SARA MAHIR #girl power Chapter 1: shadi ya barbadi Sara ek middle class ghar ki mamooli ladki thi. Padhayi mein bohot acchi. Hamesha class mein first. Kitabein hi Sara ki duniya thi. Uska sapna bas itna tha - Mummy-Papa ka sar kabhi jhukne na de. Sara apni Mummy se behad pyaar karti thi. Unki koi baat nahi talti thi. Mummy ke liye Sara ki khushi se zyada important kuch bhi nahi tha. Par Papa bohot strict the. Unka faisla patthar ki lakeer tha. Ghar mein unke saamne koi saans bhi oonchi nahi le sakta tha. Unke liye apni izzat sabse important thi. Sara ne Mummy se wada kiya tha - "Maa, main aapke aur Papa ke pasand ke ladke se hi shaadi karungi. Aapki pasand meri pasand." Kuch mahine pehle Sara ki shaadi tay ho gayi thi. Ladka shareef tha. Gharwale khush. Papa ke chehre pe fakhr tha, Mummy mithai baant rahi thi. Par isi sheher mein ek ladka tha - Rahul. Ameer baap ka bigda hua beta. Jo sirf baap ke paise se ayyashi karna jaanta tha. Jo chahta tha use mil kar rehta tha. Use lagta tha wo duniya ka sabse handsome ladka hai. Use lagta tha koi bhi ladki use naa nahi keh sakti. Ek din Rahul ne apne dosto ko challenge kiya. Haste hue bola, "Wo Sara hai na? Middle class wali? Main use propose karunga. Wo haan kar degi. Likhi lo." Agla din. College ka gate. Rahul sabke saamne aaya. "Sara, I like you. Be mine." Sara ne nazar tak nahi uthayi. Kitaab band ki aur boli, "Raasta naap Rahul. Main tumhare jaisi gandagi ke liye nahi bani. Mere Mummy-Papa ne mujhe padhne bheja hai, ye nautanki karne nahi." Poore college mein sannata. Phir dosto ke thahake. Rahul ka chehra kaala pad gaya. Pehli baar kisi ladki ne uska ego sabke saamne tod diya tha. Usne kasam khayi - "Is ladki ko sabak sikhakar rahunga." Rahul ko pata tha Sara ki kamzori kya hai - uski family. Uski izzat. Uski Mummy. Aur phir aaya Sara ki shaadi ka din. Laal joda, haathon mein mehendi, gale mein gajra. Mummy side mein khadi thi. BP ki patient, par beti ki shaadi hai, dawa kha ke khadi thi. Papa mandap mein seena taan ke baithe the. Mantra chal rahe the. Dulha varmala haath mein liye khada tha. Tabhi gate pe gaadiyon ka kafila ruka. Rahul. Kaale chashme, dosto ki fauj, zehreeli muskurahat. Seedha mandap mein aake chillaya: "Ruko ye shaadi nahi ho sakti! Is ladki ke saath mera affair tha. Iske saath mera bohot gehra relation tha. Ye ab tak mere peeche ghoom rahi thi, jab dil bhar gaya to tujse shaadi kar rahi hai. Aisi ladki ke saath shaadi karega tu?" Ek pal mein sab khatam. Dulhe ne varmala zameen pe de maari. Dulhe ki maa ne thook diya. "Aisi ladki humein nahi chahiye." Rishtedaar uth gaye. Video banne lage. Mohalle bhar mein tamasha. Sara ne Papa ko dekha. Unki aankhon mein beti ke liye shaq tha. Sara ne Mummy ko dekha. Wo seena pakad ke zameen pe baith gayi. "Meri dawa... BP badh gaya..." Papa Sara ke paas aaye. "Tune meri pagdi pairon mein gira di. Tere jaisi beti se to be-aulaad rehna accha. Nikal ja mere ghar se. Aaj se tu mere liye mar gayi." Mummy ko ambulance mein le gaye. Sara laal jode mein gate ke bahar akeli khadi thi. Rahul dosto ko high-five de raha tha. Usi raat hospital mein Mummy ka haath pakad ke Sara ne kasam khayi. Aankhon mein aansu nahi, aag thi. "Maa, jisne tumhari ye haalat ki... jisne Papa ki izzat mitti