നിന്നിലേക്കായ് :8 അവൾ മടിച്ചുകൊണ്ടാണെങ്കിലും ഉള്ളിലേക്ക് കയറി അവന്റെ എതിർവശത്തായി ഇരുന്നു... വല്ലാത്തൊരു നോട്ടം നോക്കുന്നുണ്ടവൻ .... ഹനക്ക് അവനെ ഒട്ടും ഫേസ് ചെയ്യാൻ പറ്റാത്ത അവസ്ഥയാണ്.... കഴുത്തിലൂടെ വിയർപ്പുത്തുള്ളികൾ കിനിഞ്ഞിറങ്ങിയത് അവൾ ഷാളുകൊണ്ട് ഒപ്പിയെടുത്തു.... അഷ്മിൽ ഒന്ന് തൊണ്ടയനക്കി.... "നീയായിരിക്കും നാസർക്കാടെ മോളെന്നു ഞാൻ വിചാരിച്ചില്ല..." അവളൊന്നും മറുപടി പറഞ്ഞില്ല... എണീറ്റ് ഓടിപ്പോയാലോന്ന് അവൾ പല തവണ ആലോചിക്കുന്നുണ്ട്... അഷ്മിൽ അവളെ തന്നെ നോക്കിയിരിക്കുകയാണ്... താൻ കാണാൻ ആഗ്രഹിച്ച നാസർക്കാന്റെ മകൾ ഇവളായിരുന്നോ..??! എന്തായാലും സംസാരിച്ചല്ലേ പറ്റു... "ഹേയ്... എടൊ സോറി... ഞാൻ അന്ന് ജോലി പോകണമെന്ന് വെച്ച് ചെയ്തതല്ല. ആക്ച്വലി ജസ്റ്റ്‌ അന്ന് ഓഫീസിൽ വെച്ച് നീയെന്നോട് ഷൗട്ട് ചെയ്തപ്പോഴുള്ള ഈഗോ..." അപ്പോഴാണ് അവൾ ദേഷ്യത്തോടെ അവന്റെ കണ്ണിലേക്കു നോക്കുന്നത്... അവൻ ചെറുതായി ചിരിച്ചു കാണിച്ചു... "ഞാൻ റഷീദ്ക്കാനോടുള്ള ഒരു റെസ്‌പെക്ട് കൊണ്ട് വന്നതാണ്... നിങ്ങളാണെന്ന് ഞാനും വിചാരിച്ചില്ല... എനിക്കിത് മുന്നോട്ട് കൊണ്ടുപോവാൻ താല്പര്യമില്ല... സോറി..."!! നശിപ്പിച്... ഹന അത് പറഞ്ഞു എഴുന്നേറ്റതും അഷ്മിൽ അവളെ തടഞ്ഞു നിർത്തി... "താൻ നിക്ക്... സംസാരിച്ചിട്ട് പോവാം... എന്തായാലും രണ്ടാളും വീട്ടിൽ ചെന്ന് തീരുമാനം അറിയിക്കണം... ഞാൻ നീ വിചാരിച്ചപോലെ അത്ര മോശക്കാരനൊന്നും അല്ല... മനസ്സിൽ എന്തേലും വെറുപ്പാണെങ്കിൽ അത് ഇവിടെ തന്നെ പറഞ്ഞു തീർക്കാം." അവൾ ഒരു നിമിഷം ആലോചിച്ചു... അവിടെത്തന്നെ ഇരുന്നതും അഷ്‌മിലിന്റെ ചുണ്ടിൽ ചിരിയൂറി... വെയ്റ്റെർ വന്നു... "സർ... ഓർഡർ.. ". "ഹന... തനിക്കെന്താ കഴിക്കാൻ വേണ്ടേ?!" അവൾ അവനെ സംശയത്തോടെ നോക്കുന്നുണ്ട്... എന്റെ പേരൊക്കെ കൃത്യമായിട്ട് അറിയാമല്ലോ...