ਧੰਨ ਧੰਨ ਧੰਨ ਪਿਆਰੇ ਬਾਬਾ ਈਸ਼ਰ ਸਿੰਘ ਜ਼ੀ ਮਹਾਰਾਜ਼....ਕਈ ਵਾਰ ਅਜੀਬ ਜਿਹੇ ਸਵਾਲ ਲੈ ਕੇ ਕਈ ਵੀਰ ਬਾਬਾ ਜੀ ਕੋਲ ਆ ਜਾਂਦੇ, ਪਰ ਗਰੀਬ ਨਿਵਾਜ਼ ਬਾਬਾ ਜੀ ਸਵਾਲ ਕਰਨ ਵਾਲੇ ਦੀ ਬੜੇ ਸਾਦੇ ਤੇ ਸਿੱਧੇ ਜਿਹੇ ਤਰੀਕੇ ਨਾਲ ਤਸੱਲੀ ਕਰਾਉਂਦੇ ਸਨ ਕਿ ਵੱਡੇ ਤੋਂ ਵੱਡਾ ਵਿਦਵਾਨ ਵੀ ਸਿਰ ਨਿਵਾਂ ਦਿੰਦਾ ਸੀ| ਇੱਕ ਦਿਨ ਇੱਕ ਨੀਲੀ ਦਸਤਾਰ ਵਾਲੇ ਵੀਰ ਨੇ ਸਵਾਲ ਕਰ ਦਿੱਤਾ ਕਿ "ਕੀ ਗੁਰੂ ਗ੍ੰਥ ਸਾਹਿਬ ਤੋਂ ਬਿਨਾਂ ਕਿਸੇ ਹੋਰ ਨੂੰ ਮੱਥਾ ਟੇਕਣਾ ਚਾਹੀਦਾ ਹੈ ਕਿ ਨਹੀਂ?" ਬਾਬਾ ਜੀ ਨੇ ਪੁੱਛਿਆ ਕਿ "ਤੂੰ ਟੇਕਦਾ ਹੈਂ ਕਿ ਨਹੀਂ ?" .....ਉਹ ਕਹਿਣ ਲੱਗਾ "ਨਹੀਂ ਜੀ ਮੈਂ ਤਾਂ ਨਹੀਂ ਟੇਕਦਾ|" ...ਬਾਬਾ ਜੀ ਹੱਸ ਪਏ ਤੇ ਬੋਲੇ, "ਅਜੇ ਤਾਂ ਕੱਲ਼ ਹੀ ਕਿਸੇ ਦੁਨੀਆਂਦਾਰ ਦੀ ਦਹਿਲੀਜ਼ ਦੀ ਮਿੱਟੀ ਚੱਟਦਾ ਆਇਆ ਏਂ੍ ਫੋਕੀ ਚੌਧਰ ਲਈ ਤੇ ਉਹ ਮਿਲੀ ਵੀ ਨਹੀਂ"| ....ਉਹ ਹੱਕਾ-ਬੱਕਾ ਰਹਿ ਗਿਆ, ਜਿਵੇਂ ਕਈ ਦਿਨ ਚੇਵੀ ਘੰਟੇ ਉਸਦਾ ਪਿੱਛਾ ਕਰਦੇ ਰਹੇ ਹੋਣ| ਉਹ ਬੜਾ ਸ਼ਰਮਸਾਰ ਹੋਇਆ, ਪਰ ਫੇਰ ਵੀ ਅਦਬ ਵਿੱਚ ਆ ਕੇ ਇੱਕ ਹੋਰ ਸਵਾਲ ਕਰ ਦਿੱਤਾ, "ਪਰ ਬਾਬਾ ਜੀ ਆਪ ਨੂੰ ਇਹ ਸਾਰਾ ਕਿਵੇਂ ਪਤਾ ਲੱਗਾ ਏ ?"......ਬਾਬੇ ਮੁਸਕਰਾ ਪਏ ਤੇ ਬੋਲੇ, "ਇਹ ਗੁਰੂ ਨਾਨਕ ਦੀ ਸੀ.ਆਈ.ਡੀ ਛੱਡੀ ਹੋਈ ਏ, ਜੋ ਲੋਕਾਂ ਦੇ ਦਿਲ ਫੋਲ ਲਿਆਉਂਦੀ ਏ|" ਬਾਬਾ ਜੀ ਨੇ ਫਿਰ ਕਿਹਾ "ਘਬਰਾ ਨਾ ਬੰਦਾ ਸਮਰੱਥ ਨਹੀਂ ਹੁੰਦਾ| ਆਪ ਤੋਂ ਸੱਜੇ ਵਾਲੇ(ਸੀਨੀਅਰ) , ਉੱਤਮ ਦਾ ਅਦਬ ਕਰਨਾ ਹੀ ਬਣਦਾ ਏ| ਸਤਿਗੁਰੂ ਤਾਂ ਇਉਂ ਫੁਰਮਾਉਂਦੇ ਹਨ: ਜਨ ਨਾਨਕ ਧੂੜ ਮੰਗੇ ਤਿਸ ਗੁਰ ਸਿਖ ਕੀ ਜੋ ਆਪਿ ਜਪੈ ਅਵਰਹ ਨਾਮੁ ਜਪਾਵੈ||.....ਇੱਕ ਹੋਰ ਬੋਲਿਆ, "ਜੀ ਉਸਦੀ ਪੂਜਾ ਤਾਂ ਨਹੀਂ ਕਰਨੀ ਚਾਹੀਦੀ|"....ਬਾਬਾ ਜੀ, "ਉਹ ਗੁਰਸਿੱਖ ਪੂਜਾ ਕਰਵਾਏਗਾ ਨਹੀਂ, ਪਰ ਉਸਦੀ ਪੂਜਾ ਹੋਵੇਗੀ ਜ਼ਰੂਰ| ਇਹ ਅਕਾਲ ਪੁਰਖ ਦਾ ਫੈਸਲਾ ਹੈ ਕਿ ਜੋ ਗੁਰੂ ਨਾਨਕ ਨੂੰ ਸਾਕਸ਼ਾਤ ਰੱਬ, ਅਕਾਲ-ਪੁਰਖ ਜਾਣ ਕੇ ਪੂਜੇਗਾ, ਜਗਤ ਵਿੱਚ ਉਸਦੀ ਪੂਜਾ ਅਕਾਲ-ਪੁਰਖ ਕਰਵਾਉਣਗੇ.. #🇮🇳 ਦੇਸ਼ ਭਗਤੀ ਵੀਡਿਓਜ਼ #🙏ਸ਼੍ਰੀ ਗੁਰੂ ਨਾਨਕ ਦੇਵ ਜੀ