#📰జాతీయం/అంతర్జాతీయం #📰ఈరోజు అప్‌డేట్స్ #🏛️రాజకీయాలు #🆕Current అప్‌డేట్స్📢 #🏛️పొలిటికల్ అప్‌డేట్స్ *​స్త్రీనిధి రుణాల మంజూరులో 'యూనియన్ బ్యాంక్' కొర్రీలు...* *✍️..పై ప్రత్యేక కథనం..రిపోర్టర్ :- శేఖర్📲..9603197203..✍️* కాట్రేనికోనలో మహిళల అవస్థలు.. బ్యాంకు సిబ్బంది నిర్లక్ష్య ధోరణి పై ఫిర్యాదు.. ​ముఖ్యమంత్రి ప్రతిష్టాత్మకంగా అమలు చేస్తున్న మహిళా సాధికారత పథకాలకు క్షేత్రస్థాయిలో బ్యాంకర్ల తీరు శాపంగా మారుతోంది..తూర్పుగోదావరి జిల్లా కాట్రేనికోనలోని యూనియన్ బ్యాంక్ శాఖలో డ్వాక్రా మహిళలకు స్త్రీ నిధి రుణాలు విడుదల చేయడంలో బ్యాంకు అధికారులు తీవ్ర జాప్యం చేస్తున్నారు. "పొదుపు లేదు" అనే సాకుతో మహిళలను రోజుల తరబడి బ్యాంకు చుట్టూ తిప్పుకుంటూ ఇబ్బందులకు గురిచేస్తున్నారు.​వాస్తవానికి స్త్రీ నిధి రుణాలు అనేవి వాణిజ్య బ్యాంకులు ఇచ్చేవి కావు. ఇవి రాష్ట్ర ప్రభుత్వం,స్త్రీనిధి కో-ఆపరేటివ్ బ్యాంక్ ద్వారా మంజూరయ్యే ప్రత్యేక నిధులు. ఈ నిధులు మహిళా సంఘాల ఖాతాల్లోకి వచ్చినప్పుడు, వాటిని డ్రా చేసుకునే వెసులుబాటు కల్పించాల్సిన బాధ్యత మాత్రమే స్థానిక బ్యాంకులకు ఉంటుంది. కానీ కాట్రేనికోన యూనియన్ బ్యాంక్ అధికారులు మాత్రం తమ పరిధిలో లేని నిబంధనలను సాకుగా చూపుతూ మహిళలను వెనక్కి పంపుతున్నారు.​గడిచిన కొద్ది రోజులుగా మహిళలు తమ పనులను వదులుకుని బ్యాంకు మెట్లు ఎక్కి దిగుతున్నారు. *"మా స్త్రీనిధి డబ్బులు మాకు ఇవ్వడానికి మీ అభ్యంతరం ఏమిటి..?"* అని ప్రశ్నిస్తే, పొదుపు ఖాతాలో సరిపడా బ్యాలెన్స్ లేదంటూ కుంటి సాకులు చెబుతున్నారని మహిళలు వాపోతున్నారు. బలవంతంగా తమచే బయట కొత్త అప్పులు చేయించి పొదుపులో జమ చేస్తేనే రుణాలు బట్వాడా చేస్తామంటూ అక్కడ బ్యాంకు సిబ్బంది దురుసుగా ప్రవర్తిస్తున్నారని మహిళలు ఆవేదన చెందుతున్నారు .రుణాలు ఇవ్వడానికి బ్యాంకు మేనేజర్ సమ్మతించినా బ్యాంకు లో సిబ్బంది సాయి కిరణ్, ప్రవీణ్ లు అనవసరజోక్యం చేసుకొని లేనిపోని నిబంధనలు చెప్పి అడ్డుకుంటున్నారని వారు ఆరోపిస్తున్నారు. బ్యాంకు సిబ్బంది తమకు తెలుపకుండానే ఏకపక్షంగా డ్వాక్రా సంఘం లోని పొదుపు సొమ్మును డోక్రా రుణాల్లో జమ చేసేసుకుని పొదుపు లేదంటూ తమపై కేకలు వేస్తూ దురుసుగా ప్రవర్తిస్తున్నారని మహిళలు ఆవేదన వ్యక్తం చేస్తున్నారు.బ్యాంకు మేనేజర్ విధుల్లో జోక్యం చూసుకుంటూ మహిళలపై దురుసుగాను, అవమానకరంగా ప్రవర్తిస్తూ కేకలు వేస్తున్న ఇద్దరు బ్యాంకు సిబ్బందిపై బాధిత మహిళలు ఇప్పటికే బ్యాంకు ఉన్నతాధికారులకు ఫిర్యాదు చేసారు .​"మేము అత్యవసరాలు,చిన్న ఉపాధి వ్యాపారాల కోసం స్త్రీ నిధి రుణం తీసుకుంటాం.ఆ డబ్బు బ్యాంకుకు వస్తే, మాకు ఇవ్వకుండా వేధించి ఇబ్బంది పెట్టడం ఎంతవరకు సమంజసం? మేనేజర్ గారు స్పందించడం లేదు, సిబ్బంది మమ్మల్ని పట్టించుకోవడం లేదని బాధిత మహిళలు ఆవేదన వ్యక్తం చేస్తున్నారు. బలవంతంగా మా చేత బయట అప్పులు చేయించి పొదుపులు కట్టించుకున్న తరువాతే స్త్రీనిధి సొమ్ములు అకౌంట్లో జమ చేస్తున్నారని డ్వాక్రా మహిళలు ఆరోపిస్తున్నారు.స్త్రీనిధి నిధుల విడుదలపై వాణిజ్య బ్యాంకులకు ఆపే హక్కు లేకున్నా నిబంధనలు అతిక్రమిస్తున్నారు.*కేవలం పొదుపు ఖాతా బ్యాలెన్స్‌ను సాకుగా చూపి రుణ నిధులను ఆపడం చట్టవిరుద్ధం కూడాను.* వ్యవసాయ పనులు, కూలీ పనులు వదులుకుని మహిళలు బ్యాంకు చుట్టూ తిరుగుతుండటంతో ఆర్థికంగా నష్టపోతున్నారు.​వెంటనే ఉన్నతాధికారులు జోక్యం చేసుకుని కాట్రేనికోన యూనియన్ బ్యాంక్ అధికారుల పని తీరును మార్చాలని, మహిళలకు రావాల్సిన స్త్రీనిధి నిధులను ఎలాంటి ఆటంకాలు లేకుండా విడుదల చేయాలని వారు బ్యాంకు ఉన్నతాధికారులను కోరుతున్నారు. లేనిపక్షంలో బ్యాంకు ముందు ఆందోళన చేపడతామని కూడా హెచ్చరిస్తున్నారు.. ___________________________ డాక్టర్ బి.ఆర్.అంబేద్కర్ కోనసీమ జిల్లా :- ముమ్మిడివరం - నియోజకవర్గం *శేఖర్✍️ న్యూస్ 📹 గ్రూప్స్* 5️⃣ 👇 *వాట్సాప్ గ్రూప్ లింక్*👇 ______________________✍️ *ఫాలో అవ్వండి.* & *సబ్ స్క్రైబ్ చేసుకోండి...👇* ౼౼౼౼౼౼౼౼౼౼౼౼౼౼౼౼౼౼౼ Follow this link to join my WhatsApp group: https://chat.whatsapp.com/B84kn3XfnsiIxEJyhmXoyV?mode=gi_t ౼౼౼౼౼౼౼౼౼౼౼౼౼౼౼౼౼౼౼౼