അവൾ ഒരു നിമിഷം ഓർത്തു.... "No thanks..." അവൾ താൽപ്പര്യമില്ലാതെ പറഞ്ഞു. അഷ്മിലിനു ആകെ ദേഷ്യം വരുന്നുണ്ടായിരുന്നു... എന്ത് പറഞ്ഞിട്ടും ഒരു കുലുക്കവും അവളുടെ ഭാഗത്തു നിന്നും ഇല്ല... ഒരേ ഇരുത്തം മുഖവും വീർപ്പിച്ചു... "ടു കോൾഡ് കോഫി" അത് മാത്രം പറഞ്ഞവൻ അവളെ നോക്കിയതും അവനെ ദഹിപ്പിക്കുന്ന നോട്ടം നോക്കുന്നുണ്ടവൾ ... "എനിക്ക് കൊതി തട്ടിയാലോ...?!" അവളുടെ നോട്ടത്തിന്റെ അർത്ഥം മനസിലാക്കിയെന്നോണം അവൻ പറഞ്ഞു... "എന്റെ പേരറിയാമോ?!" ഇല്ലെന്നു അവൾ തലയാട്ടി... "അഷ്മിൽ " അവളൊന്നും മിണ്ടിയില്ല... "ഹന ഡിഗ്രിയാണോ അതോ പിജിയോ?!" "പിജി..." "Which subject?!" "Chemistry.." "ഓക്കേ... തനിക് എന്നോടൊന്നും ചോദിക്കാനില്ലേ?!" "ഞാൻ പറഞ്ഞല്ലോ... ഇത് നടപടിയാവില്ല... റഷീദ്ക്ക ഞങ്ങളുടെ വീട് തിരിച്ചു തന്നു... ആ കടപ്പാട് എങ്ങനെ തീർക്കണമെന്നറിയില്ല... അതുകൊണ്ടാണ് ഇങ്ങനെയൊരു കൂടിക്കാഴ്ചയ്ക്ക് ഞാൻ സമ്മതിച്ചത്... പക്ഷെ അത് നിങ്ങളാണെങ്കിൽ എനിക്ക് ബുദ്ധിമുട്ടാണ്..." വളരെ ചുരുങ്ങിയ വാക്കുകൾ കൊണ്ട് അവളുടെ തീരുമാനം അവൾ ശക്തമായി തന്നെ അവനെ അറിയിച്ചു. "ഓക്കേ... എന്നാ ഹന പൊക്കോ..." ഹന എഴുന്നേറ്റതും എന്തോ ഒരു നിമിഷം അവൾ ആലോചിച്ചു... പിന്നീട് അവനെയൊന്ന് നോക്കി അവൾ തിരികെ നടന്നു. സംസാരിക്കാൻ പോലും താൽപ്പര്യമില്ലാതൊരാളെ പിടിച്ചിരുത്തി എന്താക്കാനാ... അവനാകെ ദേഷ്യം വന്നു... അവൾ എഴുന്നേറ്റ് പോയതിനു പിറകെ തന്നെ അവൻ വാഷ്റൂമിലേക്ക് നടന്നു... ആകെ മനസ്സ് മടുത്തപോലെ.... നാസർക്കാന്റെ മോളെ അത്ര ആഗ്രഹിച്ചു കണ്ടതും അവളായിരുന്നു... അല്ലെങ്കിൽ തന്നെ നിഹാൽ പറഞ്ഞത് വച്ച് നോക്കുമ്പോ ചെറിയൊരു ക്രഷ് ഒക്കെ തോന്നും... അവൾക്ക് നടപടിയാവുലെങ്കിൽ ഞാൻ എന്ത് ചെയ്യാനാണ്... ആദ്യം തന്നെ എന്തിനാ പടച്ചോനെ ഞങ്ങളെ കണ്ടുമുട്ടിച്ചത്... അഷ്മിലെ... നിനക്ക് ഇപ്പ്രാവശ്യവും സിംഗിളായി മടങ്ങാം... അവൻ ഓരോ കാര്യങ്ങൾ തന്റെ മനസ്സിൽ തന്നെ ഉരുവിട്ട് കൊണ്ടിരുന്നു... ഹന നേരെ പാർക്കിംഗ് ഏരിയയിലേക്ക് നടന്നു... അവിടെ ഫായിയുണ്ട് അവളെയും വെയിറ്റ് ചെയ്തിരിക്കുന്നു... "ഹേ... ഇതെന്താ... ഇത്ര പെട്ടെന്ന് സംസാരിച്ചു കഴിഞ്ഞോ..?!" അവൾ പെട്ടെന്ന് മടങ്ങി വന്നത് കണ്ട് അവൻ അത്ഭുതപെട്ടു... "കഴിഞ്ഞു... വാ പോവാം." അവൾ ബൈക്കിൽ കയറി... അവർ വീട്ടിലേക്കു