ଗତ ସୋମବାର ତିଆନଝୌଉ-୧୦ କାର୍ଗୋ ମହାକାଶଯାନ ଜରିଆରେ ଚୀନ୍ ପ୍ରଥମ ଥର ପାଇଁ ‘କୃତ୍ରିମ ମାନବ ଭ୍ରୁଣ’କୁ ମହାକାଶକୁ ପଠାଇଛି । ଏହି ମିସନ୍ ଚୀନର ନିଜସ୍ୱ ସ୍ପେସ ଷ୍ଟେସନରେ ଡକ୍ ହୋଇସାରିଛି । ଏଥିସହ ସେଠାରେ ବୈଜ୍ଞାନିକ ପ୍ରୟୋଗ ଆରମ୍ଭ ହୋଇଛି । ଭବିଷ୍ୟତରେ ମଣିଷ ମହାକାଶରେ ନିଜର ପିଢ଼ିକୁ ଆଗକୁ ବଢ଼ାଇ ପାରିବ କି ନାହିଁ ତାହା ଜାଣିବା ଏହି ମିସନର ଉଦ୍ଦେଶ୍ୟ । ଅଦ୍ୟାବଧି ମହାକାଶକୁ ରୋବୋ ଏବଂ ଉପଗ୍ରହ ପଠାଯାଉଥିବାବେଳେ ଏବେ ପ୍ରଥମ ଥର ପାଇଁ ମଣିଷ ଜୀବନର ପ୍ରାଥମିକ ଆଧାର ଅର୍ଥାତ୍ ଭ୍ରୁଣକୁ ଜିରୋ ଗ୍ରାଭିଟି ସ୍ଥିତିରେ ଅନୁଧ୍ୟାନ କରାଯିବ । ଏହି ମିସନରେ ପଠାଯାଇଥିବା ଭ୍ରୁଣ ବାସ୍ତବରେ ଷ୍ଟେମ ସେଲ୍ସର ସହାୟତାରେ ପ୍ରସ୍ତୁତ କରାଯାଇଥିବା ସଂରଚନା । ଏହା ଅସଲି ଭ୍ରୁଣ ନୁହେଁ ବୋଲି ବୈଜ୍ଞାନିକମାନେ ସ୍ପଷ୍ଟ କରିଛନ୍ତି ।ବୈଜ୍ଞାନିକଙ୍କ ଅନୁସାରେ, ପୃଥିବୀ ପୃଷ୍ଠରେ ପ୍ରତି ଜିନିଷ ଗ୍ରାଭିଟି ଅର୍ଥାତ୍ ମାଧ୍ୟାକର୍ଷଣ ହିସାବରେ କାମ କରିଥାଏ । କିନ୍ତୁ ମହାକାଶରେ ଏହା ପ୍ରାୟ ଶୂନ ଥାଏ। ଏଥିସହ ସେଠାରେ କସ୍ମିକ ରାଡିଏସନର ବିପଦ ମଧ୍ୟ ରହେ । ଏଭଳିକ୍ଷେତ୍ରରେ ତିଆନଝୌଉ-୧୦ ମିସନ ସମୟରେ ଏହି ଭ୍ରୁଣଗୁଡ଼ିକୁ ୫ ଦିନ ଧରି ମହାକାଶ ଷ୍ଟେସନ ମଧ୍ୟରେ ମାଇକ୍ରୋ ଗ୍ରାଭିଟିରେ ରଖାଯିବ। ସେଠାରେ ଥିବା ଅଟୋମେଟଡ୍ ସିଷ୍ଟମ ପ୍ରତି ଦିନ ଏହି ଭ୍ରୁଣଗୁଡ଼ିକ ଲାଗି ପୋଷକ ତତ୍ତ୍ୱକୁ ବଦଳାଇବ ଯେପରିକି ତାର ବିକାଶ ଠିକ୍ ଭାବେ ହୋଇପାରି । ମାଧ୍ୟାକର୍ଷଣର ଅଭାବ ଭ୍ରୁଣର ଅଙ୍ଗ ବନିବାର ପ୍ରକ୍ରିୟାକୁ ପ୍ରଭାବିତ କରେ କି ନାହିଁ ତାହା ଜାଣିବାକୁ ସେମାନେ ଲକ୍ଷ୍ୟ ରଖିଛନ୍ତି । ଯଦି ଏହି ପ୍ରୟୋଗ ସଫଳ ରହେ ତେବେ ଏହା ମହାକାଶରେ ଗର୍ଭଧାରଣ ଏବଂ ପିଲାର ବିକାଶ ସମୟରେ କିଭଳି ଚାଲେଞ୍ଜ ଆସିବ ତାହା ବୁଝିବାରେ ବୈଜ୍ଞାନିକଙ୍କୁ ସହାୟତା କରିବ । #🌠ମହାକାଶରେ ଜନ୍ମ ହେବେ ଶିଶୁ👶