కరీంనగర్ సవరణ్ ప్రభుత్వ పాఠశాలలో హిందీ టీచర్‌గా పనిచేస్తున్న మహమ్మద్ జావేద్ గారు, తొమ్మిదో తరగతి చదువుతున్న సయ్యద్ హనీఫ్ అనే విద్యార్థి ప్రతిభను గుర్తించి, పేదరికం ఆ అబ్బాయి చదువుకు అడ్డంకి కాకూడదని అనుకున్నారు. అంతటితో హనీఫ్ చదువు, వసతి, పౌష్టికాహారం, ట్యూషన్ల కోసం జావేద్ గారు ఏటా సుమారు ₹1 లక్ష వరకు ఖర్చు చేస్తున్నారు. అంతేకాకుండా, ఆ కుటుంబం ఆర్థికంగా నిలదొక్కుకోవడానికి హనీఫ్ తండ్రికి స్వయంగా ఒక తోపుడు బండిని కొనిచ్చి ఉపాధి కల్పించారు. గతంలో కూడా ఆయన ఒక నిరుపేద విద్యార్థిని చేరదీసి చదివించగా, ఆ అబ్బాయి ఇప్పుడు హైదరాబాద్‌లో సాఫ్ట్‌వేర్ ఇంజనీర్‌గా స్థిరపడటం విశేషం. కేవలం పాఠాలు చెప్పడమే కాకుండా, ఒక విద్యార్థి జీవితాన్నే మార్చేస్తున్న ఈ మాస్టారి కృషిని చూసి తోటి ఉపాధ్యాయులు కూడా స్పందించి తమ వంతు సహాయాన్ని అందిస్తున్నారు. #Karimnagar #Inspiration #RealHero #SaluteToTeachers #Humanity #EducationForAll #GoodNews #💪పాజిటీవ్ స్టోరీస్ #😇My Status #🙆 Feel Good Status