മടങ്ങും വഴി അവൻ അവളോട് ചോദിച്ചു... "ഓക്കെയാണോ... ആൾ കൊള്ളാലെ... നല്ല ചുള്ളൻ... എൻഫോസ്‌മന്റിലാ ജോലി... അതിന്റെ ഒരു ലുക്ക്‌ ഉണ്ടല്ലേ കാണാൻ... എനിക്കിഷ്ട്ടായി... സംസാരിക്കാനും കൊഴപ്പമില്ല... നിന്റെ അഭിപ്രായമെന്താ...?!" ഹന ഒട്ടും താൽപ്പര്യമില്ലാത്ത മട്ടിലാണ് ഓരോ കാര്യങ്ങളും കേട്ടുകൊണ്ടിരിക്കുന്നത്... "എനിക്കൊന്നു ആലോചിക്കണം...!" "ശെരിയാ... ഷഹാന കാണിച്ചപോലെ വിഡ്ഢിത്തമാവരുത്... ആരെയും കണ്ടപ്പാടെ വിശ്വസിക്കാൻ പറ്റില്ല..." അവളൊന്നും മിണ്ടിയില്ല... "ഞാൻ എന്റെ ഫ്രണ്ട്സിനെയും കൂട്ടി അവിടെയൊന്നു പോയി അന്വേഷിച്ചാലോന്ന് വിചാരിക്കുന്നു.." വീടെത്തിയതും അവൻ അകത്തേക്ക് കയറുന്ന വഴി അവളോട് ചോദിച്ചു. "നീയെന്തേലും ചെയ്യ്..." ഫായിക്ക് ആ മറുപടി അത്ര ദഹിച്ചില്ല... ആമിനയും ഷഹാനയും ഉമ്മാമയും അവളുടെ പിറകെ പോകുന്നുണ്ട്... "എന്തായെടി... ചെക്കനെ കണ്ടില്ലേ..?!" "കണ്ടു... സംസാരിച്ചു... എനിക്കൊന്നു ആലോചിക്കണം... മൂത്താപ്പയോട് അങ്ങനെ പറഞ്ഞാൽ മതി."! കൂടുതൽ വിശദീകരണങ്ങൾ ഒന്നും പറഞ്ഞില്ല. "അല്ല ഹന... ചെറുക്കൻ എങ്ങനെയുണ്ട്?!... സംസാരിച്ചപ്പോ എന്തേലും.?!" ഉമ്മ ആധിയോടെ ചോദിച്ചു. "ഏയ്... ലൈഫിലെ പ്രധാനപ്പെട്ടൊരു തീരുമാനം അല്ലെ ഉമ്മാ... അത് ഒന്ന് ആലോചിക്കണ്ടേ.." അവരത് കേട്ടതും മടങ്ങി... ഷഹാനക്ക് എന്തൊക്കെയോ ചോദിക്കണമെന്നുണ്ടായിരുന്നു... അവൾ എന്തോ അസ്വസ്ഥമായിരിക്കുന്നത് കണ്ട്  കൂടുതൽ ഒന്നും ചോദിക്കാൻ നിന്നില്ല. -------------------------------------- അഷ്മിൽ നേരെ പോയത് അവർ ഫ്രണ്ട്‌സ് ഒരുമിച്ചിരിക്കാറുള്ള ക്ലബ്ബിലേക്കാണ്... "നീയെവിടെയാ...?!" നിഹാലിനെ ഫോണിൽ വിളിക്കുന്നുണ്ടവൻ... കുറച്ച് കഴിഞ്ഞ് നിഹാൽ എത്തി... "എന്തുപറ്റി... നിന്റെ മുഖം വല്ലാതെ..?!" അഷ്മിൽ അവനോട് പറയാൻ വല്ലാത്തൊരു അസ്വസ്ഥത തോന്നി... "എടാ... ഞാൻ ഇന്ന് ആ കുട്ട്യേ കാണാൻ പോയിരുന്നു... ഉപ്പാന്റെ ഫ്രണ്ടിന്റെ.." "ആഹാ... എന്നിട്ട്? ഇഷ്ട്ടപെട്ടോ....?!" നിഹാൽ ആകാംഷയോടെ അവനോട് ചോദിക്കുന്നുണ്ട്... "ഇഷ്ട്ടപെട്ടൊന്ന് ചോദിച്ചാൽ...