എനിക്ക് പ്രത്യേകിച്ച് കുഴപ്പമൊന്നുമില്ല പപ്പേ...."-അവൻ പറയുമ്പോൾ അവന്റെ കണ്ണുകൾ അവളിൽ മാത്രം ആയിരുന്നു.... ആ നിമിഷം അവളും അവനെ നോക്കി...അവരുടെ കണ്ണുകൾ തമ്മിൽ ഇടഞ്ഞു.... " അപ്പൊ ഏട്ടത്തിയും നാളെ ഓഫീസിൽ പോകുവാ അല്ലേ... "- വിച്ചു ചിരിച്ചുകൊണ്ട് ചോദിച്ചു... അപ്പോഴാണ് അവർ കണ്ണുകൾ വേർപെടുത്തിയത്..അവൾ വിച്ചൂവിനെ നോക്കി ഒന്ന് പുഞ്ചിരിച്ചു... " അതെ മോളും കൂടെ പോകട്ടെ... വിക്കിയുടെ കൂടെ... ഇവിടെ ഇരുന്നിട്ട് മോള് എന്ത്‌ ചെയ്യാനാ... അവിടെ പോയി വർക്ക്‌ ഒക്കെ പഠിക്കട്ടെ... വിക്കിക്ക് ഒരു സഹായവും ആകും..."- അവന്റെ പപ്പ അവളെ നോക്കി പറഞ്ഞതും അവൾ ചിരിച്ചു... "ശെരി.. ഞാൻ എങ്കിൽ ഇറങ്ങട്ടെ... മമ്മി... പപ്പേ... ഞാൻ പോകുവാട്ടോ..."- അവൻ അവൾ കേൾക്കാൻ പാകത്തിന് എന്ന പോലെ അവരോടു പറഞ്ഞു... " ചേട്ടായി ചേട്ടത്തിയോട് പറയുന്നില്ലേ... "- അത് കേട്ടതും വിച്ചു ചിരിച്ചുകൊണ്ട് ചോദിച്ചു... വിക്കി അവനെ സൂക്ഷിച്ചു നോക്കിയതും അവൻ കഴിക്കുന്നതിൽ ശ്രദ്ധിച്ചു... വിക്കിയുടെ കണ്ണുകൾ അവളിലേക്ക് നീണ്ടു... എന്നാൽ അവൾ അവനെ ശ്രെദ്ധിക്കാത്തത് പോലെ ആഹാരം കഴിക്കുവായിരുന്നു... അതുകണ്ടതും അവന് ദേഷ്യം വന്നു... അവൻ അവളെ ഒന്ന് നോക്കിയിട്ട് ദേഷ്യത്തോടെ കാറിന്റെ കീയും ആയിട്ട് ഇറങ്ങി.... " മോളെ.... "- അവൻ പോയതും ഷേർളി അവളുടെ നെറുകയിൽ തലോടി കൊണ്ട് വിളിച്ചു.... അതുകേട്ടതും അവൾ കണ്ണ്നീർ അടക്കിപിടിച്ച കണ്ണുകളുമായിട്ട് അവരെ നോക്കി പുഞ്ചിരിച്ചുകൊണ്ട് എഴുനേറ്റു.... അപ്പു ജോലി ഒക്കെ ഒതുങ്ങിയിട്ട് അവളുടെ മുറിയിലേക്ക് പോകാൻ തുടങ്ങിയപ്പോഴാണ് അവരുടെ മുറിയുടെ തൊട്ട് അപ്പുറത്തു മറ്റൊരു മുറി അവൾ കാണുന്നത്... ഇത്രെയും നാളും പ്രേശ്നങ്ങൾക്ക് ഇടയിൽ അവൾ അങ്ങനെ ഒരു മുറി ശ്രേദ്ധിച്ചിരുന്നില്ല... അവൾ അങ്ങോട്ടേക്ക് നടന്നു....