#📲मेरा पहला पोस्ट😍 काळेपडळ पोलिसांची धडाकेबाज कारवाई : ५.२३ लाखांची हातभट्टी दारू जप्त पुणे : काळेपडळ पोलीस ठाण्याच्या तपास पथकाने अवैध हातभट्टी दारू विक्री करणाऱ्या इसमावर मोठी कारवाई करत तब्बल ५ लाख २३ हजार रुपयांचा मुद्देमाल जप्त केला आहे. या कारवाईत २४५० लिटर गावठी हातभट्टी दारूसह चारचाकी वाहन ताब्यात घेण्यात आले आहे. दि. २४ मे २०२६ रोजी काळेपडळ पोलीस ठाण्याचे तपास पथक परिसरात अवैध धंद्यांवर कारवाईसाठी पेट्रोलिंग करत होते. यावेळी पोलीस अंमलदार नितीन ढोले आणि गिरीराज जगदाळे यांना बातमीदारामार्फत माहिती मिळाली की, गणपती मंदिरामागे, सातवनगर, हांडेवाडी रोड परिसरातील मोकळ्या जागेत एक इसम चारचाकी वाहनात गावठी हातभट्टी दारूचा साठा करून विक्री करत आहे. ही माहिती सपोनि अमित शेटे यांनी वरिष्ठ पोलीस निरीक्षक मानसिंग पाटील यांना दिल्यानंतर तात्काळ छापेमारीचे आदेश देण्यात आले. त्यानुसार पोलिसांनी दोन #news #जगदीशपुर न्यूज़ पंचांसह घटनास्थळी छापा टाकला असता सुनिल हरि कचरायत (वय ५०, रा. गणपती मंदिराजवळ, सातवनगर, हांडेवाडी रोड, पुणे) याला ताब्यात घेतले. पोलिसांनी परिसरातील झाडाझुडपात आणि सेंट्रो कार (एमएच १२ डीएस ४०८०) मध्ये ठेवलेले ७० प्लास्टिक ड्रममधील एकूण २४५० लिटर हातभट्टी दारू जप्त केली. या कारवाईत एकूण ५,२३,००० रुपयांचा मुद्देमाल हस्तगत करण्यात आला आहे. याप्रकरणी काळेपडळ पोलीस ठाण्यात गुन्हा रजिस्टर नं. २३८/२०२६ अन्वये महाराष्ट्र दारुबंदी अधिनियम कलम ६५ (ई), (ड) अंतर्गत गुन्हा दाखल करण्यात आला असून पुढील तपास सहाय्यक पोलीस निरीक्षक अमित शेटे करत आहेत. ही कारवाई पोलीस उपायुक्त जीवन बेनीवाल, सहाय्यक पोलीस आयुक्त अतुल नवगिरे यांच्या मार्गदर्शनाखाली वरिष्ठ पोलीस निरीक्षक मानसिंग पाटील यांच्या सूचनेनुसार तपास पथकाने यशस्वीरीत्या पार पाडली.