പെട്ടു...പക്ഷെ... ആരെയാ കണ്ടതെന്ന് അറിയാമോ... നീ ഹാഷിംന് ചോദിച്ചയാളെ...." നിഹാൽ ആദ്യം ഒന്ന് നെറ്റി ചുളിച്ചു നിന്നു... പിന്നെ മനസ്സിലായി അത് ഹനയെ ആണ് ഉദ്ദേശിച്ചതെന്ന്... അവൻ  ചിരിയോടു ചിരി.. അഷ്മിൽ ആകെ കുഴഞ്ഞു... "എടാ നാറി... നീയെന്തിനാ ഇങ്ങനെ ചിരിക്കൂന്നേ?! ആൾകാര് ശ്രദ്ധിക്കുന്നു മണ്ടാ...!" "എന്നാലും നിനക്ക് ഇഷ്ട്ടപെട്ടോ...?!അതോ ഞാൻ കേട്ടത് പിഴച്ചോ..?!" അഷ്മിൽ ആകെ ദേഷ്യത്തിലാണ്... "എടാ... ഇത് ആകെ നാണക്കേടായിപോയി...അവളാണെന്ന് അറിഞ്ഞപ്പോ തന്നെ എന്റെ കിളി പോയി... എവിടെ ചെന്ന് പെട്ടാലും അവളുണ്ടാവും... അവളും അങ്ങനെ തന്നെ... എന്നെ കണ്ട്... ഒന്നും പറയണ്ട.... സംഗതി നീ പറഞ്ഞ വ്യൂ പോയിന്റിൽ ഞാൻ അവളെ നോക്കിയപ്പോ എനിക്കും അവൾ തരക്കേടില്ലെന്ന് തോന്നി... എല്ലാ ഈഗോയും മാറ്റിവെച്ചു ഞാൻ സോറിയും പറഞ്ഞു... എന്നിട്ട് അവൾ പറയുവാ ഇത് നടപടിയാവുലെന്നു... എനിക്കങ്ങ് കേറി വന്നതാ... പെണ്ണ് എന്ത് പറഞ്ഞിട്ടും അമ്പിനും വില്ലിനും അടുക്കണ്ടേ..." നിഹാലിനു ചിരി അടക്കാൻ പറ്റുന്നുണ്ടായിരുന്നില്ല... "എടാ നാറി നീ ഇങ്ങനെ ഇളിക്കാതെ എന്തേലും ഒന്ന് പറ... " "ശെരിക്കും നിനക്ക് ഇഷ്ട്ടപെട്ടോ.....?!" "ചെറുതായിട്ട്..." അഷ്മിൽ ഒന്ന് ഇളിച്ചു... "എന്തൊക്കെയായിരുന്നു ഇവിടെ ഒരാൾ ഞാൻ ഹാഷിംനു വേണ്ടി ഞാൻ ചോദിച്ചപ്പോ... മെലിഞ്ഞു ഒട്ടി... കോലിൽ ചുരിദാറിട്ട പോലുണ്ടാവും എന്നൊക്കെയായിരുന്നല്ലോ... എന്നിട്ടിപ്പോ നിനക്ക് കോലിനെ മതിയോ?!" "ഏയ്... അവൾ അത്ര മോശമൊന്നുമില്ല... ഹാഷിമിന് കൊള്ളില്ല... എനിക്ക് ഓക്കേയാ..." അവൻ ചിരിച്ചോണ്ട് പറയുന്നുണ്ട്... "എന്നാലും എന്റെ അഷ്മിലെ... നിന്റെ ഒരു വിധിയേയ്... ഇതുവരെ കണ്ടതിനെ ഒട്ടും ഇഷ്ട്ടപ്പെട്ടില്ല... ഇഷ്ട്ടപെട്ടതാണേൽ റിജക്റ്റും ചെയ്തേക്കുന്നു... അയ്യേ..." നിഹാൽ അവനെ നിർത്തി അങ്ങ് അപമാനിക്കുവാണ്... "ഉറപ്പായും അവര് വിളിച്ച് അവൾക്ക് ഓക്കേ അല്ലെന്നു പറയില്ലേ... ശേ... ഞാൻ വീട്ടിൽ ചെന്ന് എന്ത് പറയും..." "നിനക്ക് ഇഷ്ട്ടപെട്ടെങ്കിൽ അത് പറയണം... അവളുടെ സ്റ്റാൻഡ് നീ നോക്കണ്ട..." അവനെന്തൊക്കെയോ മനസിലുറപ്പിച്ചു വീട്ടിലേക്ക് മടങ്ങി... ഹന തനിയെ റൂമിലിരുന്ന് ഓരോ കാര്യങ്ങളും ആലോചിച്ചു... അന്ന് ഓഫീസിൽ ഉണ്ടായ പ്രശ്നങ്ങളും അതിനു ശേഷം മാളിൽ വന്നപ്പോ കണ്ടതും... ശെരിക്കും ഓഫീസിൽ വച്ച് താനും കുറച്ച് അധികം ഓവറായിരുന്നോ...?!..