അവൾ ആ മുറി തുറക്കാൻ നോക്കിയെങ്കിലും അത് ലോക്ക് ആയിരുന്നു..... " ഇതെന്താ ഇങ്ങനെ അടച്ചിട്ടിരിക്കുന്നത്.... "- അവൾ സ്വയം ചിന്തിച്ചു.... അത് തുറക്കാൻ കഴിയാഞ്ഞതും അവൾ തിരികെ റൂമിലേക്ക് തന്നെ പോയി.... അവളുടെ തുണികളിൽ കുറച്ചൊക്കെ ബാഗിലും മറ്റുമായിരുന്നു ഇരുന്നിരുന്നത്....അതുകൊണ്ട് വെറുതെയിരിക്കാതെ അവൾ അതൊക്കെ കപ്ബോർഡിൽ അടുക്കി വെക്കാം എന്ന് തീരുമാനിച്ചു..... അവൾ ഡ്രസ്സുകൾ ഒക്കെ അടുക്കി വെക്കാൻ തുടങ്ങിയപ്പോഴാണ് കബോർഡിൽ മറ്റൊരു ഡ്രോയർ കണ്ടത്.....അവൾ അത് തുറന്നു നോക്കി.... അതിൽ നല്ല ഒരു ലൗ ചിഹ്നത്തിൽ കീ ചെയിൻ ഒക്കെ ഉള്ള ഒരു താക്കോൽ ഉണ്ടായിരുന്നു....അവൾ അത് കൈകളിൽ എടുത്തു....അത് എന്തിന്റെ താക്കോൽ ആയിരിക്കും എന്ന് അവൾ ചിന്തിച്ചു..... അപ്പോഴാണ് അവൾക്ക് ആ മുറിയെ പറ്റി ഓർമ വന്നത്.... ചിലപ്പോൾ ആ മുറിയുടെ ആയിരിക്കും എന്ന് അവൾക്ക് തോന്നി.... എന്തായാലും അത് വെച്ചു ഒന്ന് try ചെയ്ത് നോക്കാം എന്ന് കരുതി അവൾ ആ താക്കോലുമായി മുറിയുടെ അടുത്തേക്ക് നടന്നു....വെറുതെ അവൾ ഒന്ന് പരീക്ഷിക്കാൻ എന്നതുപോലെ ആ മുറിയുടെ ലോക്കിൽ താക്കോലിട്ട് നോക്കിയതും അത് തുറന്നിരുന്നു....അവൾ ആ മുറിയിലേക്ക് കയറി....നിറയെ ടെഡി ബിയറും കുറേ കാർഡ്സും മറ്റ് ഗിഫ്റ്റ് കളും ഒക്കെ അടുക്കി ഒരു ടേബിളിൽ വെച്ചിട്ട് ഉണ്ടായിരുന്നു..... അവൾ മുറിക്ക് അകത്തേക്ക് കയറി.... റെഡ്,റോസ്, വൈറ്റ് കളർ ഒക്കെയായി പലനിറത്തിലുള്ള ടെഡി ബിയറും പലതരത്തിലുള്ള കാർഡുകളും അവിടെ ഉണ്ടായിരുന്നു... അവൾ അത് ഓരോന്നും എടുത്തു നോക്കി... അതിൽ എല്ലാം To My Love ❤️ എന്ന് എഴുതിയിട്ടുണ്ടായിരുന്നു.... അതൊക്കെ വിക്കിയുടെ പഴയ ആ അഫ്ഫയറിൽ ഉണ്ടായിരുന്ന കുട്ടി കൊടുത്തത് ആയിരിക്കും എന്നവൾക്ക് തോന്നി... എല്ലാ കാർഡ്സിലും ആ കുട്ടി സ്വന്തം കൈ അക്ഷരത്തിൽ എഴുതിയ കുറെ lovable quotes ഉണ്ടായിരുന്നു.... അവൾ അതൊക്കെ ഒരു പുഞ്ചിരിയോടെ കൂടെ വായിച്ചു....