ആത്മനിവേദനം!! 🕉️🕉️🕉️🕉️🕉️🕉️🕉️🕉️🕉️🕉️🕉️🕉️🕉️ 🙏🙏🙏🙏🙏🙏🙏🙏🙏🙏🙏🙏🙏 വൃന്ദാവനത്തിലെ കളിമൺ വഴികളിൽ,ചിതറിവീണ വെണ്ണയോടൊപ്പം പിച്ചവെച്ചു നടക്കുന്നൊരു നീലകുരുന്നേ... അരയിലെ ഓടക്കുഴലിൽ യമുനയുടെ ഈണം ഒളിപ്പിച്ച്, ഉടച്ചുകളഞ്ഞ മൺകുടത്തിന് അരികെ ഒന്നുമറിയാത്ത ഭാവത്തിൽ നിൽക്കുന്നൊരു കുസൃതിക്കണ്ണൻ. അമ്മയുടെ കാൽപ്പെരുമാറ്റം കേൾക്കുമ്പോൾ, പകച്ചുപോകുന്ന ആ കരിമിഴികളിൽ ഭയമല്ല, പ്രപഞ്ചത്തെയാകെ മയക്കുന്ന മായയാണ് വിരിയുന്നത്. ചുണ്ടിൽ പറ്റിപ്പിടിച്ച വെണ്ണക്കുഴമ്പോടെ ചരിഞ്ഞുനിന്നു നോക്കുന്ന ആ നോട്ടമുണ്ടല്ലോ... അതിലും വലിയൊരു അനുഗ്രഹം ഈ ഭൂമിയിൽ വേറെയെന്തുണ്ട്! യശോദയുടെ ദേഷ്യം പോലും ഒരൊറ്റ കള്ളച്ചിരിയിൽ അലിയിച്ചുകളയുന്ന മന്ത്രമല്ലേ അവൻ്റെ കുറുമ്പുകൾ? മൺകുടം ഉടഞ്ഞു വീണത് വെറും നിലത്തല്ല,.. ഒരു ഭക്തൻ്റെ ഉള്ളിലെ അഹങ്കാരത്തിൻ്റെ മൺചുവരുകളിലേക്കാണ്. അവിടെനിന്നും ഒഴുകിപ്പരക്കുന്നത്, യുഗങ്ങളായി നമ്മൾ കാത്തിരുന്ന ഭഗവാന്റെ കാരുണ്യമാണ്. ആ കുഞ്ഞു കൈകൾ കോരിയെടുക്കുന്നത്, നമ്മുടെ ഹൃദയത്തിലെ പ്രണയവും സമർപ്പണവുമാണ്. കോപിക്കാൻ ഓടിയെത്തി, ഒടുവിൽ അവനെ നെഞ്ചോടു ചേർക്കുന്ന അമ്മ മനസ്സിനൊപ്പം, ഈ കുഞ്ഞുരൂപത്തെ നോക്കി നിൽക്കുന്ന ഏവരുടെയും ഉള്ളിൽവാത്സല്യത്തിൻ്റെ ഒരു പാൽക്കടൽ തന്നെ ഇരമ്പിപ്പായുന്നു. സത്യങ്ങൾ പലതുണ്ടാകാം ഈ ഉലകിൽ, പക്ഷേ, ഈ കള്ളക്കണ്ണൻ്റെ കുറുമ്പുകളോളം പാവനമായ മറ്റൊരു പുണ്യം മറ്റെന്തുണ്ട്? 🕉️🕉️🕉️🕉️🕉️🕉️🕉️🕉️🕉️🕉️🕉️🕉️🕉️ 🙏🙏🙏🙏🙏🙏🙏🙏🙏🙏🙏🙏🙏 🦚🪈ചാരുമാധവം🦚 🪈#ഹരേ കൃഷ്ണ സർവ്വം കൃഷ്ണമയം🙏 #krishna #കൃഷ്ണ #🕉️ശ്രീ ഗുരുവായൂരപ്പൻ #ഭക്തി