పుస్తకాలు 16 వేలు.. ఏర్పాటు చేసిన లైబ్రరీలు 24.. అది కూడా 14 ఏళ్ల వయసులో.. హైదరాబాద్ కు చెందిన ఆకర్షణ సతీష్ చేస్తున్న పని ఇది. కోవిడ్ టైమ్‌లో తన తండ్రితో కలిసి ఫుడ్ పంచుతున్నప్పుడు, క్యాన్సర్ హాస్పిటల్‌లోని పిల్లలు టైమ్ పాస్ కోసం "కలరింగ్ బుక్స్" అడగడం ఆకర్షణ మనసును కలిచివేసిందట. వెంటనే తన కాలనీ వాట్సాప్ గ్రూపుల్లో రిక్వెస్ట్ పెట్టి, అలా వచ్చిన పుస్తకాలతో MNJ క్యాన్సర్ హాస్పిటల్‌లో తన ఫస్ట్ లైబ్రరీని స్టార్ట్ చేసింది. ఆ సక్సెస్ ఇచ్చిన బూస్ట్‌తో తెలంగాణలోని సనత్‌నగర్ పోలీస్ స్టేషన్, బోరబండలోని బాల నేరస్థుల హోమ్స్, గాయత్రీ నగర్ అసోసియేషన్.. ఇలా ఒక్కొక్కటిగా లైబ్రరీలు ఏర్పాటు చేసుకుంటూ.. తమిళనాడు వరకు వెళ్లి ఏకంగా 24 లైబ్రరీలు ఓపెన్ చేసింది. ఈ రోజుల్లో పిల్లలంతా స్మార్ట్ ఫోన్లకే అతుక్కుపోతుంటే, తను మాత్రం పుస్తకాలను సేకరించి సమాజానికి ఉపయోగపడేలా మంచి పనులు చేస్తూ అందరినీ ఆకర్షిస్తోంది… ఆకర్షణ. ఈమె డెడికేషన్ చూసి ఇప్పుడు నెటిజన్లు తనని ఒక రియల్ హీరోలా సెలబ్రేట్ చేసుకుంటున్నారు. L&T మెట్రో రైల్, NBT వాళ్ళ సహకారంతో మన హైదరాబాద్ లో ఉన్న మెట్రో స్టేషన్లలో కూడా ప్రయాణికుల కోసం లైబ్రరీలను ఓపెన్ చేయాలనుకుంటోందట ఈమె. ట్రైన్ కోసం వెయిట్ చేసే టైమ్‌లో ఫోన్లలో తలదూర్చకుండా, మంచి పుస్తకం చదువుకునేలా ఆకర్షణ చేస్తున్న ఈ ప్రయత్నం పబ్లిక్ నుండి మంచి ప్రశంసలు అందుకుంటోంది. ఈ చిన్నారి చేస్తున్న పనిని చూసి ప్రధానమంత్రి సైతం తన మన్ కీ బాత్ లో ప్రశసించాడట. "నీ 25వ లైబ్రరీ ప్రారంభోత్సవానికి నేనే గెస్ట్‌గా వస్తాను" అని ఆయన ప్రామిస్ చేయడం ఆకర్షణ కృషికి దక్కిన ఒక మంచి గౌరవం. ఏదైనా మంచి మార్పు తేవాలంటే ఒక మంచి ఆలోచన ఉంటే చాలు అని నిరూపించిన ఈ 'బుక్ గర్ల్' చేస్తున్న పని మీకు ఎలా అనిపించిందో కామెంట్ చేయండి మరి! #AkarshanaSatish #BookGirl #YoungAchiever #LibraryMovement #షేర్ చాట్ బజార్👍 #😎ఆటిట్యూడ్ కోట్స్ #💪పాజిటీవ్ స్టోరీస్ #🙆 Feel Good Status