്. മഹിമ " ഏട്ടാ...... ഇയാൾ ആരാണ് എന്ന് പോലും എനിക്ക് അറിയില്ല. ദൂരെ നിന്നു നടന്നു വന്ന എന്റെ ദേഹത്തു ഇയാൾ ഇടിച്ചു....... അത് കഴിഞ്ഞു പുറകെ കൂടിയതാ........ ഇവൻ അറിയാതെ പറഞ്ഞു കൊടുത്തതാ എന്റെ പേര്.... സത്യം........ " മഹിമ തന്റെ കണ്ണുകൾ നിറഞ്ഞു കുമാരനോട് എല്ലാം തുടർന്ന് പറഞ്ഞു..മഹിമയുടെ കണ്ണുകൾ പേടിച്ചു നിൽക്കുന്നത് അധികം നേരം കണ്ടു നിൽക്കാൻ കുമാരനു കഴിഞ്ഞില്ല. " എടാ.... ഞങ്ങൾ കുറച്ചധികം സമയം ആയി നിന്നെ ശ്രദ്ധിക്കുന്നു. നീ മഹിമയുടെ സുഹൃത്ത്‌ ആണ് പോലും." ഒരുപാട് നേരം മഹിമയെ ശല്യം ചെയ്തുകൊണ്ടിരുന്ന ആ പയ്യനെ ചുരുങ്ങിയ സമയം കൊണ്ട് കുമാരൻ ആട്ടിയോടിച്ചു.അവന്റെ ഓട്ടം മഹിമയുടെ അനിയൻ പൊട്ടി ചിരിക്കുവാൻ തുടങ്ങി. അമ്പലത്തിനുള്ളിൽ എല്ലാവരും ഭഗവാനെ തൊഴുതു പ്രാർത്ഥിക്കുകയായിരുന്നു. മഹിമയുടെ കണ്ണുകൾ അറിഞ്ഞോ അറിയാതെയോ കുമാരനെ ശ്രദ്ധിക്കുവാൻ തുടങ്ങി. പരസ്പരം ഇരുവരും കണ്ണുകൾ കൊണ്ട് സംസാരിക്കുവാൻ തുടങ്ങി. 📖 കഥയുടെ ബാക്കി ഭാഗങ്ങൾ ഇവിടെ വായിക്കാം: 👉 https://share.aksharathalukal.in/s/52358/view വായിച്ചിട്ട് അഭിപ്രായം പറയണേ 🥰 #💞 പ്രണയകഥകൾ #📔 കഥ #📙 നോവൽ