mein milayi... Main use barbaad kar dungi. Rahul ko main zinda nahi chhodungi." Ek mahina baad. Isi sheher ke sabse bade ghar mein shahnai baji. Mahir Mansion. Dulhan - Sara. Par dulha Rahul nahi tha. Dulha tha Mahir - Rahul ka bada bhai. Poore sheher ka sabse shareef insaan. Gentleman. Saccha. Accha. Rahul mandap mein khada tha. Use laga tha wo jeet gaya. Use nahi pata tha - Sara ab uske ghar ki bahu ban ke aayi hai. Badla lene. Uski ghamand todne. Par kismat ka khel dekho... Badla lete lete Sara ko Mahir se mohabbat ho gayi. Ab sawal yahi hai... Jis din Mahir ko pata chalega ki uski biwi ne usse sirf badla lene ke liye shaadi ki thi... kya wo Sara ko maaf karega? Kya Mahir apni biwi ka saath dega ya apne bhai ka? Kyunki is kahani ki shiksha yahi hai: Rishta jo kuch bhi ho... saath uska do jo sach hai. Aur saza usko do jo galat hai. Chapter 2: Mallik Mansion Ki Bahu Sheher ke sab jaante hain ki Mehvish mallik apne bade bete Mahir se bahut pyaar karta hai. Use pata hai Mahir jo karta hai soch samajhkar karta hai aur wo sahi hai. Par aaj sab hairan the. Mahir ne achanak shaadi ka faisla le liya. Dulhan kaun hai kisi ko pata nahi. Sabko intezar tha - The Great Mahir ki wife kaun hai ye dekhne ke liye. Mandap ke samne gaadi aakar ruk gayi. Gaadi se utri dulhan. Uska munh sari se dhaka tha. Mahir jaakar dulhan ka haath pakad kar mandap par le aaya. Shaadi ho gayi. Ab munh dikhai. Dulhan ne apna munh uthaya. Ek... do... teen... Rahul ka dil dhadakne laga. Uski saanse ruk gayi. "Yeh sach mein wahi ladki hai? Sara? Haan wahi hai.Mehbish mallik ko koi aitraaz nahi tha. Aur Mahir ki Mummy ko bhi koi problem nahi thi. Kyunki wo jaanti thi ki uska beta lakhon mein ek hai. Shaadi ke baad sab log ghar chale gaye. Mahir Sara ko apne ghar le gaya. Apne kamre mein. Sara ne kaha, "Aapko bahut-bahut shukriya. Aapne ek beghar ladki ko sahara diya." Mahir ne kaha, "Koi baat nahi. Yeh mera farz tha. Mere Papa kehte hain ki jo karo logon ki achhai ke liye karo. Ye tumhara bhi ghar hai. Tum jaise chaho reh sakti ho. Main tumhe kabhi kisi cheez ke liye force nahi karunga." Raat gehri ho gayi. Rahul apne kamre mein so nahi paya. Wo sirf soch raha hai - "Yeh kya ho raha hai? Kya chahti hai ye ladki?" Subah ho gayi. Aaj Mahir aur Sara ki reception hai. Sara ready hokar reception hall mein aayi. Rahul Sara ke paas aaya aur kaha, "Yeh sab kya kar rahi ho tum? Tumhe kya lagta hai yeh sab karke tum mujhe hara paogi? To paise chahiye na?" Tabhi Mahir aaya aur kaha, "Kya ho raha hai?" Rahul ne kaha, "Kuch nahi bhai. Main to bas baat kar raha tha." Mahir ne kaha, "Tamiz se. Wo tumhari bhabhi hai." Rahul bola, "Nahi bhai tum nahi jaante. Yeh ladki bahut chalu hai." Mahir ne Rahul ko thappad maara aur kaha, "Agli baar aisi baat kiya to ghar se bahar nikal dunga. Ghar pe rehna chahte ho to tamiz se raho. Mallik khandan ki beizzati mat karo. Yeh mera last warning hai." Mahir chala gaya. Aur Sara ne kaha, "Dekha Rahul? Yeh to bas shuru hai. Tumne jaise mujhse mera family chheen liya, waise hi main bhi tumse tumhara family chheen lungi. Yeh rutba, yeh daulat, yeh sheher mein jo tumhara naam hai - wo sab kuch tumse chheen lungi." Do din ho gaye. Mahir ne bas kuch hi din ke liye shaadi ki chhutti li thi. Wo company ka