ਪੰਜਾਬ ਬੈਕ ਐਨਕਲੇਵ ਇਲਾਕੇ ਵਿੱਚ ਸਥਿਤ ਪੰਜਾਬ ਨੈਸ਼ਨਲ ਬੈਂਕ ਵਿੱਚ ਦਿਨ ਦਿਹਾੜੇ ਹੋਈ ਲੁੱਟ ਦੀ ਵੱਡੀ ਵਾਰਦਾਤ ਨੇ ਪੂਰੇ ਇਲਾਕੇ ਵਿੱਚ ਦਹਿਸ਼ਤ ਦਾ ਮਾਹੌਲ ਪੈਦਾ ਕਰ ਦਿੱਤਾ। ਦੋ ਬਾਈਕ ਸਵਾਰ ਲੁਟੇਰੇ ਚਿਹਰੇ ਢੱਕ ਕੇ ਬੈਂਕ ਵਿੱਚ ਦਾਖਲ ਹੋਏ ਅਤੇ ਸਿੱਧੇ ਕੈਸ਼ ਕਾਊਂਟਰ ‘ਤੇ ਬੈਠੀ ਮਹਿਲਾ ਕੈਸ਼ਿਅਰ ਨੂੰ ਪਿਸਤੌਲ ਦੇ ਨਿਸ਼ਾਨੇ ‘ਤੇ ਲੈ ਕੇ ਲੁੱਟ ਦੀ ਵਾਰਦਾਤ ਨੂੰ ਅੰਜਾਮ ਦੇ ਦਿੱਤਾ।ਮੌਕੇ ‘ਤੇ ਮੌਜੂਦ ਲੋਕਾਂ ਦੇ ਮੁਤਾਬਕ ਇਹ ਸਾਰੀ ਘਟਨਾ ਕੁਝ ਮਿੰਟਾਂ ਵਿੱਚ ਹੀ ਹੋ ਗਈ। ਬੈਂਕ ਦੇ ਅੰਦਰ ਉਸ ਵੇਲੇ ਕਰਮਚਾਰੀ ਅਤੇ ਗਾਹਕ ਮੌਜੂਦ ਸਨ, ਪਰ ਜਿਵੇਂ ਹੀ ਲੁਟੇਰਿਆਂ ਨੇ ਪਿਸਤੌਲ ਕੱਢੀ, ਸਾਰੇ ਲੋਕਾਂ ਵਿੱਚ ਹੜਕੰਪ ਮਚ ਗਿਆ। ਡਰ ਦੇ ਮਾਰੇ ਕਿਸੇ ਨੇ ਵੀ ਵਿਰੋਧ ਕਰਨ ਦੀ ਹਿੰਮਤ ਨਹੀਂ ਕੀਤੀ ਅਤੇ ਲੁਟੇਰੇ ਆਸਾਨੀ ਨਾਲ ਨਕਦੀ ਲੈ ਕੇ ਫਰਾਰ ਹੋ ਗਏ। #😨ਪੰਜਾਬ: ਦਿਨਦਿਹਾੜੇ ਨਕਾਬਪੋਸ਼ਾਂ ਨੇ ਲੁੱਟਿਆ PNB ਬੈਂਕ