#📝 ഞാൻ എഴുതിയ വരികൾ # തുടർകഥ ഭാഗം 104 # ആരുടെ നിർദ്ദേശം ആയിരുന്നു അന്ന് അങ്ങനെ ചെയ്യാൻ....? മുഖമടച്ചുള്ള അടിക്ക് പിന്നാലെ ചോദ്യം ഇടിത്തീ പോലെ അമിതയുടെ കാതുകളിൽ പതിച്ചു.. മുന്നിൽ നിൽക്കുന്ന രൂപം തിരിച്ചറിയാൻ സമയമെടുത്തു അവൾക്ക്. ക്രമേണ കാഴ്ചയിൽ ആ മുഖം മുന്നിൽ തെളിഞ്ഞു.. ഇത്തവണ ശരിക്കും അന്താളിച്ചു പോയി അവൾ. കൂടെ ഒപ്പമുള്ളവരും... മുകുന്ദേട്ടാ... അറിയാതെ അവൾ വിളിച്ചു... അപ്പൊ നീ മറന്നിട്ടില്ല അല്ലേ ആമി ആ പേര്... അവളിൽ നിന്നൊരു തേങ്ങലുയർന്നു... പറയൂ.. എനിക്കു ആദ്യം മുതൽ സംശയം ഉണ്ടായിരുന്നു... ആരായിരുന്നു ഇതിനൊക്കെ പിന്നിൽ... യഥാർത്ഥത്തിൽ ഈ കൊലപാതകങ്ങൾ ഉമ ആണോ ചെയ്തത്.... ചുറ്റുമോന്ന് പകച്ചു നോക്കി അവൾ.. പിന്നെ ചോർന്നു പോയ ധൈര്യം കൈക്കലാക്കി അവൾ ഉറച്ച ശബ്ദത്തിൽ പറഞ്ഞു... അതേ... അവളാണ് കൊലയാളി... മറ്റുള്ളവർക്ക് ഒന്നും മനസ്സിലായില്ല. കാര്യങ്ങൾ കൈവിട്ട് പോകുന്ന പോലെ... ഉറപ്പാണോ... ഉറപ്പ്... അവളുടെ മുഖം വലിഞ്ഞു മുറുകി... മുകുന്ദൻ പിന്നിലേക്ക് ശിരസ്സ് തിരിച്ചു വിളിച്ചു.. വന്നോളൂ... അകത്തേക്ക് വന്ന ആളെകണ്ടു അമിത പിന്നെയും പരിഭ്രാന്തയായി... സൂസി പറയും ഇനി കാര്യങ്ങൾ... അല്ലേ സൂസി... എന്ത് പറയാൻ നിങ്ങൾ പറയുന്നതല്ലേ അവൾ ഏറ്റു പറയൂ.. കാരണം അവൾ നിങ്ങളുടെ ഇഷ്ടക്കാരി ആയിരുന്നില്ലേ.. മുകുന്ദൻ പൊട്ടി ചിരിച്ചു.ആ ചിരിയുടെ അലകൾ അവസാനിക്കും മുൻപ് സൂസി പറഞ്ഞു തുടങ്ങി... (തുടരും )