നിന്നിലേക്കായ് :9 "ഹനാ... ആ ചെറുക്കന് ഇഷ്ട്ടപെട്ടെന്ന്... അൽഹംദുലില്ലാഹ്..." ഉമ്മ ചിരിയോടെ പറയുന്നുണ്ട്... ഹന ഞെട്ടി... ഏഹ്... അവൻ ഇഷ്ട്ടപെട്ടെന്ന് പറഞ്ഞോ..??!... അവളുടെ മുഖത്തെ അമ്പരപ്പ് കണ്ടുകൊണ്ട് ഷഹാന അടുത്തേക്ക് വന്നു... "എന്ത് പറ്റി... നീ ഓക്കേ അല്ലേൽ അത് പറയാം... അവര് സമ്മതമറിയിച്ചാലും നിനക്ക് കൂടി ഓക്കേയാവണ്ടേ... അത് ആലോചിച്ചു ടെൻഷൻ ആവണ്ട...മൂത്താപ്പനോട് നമ്മക്ക് പറയാം..." ഷഹാന അവളെ ആശ്വസിപ്പിച്ചു... ഹന ഇപ്പോഴും എന്ത് കാരണം പറയും??! എങ്ങനെ ഇത് വേണ്ടെന്ന് മൂത്താപ്പാനോട് പറയും എന്നറിയാതെ കുഴഞ്ഞു... വൈകുന്നേരം അവരെ കാണാനായി സലീം എത്തി... അവർ തമ്മിൽ സംസാരിച്ചോ... അവൾക്ക് സമ്മതമാണോന്ന് നേരിട്ട് ചോദിക്കാനാണ് ആളുടെ വരവ്... അയാൾ റഷീദ് വിളിച്ച് പറഞ്ഞ കാര്യങ്ങളെല്ലാം ഉമ്മയോടും വല്ലുമ്മയോടും പറയുന്നുണ്ട്... "അവൾക്കൂടി സമ്മതമാണേൽ നാളെ വീട്ടുകാർക്ക് ഒന്ന് വന്നു കണ്ടാൽ കൊള്ളാമെന്നുണ്ട്... എന്താ ഹനാ നിന്റെ അഭിപ്രായം.?!" "എനിക്ക് ഓക്കെയാണ്..." അത്രമാത്രം പറഞ്ഞവൾ അവിടെ നിന്നും എണീറ്റ് പോയി... അതവൾ മനസ്സാലെ പൂർണസമ്മതമറിയിച്ചതാവണമെന്നില്ല... ഷഹാന ഓർത്തു... അവളോടൊന്ന് സംസാരിക്കാനായി ഹനക്ക് പിറകെ ഷഹാനയും പോയി... "എന്താ പറ്റിയെ...?!" "ഒന്നുല്ല... ഞാൻ ഓക്കേയാണെന്ന് പറഞ്ഞല്ലോ." അവൾ ചിരിച്ചെന്നു വരുത്തി...അപ്പോഴാണ് ഉമ്മയും ആ മുറിയിലേക്ക് കയറി വന്നത്... "ഹനാ... മോളെ ജീവിതകാലം മുഴുവൻ ഒരുമിച്ചു ജീവിക്കാനുള്ളതാണ്... നീ സംസാരിച്ചിട്ട് ഒക്കെയായില്ലെന്നുണ്ടേൽ നമുക്കിത് വേണ്ടെന്ന് വെക്കാം..." അവനെ കണ്ട് വന്നതുമുതൽ അവൾ എന്തോ വിഷമത്തിലാണെന്ന് തോന്നിയതുകൊണ്ടാവണം പറയുന്നത് വിശ്വസിക്കാൻ അവൾക്ക് കുറച്ച് ബുദ്ധിമുട്ട് തോന്നി. "അങ്ങനെ കൊഴപ്പൊന്നുല്ല... നമ്മടെ വീട് തിരിച്ചു തന്നില്ലേ റഷീദ്ക്ക... അതെങ്ങനെ തീർക്കും?!... അവരായിട്ട് ഇങ്ങോട്ട് ചോദിച്ചതാ... അവന്റെ ഭാഗത്തു നിന്നും