ഡിററക്ടീവ് ബാററൺബോസ് (74) അപ്പോഴേയ്ക്കും സ്പീഡ് ബോട്ടുകൾ ചേർന്ന് കപ്പലിൻ്റെ അധികാര പരിധിയിൽ നിന്നും ചാക്ക് കെട്ട് ഏറ്റുവാങ്ങി, വിശാഖപ്പട്ടണത്ത് നിന്നും പോലീസ് ബോട്ട് എത്താൻ കാത്തിരുന്നു. മണിക്കൂറുകൾക്കകം പോലീസ് ബോട്ട് അടുത്തെത്തി. സബ് ഇൻസ്പെക്ടർ ചിരജ്ജീവിയടക്കം പത്ത് പോലീസുകാർ ബോട്ടിലുണ്ടായിരുന്നു. സബ് ഇൻസ്പെക്ടർ ചിരജ്ജീവി ചാക്ക് കെട്ട് സൂക്ഷ്മമായി പരിശോധിച്ച് ശവശരീരമാണെന്ന് ഉറപ്പ് വരുത്തിയ ശേഷം കപ്പലിലെ ക്യാപ്ടനുമായി ഫോണിൽ ബന്ധപ്പെട്ട്, ഇതിൻ്റെ വിശദ വിവരങ്ങളറിയാൻ ക്യാപ്ടനുമായി നേരിട്ട് സംസാരിക്കാൻ കപ്പലിൽ പ്രവേശിക്കാൻ അനുവാദം തേടി. ചില നിമിഷത്തെ കാത്തിരിപ്പിന് ശേഷം സബ് ഇൻസ്പെക്ടർക്ക് കപ്പലിൽ പ്രവേശിക്കാൻ അനുവാദം നൽകപ്പെട്ടു. തുടർന്ന് സബ് ഇൻസ്പെക്ടർ ചിരജ്ജീവിയെ കപ്പലിൽ കയററാനുളള ശ്രമമായി. കപ്പലിൽ നിന്നും ഒരു രക്ഷാബോട്ട് ഇറക്കി കൊടുക്കാം... പക്ഷേ പോലീസിൻ്റെ ബോട്ടിൽ നിന്നും രക്ഷാ ബോട്ടിൽ കയറണമെങ്കിൽ രണ്ട് ബോട്ടും അത്രത്തോളം ചേർത്ത് നിർത്താൻ കഴിയില്ല. രക്ഷാ ബോട്ടിനെ കൂററൻ ഇരുമ്പ് വടത്തിൽ കൊളുത്തി ക്രെയിനിൻ്റെ സഹായത്തോടെയാണ് ഇറക്കേണ്ടത്. അപ്പോൾ പോലീസ് ബോട്ടിന് സമീപത്തൊങ്ങും വരാൻ കഴിയില്ല. കപ്പലിൽ നിന്നും കയർ എറിഞ്ഞു കൊടുത്ത് , കയറിൽ തൂങ്ങി കപ്പലിൻ്റെ ഡക്കിൽ കയറുന്നത് പോലീസ് ഇൻസ്പെക്ടർക്ക് പ്രായോഗികമല്ലാത്തതും, അതീവ അപകടകരവുമായതിനാലും പോലീസ് ബോട്ടിനെ തന്നെ ക്രെയിൻ ഉപയോഗിച്ച് കപ്പലിൽ കയററാൻ ധാരണയായി. അതേത്തുടർന്ന് ദീർഘ നേരത്തെ പരിശ്രമത്തിനൊടുവിൽ പോലീസ് ബോട്ടിനെ ക്രെയിനിൽ കൊളുത്തി ഉയർത്തി ഡക്കിൽ എത്തിച്ചു. സബ് ഇൻസ്പെക്ടർ ചിരജ്ജീവിയും അഞ്ച് പോലീസുകാരും ക്യാപ്ടൻ്റെ കേബിനിൽ പ്രവേശിച്ചു. കേബിനിൽ രണ്ട് ക്യാപ്ടന്മാർ ഉണ്ടായിരുന്നു. സബ് ഇൻസ്പെക്ടർ ചിരഞ്ജീവി ചോദ്യം ചെയ്യൽ ആരംഭിച്ചു: "നിങ്ങൾ എങ്ങനെയാണ് ഈ ചാക്ക് കെട്ട് കണ്ടത്? ചാക്കിൽ ശവമാണെന്ന് നിങ്ങൾക്ക് എങ്ങനെ മനസ്സിലായി?" (തുടരും) #📔 കഥ #📙 നോവൽ #🍲 ഇന്നത്തെ രുചി #🍔 രുചി #🕵️‍♀️ കുറ്റാന്വേഷണ കഥകൾ