#breking *श्रीरामपूर डेपोच्या ताफ्यात १५ नवीन बसेसची होणार एन्ट्री*... ​श्रीरामपूर (*शिवप्रहार न्यूज नेटवर्क*) येथील बसस्थानकाला लवकरच १५ नवीन अद्ययावत बसेस उपलब्ध होणार असल्याची माहिती मूल्यांकन समितीचे सदस्य रणजीत श्रीगोड यांनी दिली. बाळासाहेब ठाकरे स्वच्छता अभियानांतर्गत मुंबई येथील मूल्यांकन समितीने नुकतीच श्रीरामपूर डेपोला भेट देऊन चौथ्यांदा सर्वेक्षण केले. याप्रसंगी प्रवासी संघाने केलेल्या मागणीनुसार, बारामती बसस्थानकाच्या धर्तीवर नवीन सुविधा आणि १५ नवीन बसेस देण्याचे आश्वासन अधिकाऱ्यांनी दिले आहे.प्रवाशांच्या सोयीसाठी इलेक्ट्रॉनिक बसेसकरिता चार्जिंग व्यवस्थाही मंजूर करण्यात आली असून, यामुळे ग्रामीण भागातील व लांब पल्ल्याच्या प्रवाशांना मोठा दिलासा मिळणार आहे.विभागाचे नियंत्रक राजेंद्र जगताप यांच्या मार्गदर्शनाखाली हा विकास आराखडा राबवला जात असून लवकरच बसस्थानकाचा कायापालट होणार आहे.