💞 നീയാം ജീവൻ 💞 Part 34 💞💞💞💞💞💞💞 വില്ലയിലെ ഹാളിൽ ഒരു നിശബ്ദത നിറഞ്ഞു നിന്നു. ആരും ഒന്നും സംസാരിക്കുന്നില്ല. യാൻ സോഫയിൽ ചാരിയിരുന്ന് ദീപുവിനെയും കുക്കുവിനെയും അഹല്യയെയും മാറി മാറി നോക്കി. അവസാനം അവൻ തന്നെ മൗനം ഭേദിച്ചു. യാൻ : "ഇത്രയും നേരം നിങ്ങൾ എന്നെ ഇവിടെ കൊണ്ടുവന്നത് പഴയ കാര്യങ്ങൾ പറയാനാണെന്ന് പറഞ്ഞല്ലോ... അപ്പോൾ പറയൂ." അഹല്യ ഒരു ദീർഘനിശ്വാസം വിട്ടു. അവളുടെ കണ്ണുകൾ ചെറുതായി നിറഞ്ഞിരുന്നു. അഹല്യ : "ഈ കഥ തുടങ്ങുന്നത് ഞാൻ ജനിക്കുന്നതിന് മുൻപാണ്..." എല്ലാവരും അവളിലേക്ക് ശ്രദ്ധ തിരിച്ചു. 💞💞💞💞💞💞💞 24 വർഷങ്ങൾ മുൻപ്... അന്ന് കേരളത്തിലെ ഏറ്റവും വലിയ ബിസിനസ് ഗ്രൂപ്പുകളിൽ ഒന്നായിരുന്നു വർമ്മ ഗ്രൂപ്പ് ഓഫ് കമ്പനീസ്. അതിന്റെ ഉടമ രുദ്രവർമ്മ. ഭാര്യ മാധവി. അവരുടെ ഏകമകൻ... ശിവാംശ് വർമ്മ. അന്ന് വെറും നാല് വയസ്സ് മാത്രം. സന്തോഷകരമായ കുടുംബം. പണം. പ്രശസ്തി. അധികാരം. എല്ലാം ഉണ്ടായിരുന്നു. പക്ഷേ അവരുടെ ജീവിതത്തിലേക്ക് കടന്നു വന്ന ഒരാളാണ് എല്ലാം മാറ്റിമറിച്ചത്. ശേഖരൻ. മാധവിയുടെ സ്വന്തം സഹോദരൻ. 💞💞💞💞💞💞💞 ഒരു ദിവസം മഴയുള്ള രാത്രിയിൽ... വീട്ടിലേക്ക് വന്ന ശേഖരൻ കരഞ്ഞുകൊണ്ട് മാധവിയുടെ മുന്നിൽ നിന്നു. ശേഖരൻ : "ചേച്ചി... എനിക്ക് വേറെ എവിടെയും പോകാൻ ഇടം ഇല്ല...എന്റെ ഭാര്യ എന്നെ ഉപേക്ഷിച്ചു പോയി...കടക്കാരൊക്കെ പിന്നാലെയാണ്...ഈ കുഞ്ഞിനേയും കൊണ്ട് ഞാൻ എന്ത് ചെയ്യും..." അവന്റെ കൈയിൽ ഒരു ചെറിയ പെൺകുഞ്ഞ്. ഗംഗ. മാധവിക്ക് അവനെ കണ്ടപ്പോൾ പാവം തോന്നി. രുദ്രവർമ്മക്കും അതേ. അവർ അവനെ വീട്ടിൽ താമസിപ്പിച്ചു. പിന്നെ കമ്പനിയിൽ ജോലി കൊടുത്തു. പക്ഷേ... അത് അവരുടെ ജീവിതത്തിലെ ഏറ്റവും വലിയ തെറ്റായിരുന്നു. 💞💞💞💞💞💞💞 കുറച്ച് വർഷങ്ങൾക്ക് ശേഷം... രുദ്രവർമ്മ കമ്പനിയിലെ ചില അക്കൗണ്ടുകളിൽ വലിയ ക്രമക്കേടുകൾ കണ്ടെത്തി. ആദ്യമൊക്കെ ചെറിയ സംശയം. പിന്നെ തെളിവുകൾ. അവസാനം എല്ലാം എത്തിയത് ശേഖരനിലേക്ക്. കമ്പനിയിൽ നിന്നും കോടിക്കണക്കിന് രൂപ അവൻ തട്ടിയെടുക്കുകയായിരുന്നു. അതിലും ഭീകരമായ കാര്യം... അവന്റെ ലക്ഷ്യം പണം മാത്രമായിരുന്നില്ല. മുഴുവൻ സ്വത്തും. വർമ്മ കുടുംബത്തിന്റെ എല്ലാം. 💞💞💞💞💞💞💞 ഒരു രാത്രി... രുദ്രവർമ്മ തന്റെ സ്റ്റഡിറൂമിൽ ഇരിക്കുകയായിരുന്നു. മുൻപിൽ ചില രേഖകൾ. ചില തെളിവുകൾ. അവൻ എല്ലാം മനസ്സിലാക്കിയിരുന്നു. ശേഖരൻ അപകടകാരിയാണെന്ന്. എന്തും ചെയ്യാൻ മടിയില്ലാത്തവനാണെന്ന്. ആ രാത്രി അവൻ ഒരു കത്ത് എഴുതി. തന്റെ ഭാര്യയ്ക്ക്. തനിക്ക് എന്തെങ്കിലും സംഭവിച്ചാൽ മാത്രം വായിക്കാൻ വേണ്ടി. ആ കത്തിൽ എല്ലാം ഉണ്ടായിരുന്നു. ശേഖരന്റെ തട്ടിപ്പുകൾ. തെളിവുകൾ. അവന്റെ യഥാർത്ഥ മുഖം. അത് ഒരു ലോക്കറിൽ സൂക്ഷിച്ചു. പക്ഷേ... അതിന് അധികം ദിവസങ്ങൾ വേണ്ടി വന്നില്ല. ഒരു ബിസിനസ് മീറ്റിംഗിന് പോയ രുദ്രവർമ്മയുടെ കാർ ആഴമുള്ള കൊക്കയിലേക്ക് വീണു. എല്ലാവരും അതിനെ അപകടം എന്ന് വിശ്വസിച്ചു. പക്ഷേ... മാധവി വിശ്വസിച്ചില്ല. അവളുടെ മനസ്സ് പറഞ്ഞത് അത് കൊലപാതകമാണെന്നാണ്. അന്ന് രാത്രി തന്നെ ലോക്കറിൽ നിന്നും കത്ത് കിട്ടി. അവൾ എല്ലാം വായിച്ചു. ഓരോ വരിയും. ഓരോ സത്യവും. അവളുടെ കൈകൾ വിറച്ചു. കാരണം... അവൾ അന്ന് ഗർഭിണിയായിരുന്നു. "എന്റെ മക്കളെ അവൻ കൊല്ലും..." അത് മാത്രമായിരുന്നു അവളുടെ മനസ്സിൽ. ശിവാംശ് അന്ന് ഒമ്പത് വയസ്സ്. വയറ്റിൽ മറ്റൊരു കുഞ്ഞ്. അവൾക്ക് ഉറപ്പായിരുന്നു. ശേഖരൻ ഇവരെ ജീവനോടെ വിടില്ലെന്ന്. അന്ന് അവളുടെ കൂടെ നിന്നത് ഒരു കുടുംബ സുഹൃത്ത്. ഡോക്ടർ നവ്യ. ഭർത്താവ് ഡോക്ടർ ശരണും. അവരെ അവൾക്ക് പൂർണ്ണ വിശ്വാസമായിരുന്നു. അവർ ഒരു പദ്ധതി തയ്യാറാക്കി. ജനിക്കാൻ പോകുന്ന കുഞ്ഞിനെ ലോകത്തിൽ നിന്ന് മറയ്ക്കുക. അതാണ് ഏക വഴി. 