എന്നിട്ടും ഞാൻ സോറിയൊന്നും പറഞ്ഞില്ലലോ.. അതിന് ശേഷം  ട്യൂഷൻ എടുക്കാൻ പോവുന്ന വീട്ടിൽ വച്ച് കണ്ടത്... അന്ന് എന്നോട് വഴിയിൽ വെച്ചു നല്ലപോലെയല്ലേ സംസാരിച്ചത്... അതെ... അവനെന്നോട് ജോലി പോയൊന്നു ചോദിച്ചു.. അത് നഷ്ട്ടപെട്ടെന്ന് അറിഞ്ഞതും ആ മുഖം മാറുന്നതും അവൾ ഓർത്തു... അവൾക്ക് എന്തോ... അവൻ അത്ര പ്രശ്നക്കാരനല്ലെന്ന് തോന്നി... ഇന്നും അയാൾ വളരെ മാന്യമായിട്ടല്ലേ സംസാരിച്ചത്... ഹന റൂമിൽ നിന്നും ഇറങ്ങി ഫായിടെ അടുത്ത് പോയി...ബെഡിൽ നീണ്ടു നിവർന്നു കിടന്ന് ഫോണിൽ നോക്കുകയാണ് അവൻ... "ഹ്മ്മ്?? എന്തെ?!" അവൻ അവളെ നോക്കാതെ ചോദിച്ചു... "എടാ... നീ ശെരിക്കും പറഞ്ഞതാണോ..?!" "എന്ത്?!" " ഓകെയാണോ?!നിനക്ക് സംസാരിച്ചപ്പോൾ എന്ത് തോന്നി..?!" "എനിക്ക് ഓക്കേ... നിനക്ക് ഓകെയാണോന്ന് എനിക്കറിയില്ല... നീയല്ലേ സംസാരിച്ചത്.." അവൾ പിന്നെ ഒന്നും മിണ്ടിയില്ല... ആകെ സംശയത്തിലായി... കുറച്ച് കഴിഞ്ഞു ചായ കുടിച്ചിരിക്കുമ്പോഴാണ് മൂത്താപ്പ ഫോണിൽ വിളിച്ചത്... "ഹനാ... ആ ചെറുക്കന് ഇഷ്ട്ടപെട്ടെന്ന്... അൽഹംദുലില്ലാഹ്..." ഉമ്മ ചിരിയോടെ പറയുന്നുണ്ട്... ഹന ഞെട്ടി... ഏഹ്... അവൻ ഇഷ്ട്ടപെട്ടെന്ന് പറഞ്ഞോ..??!... ഷഹാന അടുത്തേക്ക് വന്നു... "എന്ത് പറ്റി... നീ ഓക്കേ അല്ലേൽ അത് പറയാം... അവര് സമ്മതമറിയിച്ചാലും നിനക്ക് കൂടി ഓക്കയാവണ്ടേ... അത് ആലോചിച്ചു ടെൻഷൻ ആവണ്ട...മൂത്താപ്പനോട് നമ്മക്ക് പറയാം..." ഷഹാന അവളെ ആശ്വസിപ്പിച്ചു... ഹന ഇപ്പോഴും എന്ത് കാരണം പറയും??! എങ്ങനെ ഇത് വേണ്ടെന്ന് മൂത്താപ്പാനോട് പറയും എന്നറിയാതെ കുഴഞ്ഞു... തുടരും..... 🤍 Story ഇഷ്ട്ടമാവുന്നില്ലേ...??! ബോറാണോ... എനിക്ക് വേണ്ടി ഒന്ന് അഭിപ്രായം പറയണേ... 🙂 #💞 പ്രണയകഥകൾ #📙 നോവൽ #📔 കഥ #💘 Love Forever #💑 Couple Goals 🥰