ആംബുലൻസ്...(45) "അപ്പോൾ താൻ പ്രഭാകരൻ തന്നെയാണ്... സത്യം പറയെടോ...ഈ പ്രതാപൻ തൻ്റെ അനുജനല്ലേ? തൻ്റെ അനുജൻ്റെ Documents അല്ലേ ഇതൊക്കെ?" "അതിന് സാറിനെ ആരാ Documents ചെക്ക് ചെയ്യാൻ പഠിപ്പിച്ചത്? സാറിന് ഒരാളുടെ Documents ചെക്ക് ചെയ്യാൻ അറിയുമോ? അതോ ഇനി അത് ഞാൻ സാറിനെ പഠിക്കണോ? ആദ്യം എൻ്റെ ആധാറിലെ ഫോട്ടോയും എന്നേയും നോക്ക് സാറേ... എന്നിട്ട് തീരുമാനിക്ക്... ഞാൻ പ്രഭാകരനാണോ പ്രതാപനാണോന്ന്..." "എന്നാൽ താൻ ഞങ്ങളോടൊപ്പം സ്റ്റേഷനിലോട്ട് വാ... അവിടെ വെച്ച് തീരുമാനിക്കാം താൻ പ്രഭാകരനാണോ പ്രതാപനാണോയെന്ന്... തൻ്റെ ആധാറിലെ ഫോട്ടോ കണ്ടാൽ തന്നെ എങ്ങനെയാടോ മനസിലാകുന്നത്... അത് പ്രേതം പോലെയല്ലേ ഇരിക്കുന്നത്..." "ഇപ്പോ സാറിന് മനസിലായില്ലേ സാറേ?" "എന്തോന്ന്?" "എൻ്റെ ആധാറിലെ ഫോട്ടോ പ്രേതം പോലെയാണ് ഇരിക്കുന്നതെന്ന്?" "എടോ...തൻ്റെ വിളച്ചിലൊന്നും ഇങ്ങോട്ട് എടുക്കണ്ട...തൻ്റെ സംസാരം കേട്ടാലേ അറിയാം താൻ പ്രഭാകരനാണെന്ന്...താൻ ടയറ് മാററിയോ?" "യെസ് സർ... അതൊക്കെ എപ്പഴേ റെഡി..." "എന്നാൽ താൻ ആംബുലൻസ് നേരെ സ്റ്റേഷനിലേക്ക് വിട്ടോ..." "അയ്യേ സാറേ... ഞാൻ റെയിൽവേ സ്റ്റേഷനിലേക്കല്ല..." "എടോ തന്നെ ഞാൻ ഇവിടെ ഇട്ട് ഇടിക്കും...നേരെ പോലീസ് സ്റ്റേഷനിലേക്ക് വിട്ടോ". "എന്തിനാ സർ ഞാൻ സ്റ്റേഷനിലേക്ക് വിടുന്നത്?" "താൻ പ്രഭാകരനാണ്... തൻ്റെ സംസാരം കേട്ടാലേ അറിയാം...ഒരു കളള ലക്ഷണമുണ്ട്... താൻ വണ്ടി വിടുന്നോ അതോ തന്നെ അറസ്റ്റ് ചെയ്തത് കേററണോ?" "ഞാൻ വണ്ടി വിട്ടോളാം..." "എന്നാൽ നേരെ പോലീസ് സ്റ്റേഷനിലേക്ക് വിട്..." "സാറേ...ആള് മാറി പിടിച്ചാൽ പണി പാളും..." "പാളെട്ടെടോ... താൻ വണ്ടി വിട്..." പ്രഭാകരൻ ആംബുലൻസ് നേരെ പോലീസ് സ്റ്റേഷനിലേക്ക് വിട്ടു... സബ് ഇൻസ്പെക്ടർ ഗോപിനാഥും ആനന്ദനും പിൻതുടർന്നു... (തുടരും) #📔 കഥ #📙 നോവൽ #🧟 പ്രേതകഥകൾ! #🍲 ഇന്നത്തെ രുചി #🕵️‍♀️ കുറ്റാന്വേഷണ കഥകൾ