chairman hai. Wo office chala gaya. Sara ghar pe hi thi. Sara ko pata tha Rahul tang karne ki koshish karega, isiliye Sara ne Mahir ko call kiya aur kaha ki main tumhare paas aa rahi hu. Sara office chali gayi. Sara Mahir ke kaam mein help karti. Yeh dekh kar Mehvish mallik ne socha - "Kyun na main apni bahu ko mauka du?" Aur bas... Mehvish mallik ne Sara ko CEO bana diya. Ab Sara sirf Mallik khandan ki bahu nahi, balki Mahir Group of Industries ki CEO hai. Ab tak Rahul se sab kuch bardasht ho raha tha, par ab nahi. Sara ne Rahul se uska haq cheen liya. Rahul bahut gusse mein aa gaya aur socha ki is baar bahut bada kuch karega. Isiliye Rahul ne kuch gundon ko bulaya aur apni bhabhi ko kidnap karne ke liye kaha. Ghar pe Vikram Mahir aur unki biwi thi. Mahir office ja chuka tha. Sara ghar pe apni saas aur sasur ke liye khana bana kar uske baad office jayegi. Jab Sara ghar se nikli, Rahul ne gundon ko call kiya aur kaha, "Bhabhi ghar se nikal gayi. Use kidnap kar lo. Aur jo chaho kar sakte ho. Chaho to beizzat kar do, mujhe koi fark nahi padta. Aur chaho to use maar do. Aur haan, jab use maroge mujhe video karna." Sara ko yeh sab kuch pata tha. Sara jaanti thi ki Rahul aisa hi kuch karega. Sara pehle se hi taiyar thi. Sara ne apne mobile se Mahir ko message kar diya tha ki main office aa rahi hu, par kuch gundon ne mera peecha kar raha hai. Mujhe bahut dar lag rahi hai. Par Sara ne Rahul ka naam nahi diya. Aur bas... jab gundon ne Sara ko kidnap kar liya. 2 ghante tak Sara office nahi aayi to Mahir ko fikr ho rahi thi. Mahir ne GPS on kiya aur gundon ke adde par pahunch gaya. Jaate hi wahan Rahul ko dekha. Rahul ko dekhkar Mahir hairan ho gaya. Uske baad Mahir gundon se ladkar Sara ko bachaya. Jab Rahul pakda gaya to Rahul ne Mahir ko marne ki koshish ki. Tab Sara ne Rahul ko jor se thappad maara aur kaha, "Aisi galti karne ki koshish bhi mat karna. Tum Mahir ke bhai ho isiliye tumhe zinda chhod diya. Warna main tumhe kabhi nahi chhodti." Uske baad Mahir ne Sara se pucha, "Tumhe dar nahi lag rahi thi?" Sara ne kaha, "Mujhe sab pata tha. Aur mujhe yeh bhi pata tha ki tum zaroor aaoge mujhe bachane. Aur main tumhe yeh dikhana chahti thi ki tumhara bhai tumhare peeth peeche kya kar raha hai. Bas isiliye yeh sab kuch kiya. Mujhe maaf kar do." Mahir ne kaha, "Koi baat nahi. Aaj tumne meri aankh khol di. Mujhe pata tha ki mera bhai badmash hai, par yeh nahi pata tha ki wo gunehgar hai. Nahi bhai, tu mera bhai hai isliye main tujhe nahi chhod sakta." Mahir ne police ko bula liya aur police Rahul ko lekar chala gaya. Mahir Sara ko lekar ghar wapas aa gaya. Mehvish mallik ne kaha, "Tumne jo kiya bahut achcha kiya. Tum meri bahu nahi meri beti ho. Nalayak ne to meri izzat kuch bachaayi nahi. Achcha hua ki tumne use pakadwa diya." Mahir ki Mummy ne kaha, "Beti jo ho gaya so ho gaya. Yahi hamari kismat mein likha tha. Yeh sab bhool jao." Sara ne kaha, "Nahi Mummy. Aapki parvarish mein koi galti nahi thi. Mahir bhi to aapka beta hai. Bada ho jaane ke baad santan kya karega uspe maa-baap ka koi kasoor nahi hota. Aur aaj se main aapse wada karti hu. Main is Mallik khandan ki izzat hamesha raksha karungi. Main apni family ki izzat to bacha nahi paayi, par is family par koi aanch nahi aane dungi."