സമ്മതവും അറിയിച്ചു... പിന്നെ ഒരാളുടെ ഉള്ളറിയാൻ ചൂഴ്ന്ന് നോക്കാൻ പറ്റില്ലലോ... ബാക്കിയൊക്കെ ഒരുമിച്ചു ജീവിക്കുമ്പോൾ പഠിക്കുന്നതല്ലേ..." ഉമ്മാക്ക് അവളോട് എന്ത് പറയണമെന്നറിയില്ല... ആ കടത്തിന്റെ പേരിലാണോ അവളിന്ന് ഇങ്ങനൊരു തീരുമാനം എടുത്തത്... അവൾക്ക് പൂർണമായി ഇഷ്ട്ടമായിട്ടല്ലേ...??! എന്നൊക്കെ ആമിന ചിന്തിക്കുന്നുണ്ട്...ഷഹാന പിന്നീട് അവളോട് കൂടുതൽ ഒന്നും പറഞ്ഞില്ല... അവൾ ആലോചിച്ചെടുത്ത തീരുമാനം തന്നെയാണ് അതെന്ന് ഷഹാനക്ക് മനസിലായി.... സലീം അവിടെ വച്ചുതന്നെ റഷീദിനെ വിളിച്ചു വിവരമറിയിച്ചു... അഷ്മിൽ ആകെ വണ്ടറടിച്ചു നിൽക്കുകയാണ്... എന്നാലും അവളെന്നോടുള്ള ദേഷ്യപ്പുറത്തു സമ്മതിച്ചോ...?! അതോ ഇനി വീട്ടിലുള്ളവർ നിർബന്ധിച്ചോ...??!... എന്നവൻ അത്ഭുതത്തോടെ ഓർത്തു... ഇന്നലെ കാണാൻ പോയപ്പോൾ എന്തായിരുന്നു ജാട... അവൾക്ക് മുന്നോട്ട് പോവാൻ താൽപ്പര്യമില്ലപോലും... എന്നിട്ടിപ്പോ ഓക്കേ പറഞ്ഞേക്കുന്നു... അവൻ വിശ്വാസം വരാതെ ഉപ്പാന്റെ അടുത്ത് പോയി... അവർ നാളെ അവളെ കാണാൻ പോവാനുള്ള കാര്യങ്ങൾ പ്ലാൻ ചെയ്യുകയാണ്... "അതേയ്.... ശെരിക്കും... ഓള് പറഞ്ഞോ ഇന്നേ ഇഷ്ട്ടായെന്ന്...?!" റഷീദും ഷെമിയും പരസ്പരം നോക്കി അവനെ കളിയാക്കി ചിരിക്കുന്നുണ്ട്... "അതെ.. എന്തെ ന്റെ മോൻ അത്ര മോശമാണോ...??!" അഷ്മിൽ ഒന്ന് ചിരിച്ചു...അവനിപ്പോൾ നിലത്തൊന്നും അല്ലെന്ന പോലാണ് നിൽപ്പ്... അതറിഞ്ഞെന്നോണം ഷെമി അവനെ ഓർമിപ്പിച്ചു... "എടാ... നാളെക്ക് കുറച്ച് ഹാമ്പറും ഒരു ബൊക്കയും ഒക്കെ സെറ്റാക്കണ്ടേ...?!നിനക്ക് ഓക്കേ ആണേൽ ഇനി ചടങ്ങുകൾ ഒന്നും വൈകിപ്പിക്കണ്ട... അല്ലെ ഉപ്പാ..." റഷീദും അത് ശെരിവച്ചു... അതവർ സലീം വിളിച്ചപ്പോൾ സംസാരിക്കുകയും ചെയ്തിരുന്നു..... "അച്ചുമാമ... മുട്ടായി കൊടുക്കാൻ പോവാണോ...??!" സോയമോൾ അവനോട് അത്ഭുതത്തോടെ ചോദിക്കുന്നുണ്ട്... ദിയയും ഷെമിയും ഓരോ കാര്യങ്ങൾ പ്ലാൻ ചെയ്യാൻ തുടങ്ങി...