🌷ਧੰਨ ਧੰਨ ਧੰਨ ਪਿਆਰੇ ਬਾਬਾ ਨੰਦ ਸਿੰਘ ਜੀ ਮਹਾਰਾਜ਼ ਧੰਨ ਧੰਨ ਧੰਨ ਪਿਆਰੇ ਬਾਬਾ ਈਸ਼ਰ ਸਿੰਘ ਜੀ ਮਹਾਰਾਜ਼ 🌷 ਭਗਤ ਕਬੀਰ ਜੀ ਨਾਲ ਇੱਕ ਬ੍ਰਾਹਮਣ ਦੀ ਬਹਿਸ ਹੋ ਗਈ, ਜਿਸਨੂੰ ਆਪਣੀ ਉੱਚੀ ਜਾਤੀ ਦਾ ਅਭਿਮਾਨ ਸੀ! ਕਬੀਰ ਜੀ ਨੇ ਉੱਥੇ ਇੱਕ ਸ਼ਬਦ ਉਚਾਰਿਆ .... "ਜੌ ਤੂੰ ਬ੍ਰਾਹਮਣੁ ਬ੍ਰਹਮਣੀ ਜਾਇਆ !! ਤਉ ਆਨ ਬਾਟ ਕਾਹੇ ਨਹੀ ਆਇਆ !! " ਮਤਲਬ ਕਿ ਜੇ ਤੂੰ ਬ੍ਰਾਹਮਣ ਹੈਂ ਤੇ ਬ੍ਰਾਹਮਣੀ ਦੇ ਪੇਟੋਂ ਜੰਮਿਆ ਹੈ ਤਾਂ ਦੂਜੇ ਰਸਤੇ ਥਾਈਂ ਕਿਉਂ ਨਹੀਂ ਆਇਆ.? ਹੁਣ ਆਮ ਗ੍ਰੰਥ-ਕਾਰ ਇਸ ਦਾ ਅਰਥ ਇਹ ਕਰਦੇ ਨੇ ਕਿ ਜੇ ਤੂੰ ਬ੍ਰਾਹਮਣ ਹੈਂ ਤੇ ਬ੍ਰਾਹਮਣੀ ਦੇ ਪੇਟੋਂ ਜੰਮਿਆ ਹੈਂ ਤਾਂ ਤੂੰ ਭੀ ਉਸੇ ਰਸਤੇ ਥਾਈਂ ਆਇਆ ਹੈਂ ਜਿਸ ਰਸਤੇ ਥਾਈਂ ਦੂਜੇ ਆਉਂਦੇ ਹਨ! ਪ੍ਰੰਤੂ ਨਹੀਂ, ਤੁਕ ਦਾ ਅਰਥ ਤਾਂ ਇਹ ਹੈ ਕਿ ਜੇ ਤੂੰ ਬ੍ਰਾਹਮਣੀ ਜਾਇਆ ਹੈ ਤਾਂ ਦੂਜੇ ਰਸਤੇ ਥਾਈਂ ਕਿਉਂ ਨਹੀਂ ਆਇਆ? ਹੁਣ ਜ਼ਰਾ ਸੋਚੀਏ ਕਿ ਜੇ ਕੋਈ ਦੂਜਾ ਰਸਤਾ ਹੈ ਤਾਂ ਹੀ ਉਸਦਾ ਜ਼ਿਕਰ ਗੁਰਬਾਣੀ ਵਿੱਚ ਆਇਆ ਹੈ! ਉਹ ਕਿਹੜਾ ਦੂਜਾ ਰਸਤਾ ਹੈ? ਇਹ ਸਿਰੇ ਦੀ ਪੜ੍ਹਾਈ ਹੈ! ਜਿਸ ਤਰ੍ਹਾਂ ਦੁਨਿਆਵੀ ਪੜ੍ਹਾਈ ਲਈ ਉਸਤਾਦ ਦੀ ਲੋੜ ਹੈ, ਇਸੇ ਤਰ੍ਹਾਂ ਪਰਮਾਰਥ ਦੀ ਪੜ੍ਹਾਈ ਲਈ ਭੀ ਉਸਤਾਦ ਦੀ ਲੋੜ ਅਤਿ ਜ਼ਰੂਰੀ ਹੈ! ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬਾਣੀ ਨੂੰ ਸਮਝਣਾ ਕੋਈ ਖੇਡ ਨਹੀਂ! ਇੱਕ ਜੱਟ, ਸ਼ਹਿਰ ਵਿੱਚ ਆਪਣੇ ਦਾਣੇ ਸੁੱਟ ਕੇ ਵਾਪਿਸ ਗੱਡੇ ਤੇ ਪਿੰਡ ਨੂੰ ਜਾ ਰਿਹਾ ਸੀ! ਉਸ ਨੇ ਸੜਕ ਤੇ ਖੜ੍ਹੇ ਅੰਬਾਂ ਦੀ ਰੇਹੜੀ ਵਾਲੇ ਨੂੰ ਅੰਬਾਂ ਦਾ ਭਾਅ ਪੁੱਛਿਆ ....ਰੇਹੜੀ ਵਾਲਾ ਕਹਿੰਦਾ ਕਿ ਦੋ ਰੁਪਏ ਕਿੱਲੋ ਇਤਨੀ ਦੇਰ ਨੂੰ ਗੱਡਾ ਅੱਗੇ ਲੰਘ ਗਿਆ! ਪਿੰਡ ਪਹੁੰਚਣ ਤੇ ਉਸਨੂੰ ਪਿੰਡ ਵਾਲੇ ਪੁੱਛਣ ਲੱਗੇ 'ਤੂੰ ਸ਼ਹਿਰੋਂ ਆਇਆ ਹੈਂ, ਅੰਬਾਂ ਦਾ ਕੀ ਭਾਅ ਹੈ ? ".....ਉਹ ਕਹਿੰਦਾ ਦੋ ਰੁਪਏ ਕਿੱਲੋ ਹੈ! ਕਿਸੇ ਨੇ ਪੁੱਛਿਆ ਕਿ ਅੰਬ ਖੱਟੇ ਸੀ ਜਾਂ ਮਿੱਠੇ ? ....ਉਹ ਕਹਿੰਦਾ ਇਹ ਤਾਂ ਮੈਂ ਨਹੀਂ ਦੱਸ ਸਕਦਾ ਕਿਉਂਕਿ ਮੈਂ ਚੂਪੇ ਨਹੀਂ ਹਨ! ਇੱਕ ਹੋਰ ਗੱਡੇ ਵਾਲਾ ਮਗਰ ਆ ਰਿਹਾ ਸੀ, ਉਸ ਨੇ ਭੀ ਭਾਅ ਪੁੱਛਿਆ, ਖੜ੍ਹ ਗਿਆ ਤੇ ਅੰਬ ਖਰੀਦ ਲਏ! ਰਾਹ ਵਿੱਚ ਚੂਪਦਾ ਆਇਆ! ਉਹ ਦੱਸ ਸਕਦਾ ਹੈ ਕਿ ਅੰਬ ਖੱਟੇ ਹਨ ਜਾਂ ਮਿੱਠੇ! ਇਸਤੋਂ ਭੀ ਪਰ੍ਹੇ ਇੱਕ ਮੰਜਿਲ(ਰਸਤਾ) ਹੈ, ਉਹ ਕਿਹੜੀ? ....ਇੱਕ ਤੋਤਾ ਹੈ, ਉਹ ਅੰਬ ਦੀ ਬਿਲਕ (ਛਿੱਲੜ) ਭੀ ਲਾਹ ਕੇ ਸੁੱਟ ਦਿੰਦਾ ਹੈ! ਗੁੱਦੇ ਦੇ ਹੇਠਾਂ ਗੁਠਲੀ ਹੈ, ਉਹ ਉਸਨੂੰ ਭੀ ਕੁਤਰ ਦਿੰਦਾ ਹੈ ਤੇ ਫੇਰ ਅਖੀਰ 'ਚ ਗਿਰੀ ਹੁੰਦੀ ਹੈ ....