#📀యేసయ్య కీర్తనలు🎙 సేవలో నీవు చురుకైన వ్యక్తివా* *లేక......!🗓️మే1️⃣1️⃣🍞❤️‍🔥* *దేవుడు* నీ పాపాలన్నిటినీ క్షమించి నిన్ను నీతిమంతునిగా తీర్చి తన కుమారునిగా లేదా కుమార్తెగా అంగీరించాడా అయితే నీ కోసమే ఈ అంశం. నీవు చదువుకుంటున్న విధ్యార్థివైతే కష్టపడి బాగా చదువుకో, ఉద్యోగం లేదా వ్యాపారం చేస్తున్న వారైతే కష్టపడి పని చెయ్యండి. ఇల్లాలివైతే ఇంటి బాధ్యతను చక్కగా నిర్వర్తించండి. కానీ, ఖాళీ సమయములో మీరు సంఘ పరిచర్యలో, దేవుని సేవలో పాలుపంచుకోవాలి. మీ యొక్క కుటుంబ బాధ్యతలను చక్కగా నిర్వర్తిస్తూ కొంచెం సమయం మందిర క్షేమం విషయంలో ప్రయాస పడాలి. సంఘ పరిచర్యలో ఎన్నో విధాలుగా పాలుపంచుకోవచ్చు. ఒకవేళ ఆ సంఘం ఏదన్నా మీటింగ్ ఏర్పాటు చేస్తూంటే ఆ మీటింగ్ లో మీరు కూడా పాలుపంచుకొని మీకు ఇవ్వబడిన పని చేయవచ్చు. రక్షించబడిన ప్రతి ఒక్కరు దేవుని మందిరంలో, దేవుని పరిచర్యలో చురుకైన సభ్యులుగా ఉండాలే తప్ప నిద్రపోతు సభ్యునిగా ఉండకూడదు. నేను కాలేజిలో చదువుకుంటున్న రోజులలో ఉదయకాల సమయం కాలేజికి వెళ్తూ సాయంత్రము ఏ మాత్రం సమయం దొరికినా పాష్టరుగారి దగ్గరకు వెళ్లి అక్కడ ఆయన చేస్తున్న సేవలో సహాయపడే వాడిని. ఒకవేళ ఆయన గృహకూడిక పెడితే ఆ గృహ కూడికలో పాల్గోనేవాడిని. ఆయన జైలుకు వెళ్లి అక్కడున్న వారికి వాక్యం చెపుతూ ఉంటే నేను కూడా మా పాష్టరుగారితో బాటు జైలుకు వెళ్లి ఆయనకు సహాయపడుతూ ఉండేవాడిని, పాటలు పాడేవాడిని మరియు ఆయనతోబాటు బస్ స్టాండ్లో లేదా రైల్వే స్టేషన్లో కరపత్రాలు పంచేవాడిని. సంఘంలో సంఘ కాపరి ఏ పరిచర్య చేస్తున్నారో ఆయనకు ఆ పరిచర్యలో సహాయం చేసేవాళ్ళు కావాలి. పరిచర్య అంతటినీ సంఘ కాపరి ఒక్కడే చేయలేదు. సైకిల్కి చక్రము ఉంటుంది. ఈ చక్రము చక్కగా నడవాలంటే దానికి ఊసలు కావాలి. రిమ్ము చుట్టూ ఉన్న ఊసలు చక్రాన్ని గట్టిగా పట్టుకొని సహాయ పడినప్పుడే చక్రము చక్కగా ముందుకు వెళ్ళగల్గుతుంది. అదే విధంగా, సంఘం అనే చక్రము ముందుకు వెళ్ళాలంటే ఊసలు (విశ్వాసులు) అన్నీ కలిసి కట్టుగా సంఘానికి సహకరించాలి. కేవలం ఆదివారము మాత్రమే ఆరాధనకు వచ్చేవారుగా, నులివెచ్చగా ఉండవద్దు. నీవు ఆత్మీయుడవైతే, నీ సమయాన్ని వ్యర్ధమైన వాటికోసం వృధా చేసుకోకుండా జాగ్రత్తగా ఖర్చుపెట్టాలని ఆశపడుతున్నట్లైతే మీ ఖాళీ సమయములో మందిర పరిచర్యలో పాలుపంచుకునే ప్రయత్నం చేయండి. దేవుని ఇంటిలో పని చేయడం ఎంతో గొప్ప ధన్యత. మీ స్థానికంగా ఉన్న సంఘంలో మీరు చురుకైన సభ్యునిగా ఉండాలి. దేవుని రాజ్యం కోసం ప్రయాసపడుతున్న దేవుని శిష్యులతో కలిసి ప్రయాసపడాలి. మీరు దేవుని రాజ్య వ్యాప్తి కోసం ఉపయోగపడాలనే మనస్సు ఉండాలే కానీ ఎన్నో అవకాశాలు ఉన్నాయి. సంఘంలో ఎదో ఒక బాధ్యత తీసుకొని కష్టపడండి. అది మీకు, మీ కుటుంబానికి, మీ బిడ్డలకు ఎంతో ఆశీర్వాదం. మనం ఈ భూమ్మీద దేవుని కోసం ఏమి చేసినా అది మనకు పరలోకంలో వెయ్యి రెట్ల ఆశీర్వాదాన్ని ఇస్తుందనే సత్యం మరచిపోవద్దు. దినములు చెడ్డవి గనుక, మీరు సమయమును పోనియ్యక సద్వినియోగము చేసికొనుచు, అజ్ఞానులవలె కాక, జ్ఞానులవలె నడుచుకొనునట్లు జాగ్రత్తగా చూచుకొనుడి. ఇందు నిమిత్తము మీరు అవివేకులు కాక ప్రభువు యొక్క చిత్తమేమిటో గ్రహించుకొనుడి. *(ఎఫెసీ 5:15-17)* *ధ్యానించండి...సేవలో పాల్గొనండి* 1️⃣పరిశుద్ధులకు ఉపచారము చేయండి. *హెబ్రీ 6:10* 2️⃣నిష్కపటమైన పూర్ణహృదయముతో దేవుని సేవించుడి. *1సమూ 12:24* 3️⃣ఆత్మయందు తీవ్రతగలవారై దేవుని సేవించుడి. *రోమా 12:1* 4️⃣ఇద్దరు యజమానులను సేవించకండి. *లూకా 16:13* 5️⃣నీ ఇష్టానుసారంగా కాక దేవుని చిత్తప్రకారము సేవ చేయుడి. *అపొ.కా. 13:36* 6️⃣సేవకులకు పరిచారము, సహకారులుగా ఉండండి. (స్త్రీలు స్త్రీలకు సేవచేయుట ఉత్తమము) *ఫిలేమోను 1:13* 7️⃣బలవంతముగా కాక, ఇష్టపూర్వకముగా సేవ చేయుడి. *(1పేతురు 5:2)* 8️⃣పెత్తనము చేయకుండా ప్రేమతో మందను కాయుడి. *1పేతురు 5:3*