ആദ്യമായ് നമ്മൾ കണ്ട വേളയിൽ നിൻ മിഴിയിൽ ദേഷ്യം തിളങ്ങിരുന്നു... ✨ വാക്കിൻ കനലുകൾ കോരിയെറിഞ്ഞു നീ എൻ മനമാകെ പൊള്ളിച്ചിരുന്നു... ✨ അന്ന് ആ കണ്ണിലെ കരിമുകിൽ കണ്ടപ്പോൾ സ്നേഹത്തിൻ തുമ്പില്ലെന്നോർത്തു പോയി ഞാൻ...✨ പരിഭവച്ചൂടിൽ ഉരുകിത്തീർന്നു നാം പലവട്ടം പിണങ്ങി മുഖം തിരിച്ചു... ✨ ദേഷ്യം തുളുമ്പുന്ന നിൻ അധരങ്ങളിൽ സ്നേഹത്തിൻ ഗന്ധം തിരഞ്ഞു പോയി.... ✨ കാലം മെല്ലെ ചുവടു വെച്ചപ്പോൾ നിൻ മൗനം പോലും കവിതയായി മാറി... ✨ വേലിയേറ്റം പോലെ വന്ന നിൻ കോപം ശാന്തമായൊരു കടലായ് ഇരമ്പി ... ✨ നിന്നിലെ കടുപ്പമേറിയ കനലുകളെല്ലാം പ്രണയത്തിൻ പനിനീർ പൂക്കളായി വിരിഞ്ഞു...✨ ഇന്നീ മിഴികളിൽ പടരുന്നത് പ്രണയം ഇന്നീ വരികളിൽ തുളുമ്പുന്നത് അമൃതം... ✨ ഒടുവിൽ നീ പെയ്തിറങ്ങിയ പ്രണയമഴയിൽ എൻ ലോകം മൊത്തം കുതിർന്നു നിന്നു... ✨ ദേഷ്യമല്ല നീ ഉള്ളിൽ സൂക്ഷിച്ചതെന്ന് നിന്റെ ഓരോ ശ്വാസവും എന്നോട് മൊഴിഞ്ഞു...✨ നിൻ പരിഭവങ്ങൾക്കിന്ന് പ്രണയത്തിൻ താളം നിൻ നോക്കുകൾക്കിന്ന് അനുരാഗ നീലിമ...✨ അന്ന് പൊള്ളിച്ച കനലുകൾ ഇന്നെന്നെ സ്നേഹത്തിൻ ചൂടാൽ പുണർന്നു നിൽക്കുന്നു... ✨ അറിയുന്നു ഞാൻ ഇന്നു നീയെന്ന സത്യം നമ്മളൊന്നായ ഈ പ്രണയതീരം....❣️❣️✍️ #📝 ഞാൻ എഴുതിയ വരികൾ