#🎶 ନୂଆ ଗୀତ 🎙 "ସବୁ ତ ହେଲାଣି ଛୋଟ"
—————————
ଆଗେ ଯାହା ଥିଲା ବଡ ବଡ ସବୁ
ଏବେତ ହେଲାଣି ଛୋଟ,
କେତେ କ'ଣ ସବୁ ସରୁଆ ହେଲାଣି
ଆଗେ ଯାହା ଥିଲା ମୋଟ॥
ଚାଉଳ,ବେଶନ,ଅଟା,ଚିନି,ଲୁଣ
ଆଗେ ଆସୁଥିଲା ବସ୍ତାରେ,
ଛୋଟିଆ ପ୍ଯାକେଟ୍ ହୋଇ ଆସିଲାଣି
ମିଳୁ ଅଛି ଯାହା ଶସ୍ତାରେ॥
ବିଲବାଡି ସବୁ ବଡ ବଡ ଥିଲା
ଏବେ ତ ହେଲାଣି ଛୋଟିଆ,
ଅଧିକାକୁ କମ୍ କରିବାକୁ ଆଉ
ପଡୁନାହିଁ ଝୀନିଝଟିଆ ॥
ଆଣ୍ଟିନା ଲଗାଇ ଟି.ଭି ଦେଖୁଥିଲେ
ଏବେ ସବୁ ମୋବାଇଲ୍ ରେ,
ଆଗେ ଥିଲା ଯାହା ବଡ ବଡ ଗ୍ରନ୍ଥ
ଏବେ ତାହା ପ୍ରୋଫାଇଲ୍ ରେ॥
ବଡ ବଡ ଶାମ୍ପୁ,ସ୍ନୋ,ପାଉଡର
ଏବେ କୁନି କୁନି ପାଉଚ୍,
ଡଙ୍କି,କରଚୁଲି ଆଗେ ଯାହା ଥିଲା
ଏବେକୁ ହୋଇଲା ଚାମଚ୍ ॥
ଆଗେ ଚାଲିଥିଲା ହଣ୍ଡା,ହାଣ୍ଡି ହେଲେ
ଏବେକୁ ହେଲାଣି ଟଅବ୍ ,
ଚାଳିଶିବର୍ଷିଆ ଚାକିରୀ ବଦଳି
ଆଉଟ୍ ସୋର୍ସିଂ ଜଅବ୍ ॥
ଆଗେ ପିନ୍ଧୁଥିଲେ ଲମ୍ବା ଲମ୍ବା ଶାଢୀ
ଏବେ କୁ ହେଲାଣି ସେମିଜ,
ସର୍ଟ ପ୍ଯାଣ୍ଟ୍ ,ସର୍ଟ ସାର୍ଟ
ଭେରି ସର୍ଟ ହେଲା କାମିଜ॥
କାବ୍ୟ ଛୋଟ ହୋଇ କବିତା ହେଲାଣି
ଫିଲିମ୍ ହେଲାଣି ରିଇଲି,
ସବୁ ଛୋଟିଆ ରେ କାମକୁ ଚଳାଅ
କରନାହିଁ କେହି ଫିଇଲି॥
*****୦*****
ରଚନା:—କବିକାଇଁଚ ଜୟଦେବ ବେହେରା
ସୁବର୍ଣ୍ଣପୁର,ଗୋପ,ପୁରୀ
—————×—————