അത്രെയും ആ കുട്ടി വിക്കിയെ സ്നേഹിച്ചിരുന്നത് പോലെ അവൾക്ക് തോന്നിയിരുന്നു.... " ചേട്ടത്തി... " പുറകിൽ നിന്നും വിച്ചുവിന്റെ ശബ്ദം കേട്ടതും അവൾ ഞെട്ടി തിരിഞ്ഞു നോക്കി.... " ചേട്ടത്തി എന്താ ഇവിടെ... ഇതേങ്ങനെയാ ചേട്ടത്തി അകത്തു കയറിയത്... "- വിച്ചു സംശയത്തോടെ ചോദിച്ചതും അവൾ അവനോടു എല്ലാം പറഞ്ഞു... " ചേട്ടത്തി ഇങ്ങോട്ട് വന്നേ...'- അതും പറഞ്ഞ് അവൻ അവളുടെ കയ്യിൽ പിടിച്ച് മുറിക്ക് പുറത്തേക്ക് ഇറങ്ങി....പിന്നെ ഡോർ ലോക്ക് ചെയ്തു കൊണ്ട് കീ എടുത്ത് അവളുടെ കയ്യിൽ കൊടുത്തു.... " ഇത്‌ ഇരുന്നിടത്തു തന്നെ കൊണ്ടുവെച്ചേക്ക്... "- അവൻ അവളെ നോക്കി പറഞ്ഞു... "എന്താ വിച്ചു....ഞാൻ അവിടെ ഓരോന്ന് നോക്കിക്കൊണ്ടിരിക്കുകയായിരുന്നു....നീ എന്തിനാ പുറത്തേക്കു ഇറങ്ങി അത് ലോക്ക് ചെയ്തത്....എന്ത്‌ രസമാ.... പല നിറത്തിൽ ഉള്ള ആ ടെഡി ബിയർസ് ഒക്കെ കാണാൻ.... അതൊന്ന് ശരിക്ക് കാണാൻ കൂടി പറ്റിയില്ല.... നിനക്ക് എന്താ ചെക്കാ..."അവൾ കുറച്ച് ദേഷ്യത്തോടെ അവനോടു ചോദിച്ചു..... "ചേട്ടത്തിക്ക് എന്തറിയാം ആ മുറിയെ പറ്റി... ചേട്ടായി ആ റൂമിലേക്ക് ആരെയും കയറ്റില്ല... ആ ചേച്ചി ചേട്ടായിക്ക് കൊടുത്ത ഗിഫ്റ്റ് ഒക്കെയാണ് ആ മുറിയിൽ സൂക്ഷിച്ചു വച്ചിരിക്കുന്നത്....." " അതിനിപ്പോ എന്താടാ... അതൊന്നു കയറി നോക്കിയെന്നും പറഞ്ഞു ഇപ്പോ എന്ത് സംഭവിക്കാന.... "- അവൾ ഇളിയിൽ കൈകുത്തി നിന്നുകൊണ്ട് അവനോടു ചോദിച്ചു.... " എന്റെ ചേട്ടത്തി...ആ മുറിയിൽ എന്നെപ്പോലും ചേട്ടായി കയറ്റില്ല....എന്തിനാ... അതൊന്നു നോക്കാൻ കൂടി ചേട്ടായി സമ്മതിച്ചിട്ടില്ല..... ആ ചേച്ചിടെ ഓർമ്മയ്ക്ക് ആയിട്ട് എന്നൊക്കെ പറഞ്ഞിട്ട് സൂക്ഷിച്ചു വച്ചേക്കുവാ.....