ଛତିଶଗଡ଼ ସରକାରଙ୍କ ବଡ଼ ଘୋଷଣା । ରାଜ୍ୟର ଅଧିକାରୀ ଓ କର୍ମଚାରୀମାନେ ଏଣିକି ଧ୍ୟାନ କ୍ୟାମ୍ପ୍ରେ ଯୋଗ ଦେବାକୁ ସ୍ୱତନ୍ତ୍ର ଛୁଟି ନେଇପାରିବେ । ମାନସିକ କଲ୍ୟାଣ ଓ କର୍ମକ୍ଷେତ୍ର ଦକ୍ଷତାରେ ସୁଧାର ଏହି ପ୍ରୟାସର ଉଦ୍ଦେଶ୍ୟ । ସରକାରଙ୍କ ନୂଆ ନିର୍ଦ୍ଦେଶ ଅନ୍ତର୍ଗତ, ଉଭୟ ଅଖିଳ ଭାରତୀୟ ସେବା ଓ ରାଜ୍ୟ ସେବା କର୍ମଚାରୀ ସରକାରୀ-ମାନ୍ୟତାପ୍ରାପ୍ତ ବିପାସନା ସେଣ୍ଟର୍ରେ ୧୦ ଦିନିଆ ଆବାସିକ ଧ୍ୟାନ କ୍ୟାମ୍ପ୍ରେ ଯୋଗ ଦେବା ପାଇଁ ଯୋଗ୍ୟ ।ପ୍ରତ୍ୟେକ କର୍ମଚାରୀ ସେମାନଙ୍କ କ୍ୟାରିଅର ୬ ଥର ଏହି ସୁବିଧାର ଲାଭ ଉଠାଇପାରିବେ । ଏଥିପାଇଁ କର୍ମଚାରୀ ଯାତ୍ରା ସମୟ ସହିତ ୧୨ ଦିନର ସ୍ୱତନ୍ତ୍ର ଛୁଟି ନେଇପାରିବେ । ଏହି ଅବଧିରେ ସେମାନଙ୍କୁ ପୂର୍ଣ୍ଣ ଦରମା ମିଳିବ । ତେବେ ଏଥିପାଇଁ କୌଣସି ପ୍ରକାର ଯାତ୍ରା ଖର୍ଚ୍ଚ କିମ୍ବା ଅତିରିକ୍ତ ଖର୍ଚ୍ଚ ଦିଆଯିବ ନାହିଁ । ଏହା କର୍ମଚାରୀଙ୍କ ବ୍ୟକ୍ତିଗତ ଖର୍ଚ୍ଚ ହେବ ବୋଲି ସରକାର ସ୍ପଷ୍ଟ କରିଛନ୍ତି । ଛୁଟି ପାଇଁ ଯୋଗ୍ୟ ବିବେଚିତ ହେବାକୁ ହେଲେ, ଆବେଦନ ସମୟରେ କର୍ମଚାରୀଙ୍କୁ ବିପାସନା କେନ୍ଦ୍ରରୁ ପ୍ରବେଶ ପତ୍ର ଜମା କରିବାକୁ ପଡ଼ିବ । ଫେରିବା ପରେ ସେମାନଙ୍କୁ କେନ୍ଦ୍ର ଦ୍ୱାରା ପ୍ରଦତ୍ତ ଧ୍ୟାନ ଶିବିରରେ ଉପସ୍ଥିତି ପ୍ରମାଣପତ୍ର ଉପସ୍ଥାପନ କରିବାକୁ ପଡ଼ିବ । ଏଥିରେ ବିଫଳ ହେଲେ ଛୁଟିକୁ ଅନ୍ୟ ଛୁଟି ସହ ଯୋଡ଼ାଯିବ । #🧘‍♀️ଧ୍ୟାନ କଲେ ସରକାର ଦେବେ ଛୁଟି🏖️