ਪੰਜਾਬੀ ਅਤੇ ਸਾਊਥ ਫਿਲਮ ਇੰਡਸਟਰੀ ਦੀ ਮਸ਼ਹੂਰ ਅਦਾਕਾਰਾ ਮਹਿਰੀਨ ਪੀਰਜ਼ਾਦਾ ਨੇ ਆਪਣੇ ਪ੍ਰੇਮੀ ਅਰਸ਼ ਔਲਖ ਨਾਲ ਵਿਆਹ ਕਰਵਾ ਲਿਆ ਹੈ। ਐਤਵਾਰ ਨੂੰ ਉਸ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਆਪਣੇ ਵਿਆਹ ਦੀਆਂ ਤਸਵੀਰਾਂ ਸਾਂਝੀਆਂ ਕਰਕੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ। ਮਹਿਰੀਨ ਨੇ ਆਪਣੇ ਵਿਆਹ ਸਮਾਰੋਹ ਦੀਆਂ ਫੋਟੋਆਂ ਸਾਂਝੀਆਂ ਕੀਤੀਆਂ, ਜੋ ਕਿ ਹਿਮਾਚਲ ਪ੍ਰਦੇਸ਼ ਦੇ ਚੈਲ ਦੇ ਦਿਲ ਖਿੱਚਵੇਂ ਪਹਾੜਾਂ ਦੇ ਵਿਚਕਾਰ ਆਯੋਜਿਤ ਕੀਤੀ ਗਈ ਸੀ। ਉਸ ਨੇ ਪੋਸਟ ਵਿਚ ਲਿਖਿਆ, '26.04.26' ਅਤੇ ਇਸ ਦੇ ਨਾਲ ਹੀ "#ArshDiMehr" ਹੈਸ਼ਟੈਗ ਦੀ ਵਰਤੋਂ ਕੀਤੀ।ਦੱਸ ਦੇਈਏ ਕਿ ਮਹਿਰੀਨ ਪੰਜਾਬੀ ਫਿਲਮ DSP ਦੇਵ ਅਤੇ ਅੜਬ ਮੁਟਿਆਰਾਂ 'ਚ ਨਜ਼ਰ ਆ ਚੁੱਕੀ ਹੈ। ਇਸ ਤੋਂ ਇਲਾਵਾ ਉਸ ਨੇ ਕਈ ਸਾਊਥ ਫਿਲਮਾਂ ਵੀ ਕੀਤੀਆਂ ਹਨ। ਮਹਿਰੀਨ ਨੂੰ ਆਖਰੀ ਵਾਰ 2023 ਦੇ ਪੀਰੀਅਡ ਕ੍ਰਾਈਮ ਥ੍ਰਿਲਰ "ਸੁਲਤਾਨ ਆਫ ਦਿੱਲੀ" ਵਿੱਚ ਦੇਖਿਆ ਗਿਆ ਸੀ।ਪੰਜਾਬ ਦੇ ਬਠਿੰਡਾ 'ਚ ਜਨਮੀ ਮਹਿਰੀਨ ਨੇ 2016 ਵਿੱਚ ਤੇਲਗੂ ਫਿਲਮ ਕ੍ਰਿਸ਼ਨਾ ਗੱਡੀ ਵੀਰਾ ਪ੍ਰੇਮਾ ਗਾਧਾ ਨਾਲ ਆਪਣੀ ਅਦਾਕਾਰੀ ਦੀ ਸ਼ੁਰੂਆਤ ਕੀਤੀ ਸੀ। ਉਸਨੇ 2017 ਵਿੱਚ ਫਿਲੌਰੀ ਨਾਲ ਹਿੰਦੀ ਅਤੇ 2017 ਵਿੱਚ ਨੇਂਜਿਲ ਥੁਨੀਵਿਰੁੰਧਲ ਨਾਲ ਤਾਮਿਲ ਫਿਲਮਾਂ ਵਿੱਚ ਡੈਬਿਊ ਕੀਤਾ ਸੀ। ਇਸ ਮਗਰੋਂ ਉਹ ਪੰਜਾਬੀ ਫਿਲਮਾਂ ਵਿੱਚ ਵੀ ਨਜ਼ਰ ਆਈ। #👩‍❤️‍👨ਪੰਜਾਬੀ ਅਦਾਕਾਰਾ ਨੇ ਚੁੱਪ ਚਪੀਤੇ ਕਰਵਾਇਆ ਵਿਆਹ