ചേട്ടായി ഇല്ലാത്ത സമയത്തിൽ അതിൽ കയറിയെന്ന് ചേട്ടായി അറിഞ്ഞാൽ ചേട്ടൻ ഭൂകമ്പം ഉണ്ടാക്കും... അതുകൊണ്ടാ പറഞ്ഞത് പുറത്തേക്കിറങ്ങാൻ.... ഇല്ലെങ്കിലെ അങ്ങേരുടെ അടി വീണ്ടും കിട്ടും... എന്റെ ചേട്ടത്തിയുടെ ഈ കവിളിൽ ആ കാലമാടന്റെ വിരലുകൾ കാണാൻ വയ്യാത്തതുകൊണ്ട് ഈ അനിയൻ പറഞ്ഞതാ..... "-അവൻ ചിരിച്ചുകൊണ്ട് പറഞ്ഞു... " ഓഹോ... സ്നേഹം അങ്ങ് ഒഴുവാണലോ മോനെ വിച്ചുകുട്ടാ... എന്താണ്... ആവശ്യം..."- അവൾ ചിരിച്ചുകൊണ്ട് ചോദിച്ചു... " അതുണ്ടല്ലോ ചേട്ടത്തി...പിന്നെ... എനിക്കൊരു നൂറു രൂപ തരുവോ... " " എന്തിനാ... "- അവൾ പുരികം പൊക്കി... " അതെ ഇന്ന് എന്റെ ഫ്രണ്ട്സ് എല്ലാരും കൂടെ സിനിമയ്ക്ക് പോകുവാ.. " " ക്ലാസ്സ്‌ കട്ട്‌ ചെയ്‌തോ... "അവൾ സംശയത്തോടെ ചോദിച്ചു... " മ്മ്.. മ്മ്മ്... "- അവൻ തല കുലുക്കി... " സിനിമയ്ക്ക് തന്നെ ആണലോ... "- അവൾ വീണ്ടും ചോദിച്ചു... " ചേട്ടത്തി ആണേ സത്യം... മമ്മിയോട് ചോദിച്ചാൽ ക്ലാസ്സ്‌ കട്ട്‌ ചെയ്യുവാണെന്നു പറഞ്ഞു തരില്ല... പിന്നെ ചേട്ടായിയുടെ പോക്കറ്റിൽ നിന്നും അടിച്ചു മാറ്റാം എന്ന് വിചാരിച്ചാൽ... നേരത്തേ പോലെ അല്ലല്ലോ ഇപ്പോ... എനിക്ക് സ്വാതത്ര്യത്തോടെ കയറിവരാൻ പറ്റില്ലല്ലോ... "- അവൻ ചിരിച്ചുകൊണ്ട് പറഞ്ഞതും അവളും ചിരിച്ചു.. "എടാ വിച്ചു... പിന്നെ....അത്രയ്ക്ക് ഇഷ്ടം ആയിരുന്നോ അച്ചാച്ചനു ആ കുട്ടിയെ...."- അവൾ സംശയത്തോടെ ചോദിച്ചു "അതെ... അവർ തമ്മിൽ ഒരുപാട് വർഷത്തെ റിലേഷൻഷിപ്പ് ഉണ്ടായിരുന്നു ചേട്ടത്തി..... കല്യാണം വരെ എത്തിയത് അല്ലേ......ചേച്ചി ആകുന്നത് നോക്കിയതാണ് ചേട്ടായിയേ കല്യാണം കഴിക്കാൻ....പക്ഷേ കല്യാണത്തിന് ദിവസങ്ങൾ ബാക്കി നിൽക്കെ എന്തുകൊണ്ടോ അത് മുടങ്ങിപ്പോയി...." "അത് ശരിക്കും എങ്ങനെയാ മുടങ്ങിയത്... അച്ചാച്ചന് ജോലി ഇല്ല എന്ന് പറഞ്ഞു അവർ വേണ്ടെന്നുവച്ചത് അല്ലായിരുന്നോ... അപ്പൊ പിന്നെ അവര് ആദ്യം ആ വിവാഹത്തിന് സമ്മതിച്ചത് എന്തിനാ....