#💐संत महंत🙏 #✍️भक्ती संदेश #🌻आध्यात्म 🙏 . . ll ज्ञानेश्वरीतील ज्ञानामृत चिंतन ll . ************************* . काया, वाचा, मन, चित्त, वित्त, जीव, प्राण हे सर्व जो द्रव्य, दारा यांच्यात सापडतात ते बद्ध, मूर्ख व पढतमूर्ख समजावेत. म्हणून सत्संगाने,श्रवण, कीर्तनाणे आत्मोन्नत होण्यातच मानवाचे हित आहे. ************************************************ . तेणें भावशुद्धीचिये वाटे । विखुरले विकल्पाचे काटे l . मग चिरिले आव्हाटे । अप्रवृत्तीचे ।।७.१७०।। ****************[ ज्ञानेश्वरी-७/१७०]***************** ll अर्थ ll . . त्या मोहाने शुद्ध भावनेच्या वाटेवर विकल्परूपी काटे पसरून निषिद्ध आचरणाचे मार्ग काढले. . ll स्पष्टीकरण ll . अहंकार माणसाचा आत्मनाश करतो यावर भाष्य करताना माऊलींनी एक यथार्थ रूपक मांडले आहे ते म्हणतात, जेव्हा अहंकार आणि देह यांचे एकमेकावर प्रेम जडले तेव्हा त्यांना इच्छा ही मुलगी झाली. नंतर ती इच्छा कामरूपी तारुण्यात आली तेंव्हा तिचे द्वेषाशी लग्न लावले. त्या दोहोंपासून द्वंद्वमोह जन्मला . मग त्याचा आजोबा जो अहंकार त्याने त्याला वाढवले तो द्वंद्वमोह नेहमी सात्विक धैर्याला नेहमी प्रतिकूल असतो आणि आशारूपी रसाने पुष्ट झाला असता तो छळणारा द्वंद्वमोह नियमांना जुमानीत नाही. असंतोषरूप दारूच्या योगाने उन्मत्त होऊन पंचविषयरूपी खोलीमध्ये विकाररूपी काटे पसरले आणि निषिद्ध कर्माचे आडमार्ग खुले केले. त्यायोगे प्राणी भांबावले म्हणून अज्ञानरूपी अरण्यात पडले आणि मग मोठमोठाल्या दुःखाच्या दांडक्यानेच बडवले गेले. . इच्छेचे विषय आहेत सुख व सुखाची साधने, द्वेशाचे विषय आहेत दुःख व दुखाची साधने. दोन्हीही परस्पर विरोधी आहेत. इच्छाद्वेश हे द्वंद्व आहे. त्यापासून श्री सुखदुःखादी द्वंद्व निर्माण होतात त्यामुळे मनुष्यप्राणी मोहाने अज्ञानात सापडतो अशा मनुष्याला बद्ध म्हणतात. मूर्ख व पढतमूर्ख म्हणतात समर्थांनी अशांचा झाडा दासबोधात घेतला आहे. . काया, वाचा, मन, चित्त, वित्त, जीव, प्राण हे सर्व जो द्रव्य, दारा यांच्यात सापडतात ते बद्ध, मूर्ख व पढतमूर्ख समजावेत. म्हणून सत्संगाने,श्रवण, कीर्तनाणे आत्मोन्नत होण्यातच मानवाचे हित आहे. . . ll राम कृष्ण हरी, माऊली ll