#💭 എന്റെ ചിന്തകള്‍ പ്രത്യേകിച്ച് ഒരു കഴിവും ഇല്ലാത്തവരായുള്ളവരുണ്ടോ..? ഈ ഞാൻ അങ്ങിനെ ഒരു വിഭാഗം ഉണ്ടേൽ അതിൽ പെടുന്ന ഒരാളാണ്. പലപ്പോഴും ഞാൻ ചിന്തിക്കാറുണ്ട് നമുക്ക് ചുറ്റുമുള്ളവരൊക്കെ ഏതേലും ഒരു കാര്യത്തിൽ പ്രാവീണ്യം നേടിയവരാണ്. ഒന്നുമില്ലേലും തനിയെ യാത്ര ചെയ്യാനെങ്കിലും ശീലിച്ചവർ. എനിക്ക് അതിനു പോലും ഉൾഭയം വന്നു പിറകിലേക്ക് മാറിയാണ് ശീലം. നന്നായി പാചകം ചെയ്യുന്നവരെയും സംസാരിക്കുന്നവരെയും ചിത്രങ്ങൾ വരക്കുന്നവരെയും തുന്നൽ ശീലിച്ചവരെയും ഒക്കെ തെല്ലൊരു അസൂയയോടെ ഞാൻ നോക്കാറുണ്ട്. എന്തിനാവും എന്നെ പോലുള്ളവരെ ഭൂമിയിലേക്ക് പടച്ചു വിട്ടതെന്നോർക്കുമ്പോൾ എനിക്ക് ചിരി വരാറുണ്ട്. ഒരേ സമയം നിരാശയും. ആരാലും അംഗീകരിക്കപ്പെടാനില്ലാതെ... ജീവിതത്തിൽ ഒന്നും നേടാനാകാതെ പോയവർക്കായി ( അങ്ങിനെ ആരേലുമുണ്ടോ? 🙄 )സമർപ്പിക്കുന്നു... 🙏 - ആമി