💞💞💞💞💞💞💞 ദിവസങ്ങൾ കടന്നു പോയി. അവസാനം പ്രസവദിവസം എത്തി. ഒരു പെൺകുഞ്ഞ് ജനിച്ചു. സുന്ദരിയായ കുഞ്ഞ്. പക്ഷേ ആശുപത്രി രേഖകളിൽ എഴുതിയത്... "കുഞ്ഞ് ജനിച്ച ഉടനെ മരിച്ചു." ലോകം മുഴുവൻ അതാണ് വിശ്വസിച്ചത്. ശേഖരനും. ആ കുഞ്ഞ് തന്നെയാണ്... അഹല്യ. അഹല്യയുടെ കണ്ണുകളിൽ കണ്ണുനീർ നിറഞ്ഞു. യദു അറിയാതെ തന്നെ അവളെ നോക്കി നിന്നു. അവൾ വീണ്ടും പറഞ്ഞു. അഹല്യ : "പക്ഷേ കഥ അവിടെ അവസാനിച്ചില്ല... അമ്മയ്ക്ക് അറിയാമായിരുന്നു...ശിവാംശ് ജീവനോടെ ഉള്ളിടത്തോളം ശേഖരൻ അവനെ വിടില്ലെന്ന്..." അപ്പോഴാണ് ഒരു വക്കീൽ അവരെ കാണാൻ എത്തിയത് അയാൾ ഒരു കാര്യം വെളിപ്പെടുത്തി മുഴുവൻ സ്വത്തും ശിവാംശിന്റെ പേരിലാണെന്ന്. 21 വയസ്സ് പൂർത്തിയാകാതെ ആർക്കും അത് കൈവശപ്പെടുത്താൻ കഴിയില്ലെന്ന്. അതിനേക്കാൾ വലിയ മറ്റൊരു രഹസ്യ രേഖയും ഉണ്ടായിരുന്നു. അതിൽ പറയുന്നത്... രുദ്രവർമ്മയുടെ രണ്ടാമത്തെ കുഞ്ഞിനും സ്വത്തിൽ അവകാശമുണ്ടെന്ന്. പക്ഷേ ആ രേഖ എവിടെയാണെന്ന് ആർക്കും അറിയില്ല. അതുപോലെ ഇങ്ങനെ ഒരു കാര്യവും ശേഖരന് അറിയില്ലായിരുന്നു അവന് ആകെ അറിയുമായിരുന്നത് ശിവാൻഷിന്റെ കാര്യം മാത്രം ആയിരുന്നു 💞💞💞💞💞💞💞 ഇതെല്ലാം അറിഞ്ഞതോടെ ശേഖരൻ ഭ്രാന്തനായി. അവന് പണം വേണമായിരുന്നു. അധികാരം വേണമായിരുന്നു. അതിന് തടസ്സം ശിവാംശ് മാത്രമായിരുന്നു. 💞💞💞💞💞💞💞 ഇവിടെ അഹല്യ നിർത്തി. അവളുടെ ശബ്ദം വിറച്ചിരുന്നു. യാൻ ഒന്നും സംസാരിച്ചില്ല. പക്ഷേ അവന്റെ കണ്ണുകളിൽ ഒരു പ്രേത്യേക ഭാഗം. ഒരു അജ്ഞാത വേദന. ഒരു നഷ്ടബോധം. അവൻ എന്തോ ഓർക്കാൻ ശ്രമിക്കുന്നതുപോലെ. തുടരും.......🩷 #📙 നോവൽ #📔 കഥ #നോവൽ #💌 പ്രണയം #💞 പ്രണയകഥകൾ