അപ്പോ മനഃപൂർവം ആരോ മുടക്കിയത് അല്ലേടാ.... "-അവൾ സംശയത്തോടെ ചോദിച്ചു... "അതെന്താണ് എന്ന് ഇപ്പോഴും അറിയില്ല ചേട്ടത്തി....ഇതിനിടയ്ക്ക് ആരോ നിന്ന് കളിച്ചത് പോലെ ആണ് ഞങ്ങൾക്കെല്ലാവർക്കും തോന്നിയത്....പക്ഷേ നമ്മൾ ആരാണെന്നും പറഞ്ഞു അന്വേഷിക്കാന....ആ ചേച്ചിയും പറഞ്ഞു... ആരോ മനപ്പൂർവം മുടക്കിയത് ആണെന്ന്....അല്ലെങ്കിൽ പെട്ടെന്ന് എങ്ങനെയാ ആ ചേച്ചിയുടെ പപ്പയും മമ്മിയും ആ കല്യാണം വേണ്ട എന്ന് പറഞ്ഞത്...." " മ്മ്മ്....അവർ ഒന്നിച്ചു പഠിച്ചത് ആയിരുന്നോ..."-അവൾ സംശയത്തോടെ ചോദിച്ചു... "അതേ ചേട്ടായിയുടെ ഒരു ഫ്രണ്ട് ഉണ്ട്... ആ ചേട്ടന്റെ പെങ്ങളുടെ മാര്യേജിനു ചേട്ടായി പോയിരുന്നു.... അവരുടെ കസിൻ ആയിരുന്നു ആ ചേച്ചി....അങ്ങനെ അവിടെവെച്ച് കണ്ട് ചേട്ടായിക്ക് ഇഷ്ടപ്പെട്ടു.. ബട്ട്‌ അത് ചേട്ടായി വിട്ടതായിരുന്നു... പക്ഷെ പിന്നെ ആ ചേച്ചി ചേട്ടായിയുടെ കോളേജിൽ ചേർന്നു... അങ്ങനെ വീണ്ടും കണ്ടു... അങ്ങനെ ഇഷ്ടമായി..... അത്രെയേ എനിക്ക് അറിയുള്ളു... ഡീറ്റൈൽ ആയിട്ടൊന്നും അറിയില്ല... പക്ഷെ ചേട്ടായിക്ക് ഭയങ്കര കാര്യം ആയിരുന്നു ആ ചേച്ചിയെ... ഭയങ്കര ഇഷ്ടമായിരുന്നു.... "നിങ്ങളോട് ഒക്കെ എങ്ങനെയാ..." " എന്നോട് കാര്യമൊക്കെ ആയിരുന്നു എങ്കിലും വലിയ ഫ്രണ്ട്‌ലി ടൈപ്പ് അല്ല... എങ്കിലും പുള്ളിക്കാരി പാവമാ... മമ്മിക്ക് ആ ചേച്ചിയുടെ റിലേഷൻ വലിയ താല്പര്യം ഒന്നും ഇല്ലായിരുന്നു... " " അതെന്താ... " " അത് ആ ചേച്ചി മമ്മിയെ അങ്ങനെ വിളിക്കുക ഒന്നും ഇല്ലായിരുന്നു... ചിലപ്പോ ആ ചേച്ചിന്റെ character അങ്ങനെ ആയിരുന്നു കാണും... മമ്മിക്ക് മമ്മിയോട് ഇണങ്ങി നിൽക്കുന്ന... ഇപ്പോ ചേച്ചി നിൽക്കുന്നിലെ... സംസാരിച്ചും മറ്റും..അതുപോലെ ഒന്നും അല്ലായിരുന്നു ആ ചേച്ചി... ചേട്ടായി നിർബന്ധിക്കുമ്പോ മമ്മിയെ ഒന്ന് വിളിക്കും... അങ്ങനെയൊക്കെ ആയിരുന്നു..