अश्रू : अश्रू हे केवळ डोळयांतून झरणारे पाण्याचे नाहीत. ते मनाच्या स्पंदनाचे सजीव रूप आहेत. जेव्हा अनुभूतीची तीव्रता शब्दांच्या क्षमतेला ओलांडून जाते, तेंव्हा मन अश्रूच्या भाषेत बोलू लागते. म्हणूनच अश्रूधारा ही केवळ दुःखाचीच नव्हे तर परम आनंद, कृतज्ञता, करुणा,प्रेम आणि बोधाचीही सर्वोच्च अभिव्यक्ती आहे समाजाने अश्रुंना अनेकदा दुर्बलतेचे प्रतीक मानले, परंतु वस्तूत: अश्रू हे संवेदनशिलतेचे सर्वांत निर्मळ प्रमाण आहेत. कारण ज्यांच्या अंतःकरणात जीवनाचा स्पर्श खोलवर उतरतो, ज्याला वेदनेची जाणीव होते आणि ज्याने आनंदाच्या सर्वोच्च क्षणांनाही स्पर्श केला आहे, त्यांच्या डोळयांतून कधीतरी अश्रू अवश्य झरतातच... अश्रू हे दुःख आणि सुख यापैकी कोणाच्याही बाजूने उभे नसतात. ते केवळ सत्य अनुभूतीच्या बाजूने उभे असतात. त्यामुळे ज्यांच्या जीवनात अश्रूधारा कधीचं उमटली नाही, त्याने कधचित जीवन जगले असेल, परंतु जीवनाच्या गाभ्यात दडलेल्या त्या स्पंदनांना स्पर्श केला असेलच असे नाही. कारण काही सत्ये अशी असतात ती शब्दांनी समजतं नाहीत. ती फक्त अश्रूणीचं प्रकट होतात. जिते शब्द संपतात तिथे अश्रू सुरु होतात:आणि जिते अश्रू सुरु होतात, तिथे मनुष्याच्या खऱ्या मानवतेचे दर्शन घडते... #🙏भक्तीमय सकाळ🎬 #😌sadness #😞mood off