വൈകീട്ട് സാധനങ്ങൾ വാങ്ങിക്കാനായി അവൻ തന്നെയാണ് അവരെയും കൂട്ടി ടൗണിലേക്ക് പോയത്,സ്വീറ്റ്സും നട്സും, ഫ്ലവർ ബൊക്കെയും രണ്ട് ജോഡി ഡ്രെസ്സും അതിലേക്കുള്ള ചെരിപ്പും ഒരു കുഞ്ഞു ഡയമണ്ട് റിങ്ങും വാങ്ങിച്ചു... സൈനബയാണേൽ വിവരങ്ങൾ അറിഞ്ഞപ്പോൾ തൊട്ട് മുഖം വീർപ്പിച്ചു നടപ്പാണ്... അവളിതിൽ നിന്നൊക്കെ ഒഴിഞ്ഞ് മാറിയാണ് നടപ്പ്...സൈനബ വാക്ക് കൊടുത്തിട്ട് അവിടെപോയി ആ കുട്ട്യേ കാണുകപോലും ചെയ്തില്ല... ചതിയാണ് നിങ്ങളെല്ലാവരും ചെയ്തത് എന്നൊക്കെയാണ് ആളുടെ വാദം... "ഉമ്മാ... എന്തായാലും ഇതെനിക്ക് ഓക്കേയായി... അപ്പോ ഉമ്മ അതല്ലേ സപ്പോർട്ട് ചെയ്യണ്ടത്...ഇങ്ങനെ വാശി കാണിക്കല്ലേ..." അഷ്മിൽ കെഞ്ചി പറയുന്നുണ്ട്... സൈനബ ഒന്നും മിണ്ടുന്നില്ല... "ഉമ്മാക്കിപ്പോ എന്താ പ്രശ്നം... ഉമ്മ പറഞ്ഞ കുട്ടിയുടെ കുടുംബക്കാർക്ക് സ്വത്തുണ്ട്... നാസർക്കാന്റെ കുടുംബത്തിന് അതില്ല... ഉമ്മാ നോക്ക്... അവര് ആവുന്ന കാലത്ത് നമ്മക്ക് ഒരുപാട് സഹായങ്ങൾ ചെയ്തിട്ടുണ്ട്... ഒരിക്കലും വന്ന വഴി മറന്ന് പോവരുത്... പിന്നെ അവളെ ഞാൻ ഈ വീട്ടിലേക്ക് കൊണ്ട് വരുമ്പോ പൊന്നോ  സ്വത്തോ ഒന്നും ഉണ്ടാവില്ലെന്നറിയാം... കെട്ടുന്ന പെണ്ണിനെ പോറ്റണ്ടത് അവളെ മഹറ്  ചാർത്തുന്നവന്റെ കടമയാണ്..അവളുടെ സ്വത്ത്‌ വേണ്ട ഞങ്ങൾക്ക് ജീവിക്കാൻ....അവൾ എന്റുമ്മാക്ക് നല്ല മരുമോളായിരിക്കും... ഇനിയിപ്പോ ഉമ്മ പറഞ്ഞ കുട്ട്യേ തന്നെ ഞാൻ നികാഹ് ചെയ്തെന്നു വിചാരിക്ക്... ഉമ്മാക്ക് ഉറപ്പ് തരാൻ പറ്റുമോ അത്രയും സ്വത്തും സ്വർണ്ണവും ഉണ്ടായിട്ട് ഞങ്ങളുടെ ജീവിതം സന്തോഷത്തിലാവുമെന്ന്... ഇത്... ആളെ എനിക്ക് മുന്നേ അറിയാം... മാമിയുടെ വീട്ടിൽ ട്യൂഷൻ എടുക്കാൻ പോവാറുണ്ട്... ഞങ്ങൾ മുന്നേ കണ്ടിട്ടുണ്ട്... സംസാരിച്ചിട്ടുണ്ട്... ഇഷ്ടപ്പെട്ടതുകൊണ്ടാ ഉമ്മാ.... " എന്തൊക്കെ പറഞ്ഞിട്ടും സൈനബ അവനോട് മിണ്ടിയില്ല...