ആംബുലൻസ് (46) "എന്നാൽ നേരേ പോലീസ് സ്റ്റേഷനിലേക്ക് വിട്..." "സാറേ...ആള് മാറി പിടിച്ചാൽ പണി പാളും..." "പാളട്ടെടോ... താൻ വണ്ടി വിട്..." പ്രഭാകരൻ ആംബുലൻസ് നേരേ പോലീസ് സ്റ്റേഷനിലേക്ക് വിട്ടു. സബ് ഇൻസ്പെക്ടർ ഗോപിനാഥും ആനന്ദനും പിൻതുടർന്നു... പ്രഭാകരൻ ആംബുലൻസ് പോലീസ് സ്റ്റേഷൻ്റെ മുന്നിൽ നിർത്തി. സബ് ഇൻസ്പെക്ടർ ഗോപിനാഥ് ജീപ്പിൽ നിന്നും ചാടിയിറങ്ങി... "മിസ്റ്റർ പ്രഭാകരൻ... You are under arrest..." പ്രഭാകരൻ: Relax Sir... Relax... Please... ആള് മാറി അറസ്റ്റ് ചെയ്താൽസാറിൻ്റെ തൊപ്പി തെറിക്കും..." "തെറിക്കുന്നെങ്കിൽ അങ്ങ് തെറിക്കട്ടെടോ... ഞാൻ പുതിയതൊന്ന് വാങ്ങിക്കോളാം...താൻ കുറേ നാളായി ഇൻസ്പെക്ടർ ആനന്ദനെ ഇട്ട് വട്ടം കറക്കുന്നു... ഇന്ന് തന്നെ കൊണ്ട് ഞാൻ സത്യം പറയിപ്പിക്കും..." പ്രഭാകരൻ: "സാറ് എന്നെക്കൊണ്ട് സത്യം പറയിപ്പിക്കും... ഞാൻ പ്രതാപനാണെന്ന് സത്യം പറയുകയും ചെയ്യും..." "താൻ കിടന്ന് ചിലമ്പാതെ സ്റ്റേഷനകത്തേക്ക് കയറ്... തന്നെ ഞങ്ങളൊന്ന് ശരിക്ക് പരിശോധിക്കട്ടെ". പ്രഭാകരൻ: "എൻ്റെ പൊന്നു സാറേ... എന്നെ പരിശോധിക്കാൻ എനിക്ക് അസുഖമൊന്നുമില്ല...എന്നെ വിട്ടേക്കൂ... ഞാൻ പോട്ടെ..." "തന്നെ അങ്ങനെ അങ്ങ് വിടാനല്ല സ്റ്റേഷനിൽ കൊണ്ട് വന്നത്... താൻ സത്യം പറ... തൻ്റെ കൈയ്യിലിരിക്കുന്നത് തൻ്റെ അനിയൻ പ്രതാപൻ്റെ Documents അല്ലേ?" "സാറേ...ഞാനാണ് പ്രതാപൻ... ഇത് എൻ്റെ Documents ആണ്..." "ആനന്ദൻ...ഇവൻ്റെ മുഖം പ്രഭാകരൻ്റെ മുഖം തന്നെയല്ലേ?" സബ് ഇൻ. ആനന്ദൻ: "അതെ...അതെ... ഇത് പ്രഭാകരൻ്റെ മുഖം തന്നെയാണ്..." പ്രഭാകരൻ: "എൻ്റെ പൊന്നു സാറന്മാരേ...ഒരാളുടെ മുഖം എത്ര പേർക്ക് കാണുമെന്നറിയാമോ?" സബ് ഇൻ. ഗോപിനാഥ്: "എടോ...എടോ...താൻ ഞങ്ങളെ സൈക്കോളജിയൊന്നും പഠിപ്പിക്കണ്ട... അതൊക്കെ പഠിച്ചിട്ടാ ഞങ്ങൾ ഈ വേഷം കെട്ടിയിരിക്കുന്നത്". പ്രഭാകരൻ: "എൻ്റെ സാറേ... ഞാൻ നിങ്ങളെ സൈക്കോളജിയൊന്നും പഠിപ്പിച്ചതല്ല... ഞാൻ രക്ഷപ്പെടാൻ വേണ്ടി പറഞ്ഞതാണ്..." "അങ്ങനെ താൻ ഇപ്പോ കളളം പറഞ്ഞ് രക്ഷപ്പെടണ്ട... സത്യം പറഞ്ഞ് രക്ഷപ്പെട്ടാൽ മതി" പ്രഭാകരൻ: "അതിന് എൻ്റെ ആധാറിലെ ഫോട്ടോ നോക്കിയാൽ പോരേ സാറേ..." "എടോ... തൻ്റെ ആധാറിലെ ഫോട്ടോ പ്രേതത്തെപ്പോലെയാണിരിക്കുന്നത്..." പ്രഭാകരൻ: "ഇതിലപ്പുറം ഇനി എന്ത് തെളിവാണ് സാറേ നിങ്ങൾക്ക് വേണ്ടത്?" (തുടരും) #🧟 പ്രേതകഥകൾ! #📔 കഥ #📙 നോവൽ #🍲 ഇന്നത്തെ രുചി #🕵️‍♀️ കുറ്റാന്വേഷണ കഥകൾ