ਜਿਸ ਦਾ ਸਵਾਦ ਕੇਵਲ ਤੋਤਾ ਦੱਸ ਸਕਦਾ ਹੈ, ਕਿਉਂਕਿ ਉਹ ਤੋਤੇ ਦੀ ਖੁਰਾਕ ਹੈ! ਸੋ ਇਸੇ ਤਰ੍ਹਾਂ ਹੀ ਪੂਰਨ ਮਹਾਂਪੁਰਖ ਗੁਰਬਾਣੀ ਦੀ ਤਹਿ ਤੱਕ ਪਹੁਂਚ ਕੇ ਉਸ ਮਹਾਂ-ਆਨੰਦ ਬਾਰੇ ਸਾਨੂੰ ਦੱਸ ਸਕਦੇ ਹਨ, ਜਿਸ ਦੀ ਉਹਨਾਂ ਨੂੰ ਪ੍ਰਾਪਤੀ ਹੋ ਚੁੱਕੀ ਹੈ! ਦੂਜੀ ਸਾਰੀ ਦੁਨੀਆ ਤਾਂ ਬਿਲਕ ਤੇ ਗੁੱਦੇ ਤੱਕ ਹੀ ਸੀਮਤ ਹੁੰਦੀ ਹੈ! ਜ਼ਰੂਰੀ ਨਹੀਂ ਕਿ ਇਸ ਤਹਿ ਤੱਕ ਵਿਦਵਾਨ, ਗਿਆਨੀ, ਪ੍ਰਚਾਰਕ ਐਮ. ਏ.ਪੀ. ਐੱਚ. ਡੀ ਜਾਂ ਹੋਰ ਡਿਗਰੀਆਂ ਵਾਲੇ ਹੀ ਪਹੁੰਚ ਸਕਦੇ ਹਨ! ਇੱਥੇ ਤਾਂ ਹੋਰ ਪੜ੍ਹਾਈ ਦੀ ਲੋੜ ਹੈ, ਜਿਹੜੀ ਭਾਈ ਲਹਿਣਾ ਜੀ ਨੇ, ਤੀਜੇ ਪਾਤਸ਼ਾਹ ਨੇ, ਅਤੇ ਸਾਰੀਆਂ ਹੀ ਪਾਤਸ਼ਾਹੀਆਂ ਨੇ ਕੀਤੀ ਸੀ! ਇਹ ਆਮ ਜਗਿਆਸੂਆਂ ਦੇ ਵੱਸ ਦਾ ਰੋਗ ਨਹੀਂ ਹੈ! ਧੰਨ ਧੰਨ ਬਾਬਾ ਈਸ਼ਰ ਸਿੰਘ ਜੀ ਮਹਾਰਾਜ਼ ਫੁਰਮਾਉਂਦੇ ਸਨ ਕਿ ਗੁਰਬਾਣੀ ਦੀ ਕੋਈ ਤੁਕ ਗੁਰੂ ਸਾਹਿਬ ਵਿੱਚ ਐਸੀ ਦਰਜ਼ ਨਹੀਂ ਹੈ ਜਿਹੜੀ ਕਸਵੱਟੀ ਤੇ ਪੂਰੀ ਨਾ ਉੱਤਰੇ! ਬਾਬਾ ਜੀ ਫੁਰਮਾਉਂਦੇ ਸਨ ਕਿ 'ਉਹ ਸੂਰਜ ਕਹਾਉਣ ਦਾ ਹੀ ਹੱਕਦਾਰ ਨਹੀਂ ਜੋ ਹਨੇਰਾ ਦੇਖ ਲਵੇ! ਜਿੰਨੇ ਪੀਰ, ਪੈਗੰਬਰ, ਅਵਤਾਰ ਇਸ ਦੁਨੀਆ ਵਿੱਚ ਆਏ ਉਹ ਆਮ ਇਨਸਾਨਾਂ ਵਾਂਗ ਆਮ ਰਸਤੇ ਥਾਈਂ ਨਹੀਂ ਆਏ! ਉਹ ਦੂਜੇ ਰਸਤੇ ਥਾਈਂ ਆਉਂਦੇ ਹਨ, ਉਸਨੂੰ ਹੀ 'ਆਨ ਬਾਟ ' ਕਹਿੰਦੇ ਹਨ! " ਬਾਬਾ ਜੀ ਬਚਨ ਕਰਦੇ ਸਨ, 'ਅਵਤਾਰਾਂ ਦਾ ਸਰੀਰ ਮਾਤਾ ਦੇ ਪੇਟ ਵਿੱਚ ਉਸੇ ਤਰ੍ਹਾਂ ਤਿਆਰ ਹੁੰਦਾ ਹੈ, ਪ੍ਰੰਤੂ ਸ਼ਕਤੀ ਬਾਹਰ ਖੜੀ ਹੁੰਦੀ ਹੈ! ਜਦੋਂ ਸਰੀਰ ਤਿਆਰ ਹੋਣ ਦਾ ਸਮਾਂ ਪੂਰਾ ਹੋ ਜਾਂਦਾ ਹੈ ਤਾਂ ਸ਼ਕਤੀ ਇੱਕ ਦਮ ਵਿੱਚ ਪ੍ਰਵੇਸ਼ ਕਰ ਜਾਂਦੀ ਹੈ! ਇਹ ਗੱਲ ਆਮ ਸੁਨਣ ਤੇ ਦੇਖਣ ਵਿੱਚ ਆਈ ਹੈ ਕਿ ਜਦੋਂ ਕੋਈ ਅਵਤਾਰ ਜਨਮ ਧਾਰਦਾ ਹੈ ਤਾਂ ਬੜੀ ਰੋਸ਼ਨੀ ਹੁੰਦੀ ਹੈ, ਜੋ ਬਾਹਰੋਂ ਆ ਕੇ ਪ੍ਰਵੇਸ਼ ਕਰਦੀ ਹੈ! " ਸਾਰੇ ਗੁਰੂ ਨਾਨਕ ਸਾਹਿਬ.ਦੇ ਅਵਤਾਰ ਧਾਰਨ ਦੀ ਸਾਖੀ ਸੁਣਾਉਂਦੇ ਹਨ ਪ੍ਰੰਤੂ ਇਹ ਨਹੀਂ ਦੱਸ ਸਕਦੇ ਕਿ ਇਹ ਰੋਸ਼ਨੀ ਕਿਉਂ ਅਤੇ ਕਿਵੇਂ ਹੋਈ? ਬਾਬਾ ਨੰਦ ਸਿੰਘ ਜੀ ਮਹਾਰਾਜ਼ ਅਤੇ ਬਾਬਾ ਈਸ਼ਰ ਸਿੰਘ ਜੀ ਮਹਾਰਾਜ਼ ਦੇ ਅਵਤਾਰ ਧਾਰਨ ਵੇਲੇ ਭੀ ਇਸੇ ਤਰ੍ਹਾਂ ਰੋਸ਼ਨੀ ਹੋਈ ਸੀ! ਬਾਬਾ ਜੀ ਫੁਰਮਾਉਂਦੇ ਸਨ, 'ਜੇ ਅਵਤਾਰਾਂ ਨੇ ਹਨੇਰ੍ਹਾ ਦੇਖ ਲਿਆ ਤਾਂ ਅਵਤਾਰ ਕਾਹਦੇ ਹੋਏ #🇮🇳 ਦੇਸ਼ ਭਗਤੀ ਵੀਡਿਓਜ਼ #🙏ਅਧਿਆਤਮਕ ਗੁਰੂ🙏 #🙏ਸ਼੍ਰੀ ਗੁਰੂ ਨਾਨਕ ਦੇਵ ਜੀ #🙏 ਕਰਮ ਕੀ ਹੈ ❓