ചുരുക്കി പറഞ്ഞാൽ ആ ചേച്ചിക്ക് ചേട്ടായിയെ മാത്രം മതിയാരുന്നു... "- അവൻ ചിരിച്ചു.... " അപ്പോ അങ്ങനെയാ അല്ലേ... " " അതെ... ചേട്ടത്തി വന്നേ... എനിക്ക് കോളേജിൽ പോകാൻ സമയം ആയി... "- അവൻ അവളുടെ കൈയിൽ പിടിച്ചു വലിച്ചുകൊണ്ട് പറഞ്ഞു.... " കോളേജിലോ... "- അവൾ സംശയത്തോടെ ചോദിച്ചു... " അല്ല സിനിമയ്ക്ക്... ഒൻമ്പത് അരയുടെ ഷോ ആണ് മോളെ... താമസിച്ചാൽ അവന്മാർ എന്നെ വെട്ടും.. എന്റെ ഏട്ടത്തി അല്ലെ... എടുത്തിട്ട് വാ... "- അവൻ കൊഞ്ചിക്കൊണ്ട് പറഞ്ഞതും അവൾ ചിരിച്ചുകൊണ്ട് പൈസ എടുത്ത് അവന് കൊടുത്തു... അവൻ റ്റാറ്റാ ഒക്കെ കൊടുത്തിട്ട് ചിരിച്ചുകൊണ്ട് ഇറങ്ങിപ്പോയി.... വൈകിട്ട്.... വിക്കി നേരത്തെ ഓഫീസിൽ നിന്നും വന്നിരുന്നു... അവൻ വന്നപ്പോ അപ്പു കുളിക്കുവായിരുന്നു....അവൻ ഷർട്ട്‌ മാറി ഇട്ടുകൊണ്ട് ഫോണുമായി കട്ടിലിലേക്ക് ഇരുന്നു....കുറച്ചു കഴിഞ്ഞതും അവൾ ബാത്രൂമിൽ നിന്നും ഇറങ്ങി വന്നു....അവനെ മുറിയിൽ കണ്ട അവൾ ഒന്ന് സംശയിച്ചു... പിന്നെ തലയിൽ കെട്ടിയിരുന്ന തോർത്ത്‌ അഴിച്ചുകൊണ്ട് അവൾ മുടി മുമ്പിലേക്ക് ഇട്ടു തല തൂവർത്താൻ തുടങ്ങി... ഫോണിൽ നിന്നും കണ്ണുകൾ എടുത്ത അവൻ അവളെ കണ്ട് ഞെട്ടി... ഒരു ബ്ലൂ കളർ ഒഴുക്കൻ സാരിയും വിത്ത്‌ബ്ലൗസും ആണ് വേഷം... സാരീ അലസമായി ഉടുത്തിരിക്കുന്നതുകൊണ്ട് വയറൊക്കെ ഭംഗിയായി കാണാം.. അവൾ സാരീ തുമ്പെടുത് ഇളിയിൽ കുത്തിയിട്ടുണ്ട്... മുമ്പിലേക്ക് മുടി കിടക്കുന്നത് കൊണ്ട് പുറം ഭാഗവും അവന് മുമ്പിൽ അനാവൃതമായി... അവിടെയൊക്കെ വെള്ള തുള്ളികൾ സ്ഥാനം പിടിച്ചിട്ടുണ്ട്...അവൾ ഇതൊന്നും അറിയാതെ തല തൂവാർത്തുവാണ്... ആ സാരിയിൽ അവളുടെ ശരീരത്തിന്റെ ആകാരവടിവ് നന്നായിട്ട് എടുത്ത് അറിയുന്നുണ്ടായിരുന്നു...അതൊക്കെ കണ്ടതും അവൻ ഫോൺ കട്ടിലിൽ വെച്ചിട്ട് യന്ത്രികമായി അവളുടെ അടുത്തേക്ക് നടന്നു..... തുടരും 💞 #കഥ #💞 പ്രണയകഥകൾ #നോവൽ #📔 കഥ