അവൻ റഷീദിനെ നോക്കി അവിടെ നിന്നും എണീറ്റുപോയി. "സൈനബ ഇയ്യ് ഞാൻ പറയുന്നത് ഒന്ന് കേൾക്ക്... അവന് ഇഷ്ട്ടായ സ്ഥിതിക്ക് ഇനീപ്പോ ഞമ്മളെന്ത് പറയാനാ..?!" റഷീദ് അവളെ സമാധാനിപ്പിക്കാൻ നോക്കുന്നുണ്ട്... "ഇങ്ങള് ഒന്നും പറയണ്ട... ഇങ്ങള് മനഃപൂർവം ചെയ്തതാ... അല്ലേലും വന്നു വന്നു അവന് പെറ്റ തള്ള പറയുന്നത് കേൾക്കാൻ വയ്യാണ്ടായിട്ടണ്ട്... ഒരു വിലയും ഇല്ലലോ എനിക്ക്..രണ്ടാളും എന്നോടൊരു വാക്ക് പറഞ്ഞോ അവളെ കാണാൻ പോവുന്നത്..?!ഇല്ലലോ... നിങ്ങളൊക്കെ കൂടി എല്ലാം അങ്ങ് നടത്തിയാൽ മതി... സൈനബാനെ നോക്കണ്ട...." "സൈനബ... നാളെ ആ കുട്ട്യേ പോയൊന്നു കാണുമ്പോ തീരാവുന്ന പരിഭവം ഒള്ളു... നീ അവനോടൊന്ന് പോയി സംസാരിച്ചേ...ആ കുട്ട്യേ കുറിച് ചോദിക്ക്... ഇങ്ങനെ പിണങ്ങി നിക്കല്ലേ...നമക്ക് ആകെയുള്ള മോനല്ലേടി .. അവനിഷ്ടപ്പെട്ടെങ്കിൽ നമ്മളല്ലേൽ വേറാരു നടത്തികൊടുക്കും... ചെല്ല്... ഒന്ന് പോയി സംസാരിക്ക്..." റഷീദ് അവളെ അഷ്മിലിനടുത്തേക്ക് പറഞ്ഞയക്കുന്നുണ്ട്... ഉമ്മാക്ക് അത് വലിയ വിഷമമായത് അവൻ റഷീദ്നോട് പലതവണ പറയുന്നുണ്ട്... ------------------------------------------------------ ഹന സുബ്ഹി നിസ്കരിച്ചു ഏറെ നേരം അവിടെത്തന്നെ ഇരുന്നു... പടച്ചവനോട് അവളുടെ നല്ല ഭാവിക്കായി പ്രാർത്ഥിച്ചു... പരിചയമുള്ളയാളാണ്... പക്ഷെ അതൊരു നല്ല പരിചയപെടലായിരുന്നില്ലലോ... ഇനിയും ആളെ ഒരുപാട് മനസ്സിലാക്കാനുണ്ട്... ഒരുമിച്ചു ജീവിക്കുമ്പോഴേ മനസ്സിലാവു... ഷഹാനയുടെ പോലെയുള്ളൊരു ജീവിത പങ്കാളിയായിരിക്കരുതേ.... എന്നവൾ പ്രാർത്ഥിച്ചു... തന്റെ ഉപ്പ ആഗ്രഹിച്ച പോലെ തന്നെ ചേർത്ത് നിർത്തുന്നവൻ... സുഖങ്ങളിലും ദുഃഖങ്ങളിലും തുണയാവുന്നവൻ...അഷ്മിൽ തനിക് അങ്ങനൊരാൾ ആയിരിക്കില്ലേ..?!... അവൾ കണ്ണടച്ചതും അന്ന് മാളിൽ വെച്ച് നടന്നതാണ് അവൾക്ക് ഓർമ വന്നത്. അതോർക്കേ അവൾക്ക് വല്ലാത്ത ദേഷ്യം തോന്നി... കോളേജിൽ പോവാനായി ഡ്രസ്സ്‌ മാറി അവൾ ബ്രേക്ഫാസ്റ്റ് കഴിക്കാനായി ഇരുന്നു... "ഇയ്യ് ഇന്ന് പോവുന്നുണ്ടോ..?!" ഉമ്മയാണ്... "ഇന്ന് ലാബ് ടെസ്റ്റ്‌ ഉണ്ട് ഉമ്മാ... പോയെ പറ്റു... ഞാൻ ഉച്ചയാവുമ്പോഴേക്കും എത്തും അവർ വൈകീട്ടല്ലേ വരുന്നേ...!" "വൈകരുത്... എത്തിയിട്ട് റെഡിയായി നിൽക്കണ്ടേ!" "വരുമ്പോൾ എന്റെ കൂടെ തൻഹയും രചനയും ഉണ്ടാവും..." "ആഹ്... അത് നന്നായി.." അവൾ യാത്ര പറഞ്ഞിറങ്ങി... കോളേജിൽ എത്തി അവൾ നേരെ ലാബിലേക്ക് നടന്നു... കാര്യമായിട്ട് ക്ലാസ്സ്‌ ഒന്നുമില്ല... ലാബിൽ കുറച്ച് പ്രാക്ടിക്കൽസ് ചെയ്യാനുണ്ട്... ഓരോ കാര്യങ്ങൾ ചെയ്യുമ്പോഴും അവളുടെ ചിന്ത അഷ്മിലിനെ കുറിച്ചായിരുന്നു... ഞാനെടുത്ത തീരുമാനം തെറ്റായി പോയോ..?!... "എന്താടി...ഫേസ് അത്ര ബ്റൈറ്റ് അല്ലലോ... നീ ഓക്കേയല്ലേ...?!" രചനയാണ്... പ്രാക്ടിക്കൽസ് ചെയ്യുമ്പോഴാണ് അവളുടെ മുഖം ശ്രദ്ധിക്കുന്നത്... "എന്തോ ഒരു ടെൻഷൻ..."! "സാരല്ല... നീ ഇപ്പോ ഓക്കേ അല്ലെങ്കിൽ ഇത് ചെയ്യണ്ട... മൈൻഡ് ഒന്ന് ഫ്രീയായിട്ട് ചെയ്യുന്നതായിരിക്കും നല്ലത്... നീ ക്ലാസ്സിലേക്ക് പൊക്കോ... ഞാനും തൻഹയും വന്നോളാം... ഒരു പതിനഞ്ചു മിനിറ്റ്..." ഹന കൈയിലിട്ടിരിക്കുന്ന ഗ്ലൗസ് ഊരിവെച്ചു ക്ലാസ്സിലേക്ക് നടന്നു... അപ്പോഴാണ് ശാമിൽ വരുന്നത്... ശാമിലും ഹനയും എട്ടാം ക്ലാസ്സുമുതലുള്ള കൂട്ടാണ്... പത്താം ക്ലാസ്സ്‌ കഴിഞ്ഞപ്പോ അവൻ കൊമേഴ്‌സും  ഹന സയൻസിലേക്കും വേർപ്പിരിഞ്ഞു... ഏകദേശം ഒരേ നാട്ടുകാരുമാണ്... "ആഹാ... പുതുപ്പെണ്ണ് ഇന്ന് കോളേജിലേക്ക് വന്നോ...അവരെപ്പഴാ എത്തുന്നേ?!" "ഉച്ച കഴിഞ്ഞ്..." "നീയിങ്ങനെ ടെൻഷനാവാൻ മാത്രം ഭീകരാനൊന്നും അല്ലടി അയാൾ... ഞാനും ജാസിമും ഇന്നലെ അവന്റെ അഡ്രസ് വെച്ചിട്ട് അന്വേഷിച്ചതാ... ആൾ പെർഫെക്ട് അല്ലെ... അങ്ങനെ പ്രശ്നങ്ങൾ  ഒന്നും കിട്ടിയില്ലന്നെ... പൊതുവേ... ഈ ചെക്കന്മാരെ പറ്റി അന്വേഷിക്കാൻ പോയാൽ എത്രയെത്ര നാറ്റകേസുകളാ കേൾക്കാറ് ... നീയൊന്നും ആലോചിക്കേണ്ട... ഹാപ്പിയായിരിക്ക്..." അവനവളെ ആശ്വസിപ്പിക്കുന്നുണ്ട്... "പിന്നെ അന്ന് മാളിൽ വച്ചുണ്ടായത്... അതിപ്പോ ആളെയും തെറ്റ് പറയാൻ പറ്റില്ല... നമ്മടെ ഭാഗത്തും മിസ്റ്റേക്ക് ഉണ്ടായിരുന്നല്ലോ..." അവൻ പതിയെ പറഞ്ഞു... ഹന അവനെ ദേഷ്യത്തോടെ നോക്കുന്നുണ്ട്... അവൾക്ക് അപ്പറഞ്ഞത് അത്ര ബോധിച്ചില്ലെന്ന് ഷാമിലിന് മനസ്സിലായി... "നീ ഒന്ന് കൂളായിക്കെ... ചുമ്മാ ആവശ്യമില്ലാതെ ഓരോന്ന് ആലോചിക്കാതെ എനിക്കൊരു സമൂസയും ചായയും വാങ്ങി തായോ... രാവിലെ ഒന്നും കഴിച്ചില്ല..." വയറു തടവികൊണ്ടാണ് ആ പറച്ചിൽ. "വന്നു വന്ന് പറ്റ് കൊറച്ചായെ..." ഹന അവനെ നോക്കി കണ്ണുരുട്ടി... ഇടക്ക് വന്ന് അവളെക്കൊണ്ട് ക്യാന്റീനിൽ പോയി ഓസിക്ക് വാങ്ങി കഴിക്കുന്നത് അവനിപ്പോ പതിവാണ്... തിരിച്ചും വല്ലപ്പോഴും വാങ്ങിച്ചുകൊടുക്കാറുണ്ട്... "ശേ... നീയിതെന്താ ഹന ഇങ്ങനെ കണക്ക് പറയുന്നേ... ഇന്നൂടി കഴിഞ്ഞ പിന്നെ എൻഫോസ്‌മെന്റ് ഓഫീസറുടെ ഭാര്യയാ..എന്നിട്ട് നീയെന്നോട് കണക്ക് പറയുവാന്ന് വെച്ചാൽ ശേ മ്ലേച്ഛം..." "ദേ... ഷാമിലെ എനിക്ക് കേറി വരുന്നുണ്ട്... നിനക്ക് അയാൾ വല്ല കൈവശവും തന്നോ..." "ഞാൻ നിർത്തി... എനിക്ക് എന്റെ ചായയാണ് വലുത്..." പിന്നെ അവനൊന്നും മിണ്ടാതെ കാന്റീനിലേക്ക് അവളോടൊപ്പം നടന്നു... ലാബിലെ വർക്ക്‌ കഴിഞ്ഞ് തൻഹയും രചനയും ഹനയെ കാൾ ചെയ്തപ്പോഴാണ് അവൾ ക്യാന്റീനിൽ ഉള്ള വിവരം അറിയുന്നത്... പിന്നീട് അവര് നാലുപേരും ഒരുമിച്ചായി ചർച്ചകൾ... വൈകീട്ട് മൂന്ന് പേരും ഒരുമിച്ചാണ് ഹനയുടെ വീട്ടിലേക്ക് മടങ്ങിയത്... ഹന വല്ലാത്ത അസ്വസ്ഥതയിലാണെങ്കിലും  അവര് രണ്ടുപേരും കൂടെയുള്ളത് അവൾക്ക് വല്ലാത്തൊരു ആശ്വാസം നൽകി... ------------------------------------------ "ദേ... ഉമ്മാ അവരെത്തി... മൂത്താപ്പനെ വിളിക്ക്..." അടുക്കളയിലെ കാര്യങ്ങൾ എന്തായെന്ന് നോക്കാനെത്തിയ മൂത്താപ്പ കാറിന്റെ ശബ്ദം കേട്ട് ഉമ്മറത്തേക്ക് വേഗത്തിൽ നടന്നു... അവരെ സ്വീകരിച്ചിരുത്തി.... ഫായിയും വല്ലുമ്മയും അവരോട് വിശേഷങ്ങളൊക്കെ ചോദിക്കുന്നുണ്ട്... അഷ്മിലും ഷെമിയും സൈനബയും റഷീദും ദിയയും, ഏകദേശം ദിയയുടെ അതെ പ്രായമുള്ള ഒരു പെൺകുട്ടിയുണ്ട്,... അത് റഷീദിന്റെ അനിയന്റെ മോളാണ് അനിയന്റെ ഭാര്യയും...കൂടെ സൈനബയുടെ ഉമ്മയും ഉണ്ട്... അവരെല്ലാവരും പരസ്പരം ഓരോന്ന് സംസാരിച്ചിരുന്നു. ഹനക്ക് ആകെ ടെൻഷൻ വന്നു തുടങ്ങി...അവൾ അടുക്കളയിൽ തന്നെ ഉമ്മാനെ ചുറ്റിപ്പറ്റി നിൽക്കുകയാണ്... എത്രതവണ കണ്ടിട്ടുള്ളയാളാണ്... ആകെ തല പെരുക്കാൻ തുടങ്ങി... "മോളെവിടെ...? കണ്ടില്ലലോ..." സൈനബയുടെ ഉമ്മയാണ്... മൂത്താപ്പ അവളെ വിളിക്കാനായി ഫായിയോട് പറഞ്ഞു... ഉമ്മ അവൾക്ക് ധൈര്യം പകരുന്നുണ്ട്... അവളുടെ കൈപിടിച്ച് ആമിനയാണ് അവരുടെ മുന്നിലേക്ക് ഹനയെ കൂട്ടികൊണ്ട് വരുന്നത്... അവളെ കണ്ടതും അഷ്മിലിന്റെ ഹൃദയം ഒരുനിമിഷം നിലച്ചതുപോലെ തോന്നി അവന്... ദിയ അവനെ തന്നെ നോക്കുന്നുണ്ട്... കണ്ണിൽ ആകാംഷയോ...?!! ചുവപ്പിൽ ഗോൾഡൻ കളർ ഡിസൈനിലുള്ള ഫുൾ സ്ലീവ് അനാർക്കലിയാണ് അവളുടെ വേഷം... ഹെയർ സെന്റർ പാർട്ടീഷൻ എടുത്ത് ചെറുതായി പിന്നിയിട്ടിരിയ്ക്കുന്നു... ചെമ്പൻ മുടിയിഴകൾ ചെറുതായി നെറ്റിയിലേക്ക് പാറിവീഴുന്നുണ്ട്... ഒരു ജിമിക്കിയും....ഇതുവരെയില്ലാത്തൊരു തിളക്കം... മുഖത്തു പ്രേത്യേക ചമയങ്ങളൊന്നുമില്ല...ചെറുതായി കണ്ണെഴുതിയോ... കൂട്ടിപിടിച്ചിരിക്കുന്ന കൈകൾ വിറകൊള്ളുന്നതവൻ ശ്രദ്ധിച്ചു...ഓരോ കാര്യങ്ങളും മനസ്സിലേക്ക് പകർത്തിയെടുക്കുന്ന തിരക്കിലാണ് അവൻ...മുമ്പും പല തവണ കണ്ടതല്ലേ...??!അന്നൊന്നും ഞാൻ ഇവളെ ഇങ്ങനെ കാണാതിരുന്നതെന്താ... ബ്ലാക്ക് ഫുൾ സ്ലീവ് ഫോർമൽ ഷർട്ടും പാന്റ്സുമാണ് അഷ്മിലിന്റെ വേഷം... അവൾ ആരുടേയും മുഖത്തേക്ക് നോക്കുന്നില്ല... ചിരിയില്ലാത്ത മുഖം... ചിരിച്ചെന്നു വരുത്താൻ ശ്രമിക്കുന്നുണ്ടവൾ... അവൻ മനസിലോർത്തു... തുടരും...... 🤍 എനിക്ക് റിവ്യൂസ് ഒന്നും കിട്ടുന്നില്ല.... 🥲 Story ബോറാണോ... ഹനയെയും അഷ്മിലിനെയും ഇഷ്ട്ടാവുന്നില്ലേ...??! ഇനി two days കൂടുമ്പോ പോസ്റ്റാക്കാം... #💘 Love Forever #💞 പ്രണയകഥകൾ #📙 നോവൽ #📔 കഥ