"ഇതാണ് ആ തെരുവ് നായ"
ഒരു നായയാണ് ഇപ്പോൾ ആ നാട്ടിലെ (പത്തപ്പിരിയം, എടവണ്ണ, മലപ്പുറം ജില്ല)
പ്രധാന ചർച്ചാവിഷയം. കുറഞ്ഞ ദിവസം കൊണ്ടവൻ നാട്ടുകാരുടെ കണ്ണിലുണ്ണിയായി മാറിക്കഴിഞ്ഞു. ഉന്നത കുലജാതനൊന്നുമല്ല അവൻ. നമ്മൾ ശത്രുവായി കാണുന്ന തെരുവുനായ്ക്കളുടെ കൂട്ടത്തിൽപ്പെട്ട ഒരു സാധാരണ നായ. എങ്ങനെയാണവൻ നാട്ടിലെ സ്റ്റാറായത് എന്നല്ലെ?
ഇക്കഴിഞ്ഞ ശനിയാഴ്ച (18 4 2026) പരേതനായ വലിയ പീടിയക്കൽ അലവിക്കുട്ടിക്കയുടെ ഭാര്യ ആമിനതാത്ത മരണപ്പെട്ടു. തീർത്തും ആകസ്മികമായ ഒരു മരണം. മകളുടെ വീട്ടിലേ ക്ക് വിരുന്നു പോയിരുന്ന ആമിനത്ത ശനിയാഴ്ച വൈകുന്നേരം മരുമകൻ്റെ കൂടെ തിരിച്ച് വീട്ടിലേക്ക് മടങ്ങി. തിരക്ക് കാരണം ഉമ്മയെ ഗേറ്റിന്നരികിൽ ഇറക്കി മരുമകൻ മടങ്ങിപ്പോയി. പക്ഷേ, വിധി അവർക്കായി കരുതിവച്ചിരുന്നത് മറ്റൊന്നായിരുന്നു. ഗേറ്റിൽ നിന്നും വീട് വരെ നടന്നെത്താൻ വിധി അവരെ അനുവദിച്ചില്ല. വീട്ടിലേക്ക് കയറുന്നതിന് മുമ്പായ് അവർ കുഴഞ്ഞു വീണു.
ഉമ്മയെ സുരക്ഷിതമായി വീട്ടു പടിക്കൽ ഇറക്കിവിട്ട മരുമകനൊ വീട്ടിലുള്ളവരൊ ഇക്കാര്യം അറിഞ്ഞില്ല. ഈ സമയത്താണ് ഞാൻ നേരത്തെ സൂചിപ്പിച്ച തെരുവ് നായ അവിടെ എത്തുന്നതും വീണു കിടക്കുന്ന ആമിനത്തയെ കാണുന്നതും. നായ അവിടെനിന്ന് അസാധാരണമായി കുരച്ചു ബഹളം വെച്ച് അങ്ങോട്ടുമിങ്ങോട്ടും ഓടുന്നത് ശ്രദ്ധയിൽ പെട്ട വീട്ടുകാരും അയൽവാസികളും ഓടി വന്നപ്പോഴാണ് ഇത്ത വീണു കിടക്കുന്നത് കണ്ടത്. ഉടൻ ആശുപത്രിയിലെത്തിച്ചെങ്കിലും അപ്പോഴേക്കും മരണം സംഭവിച്ചു കഴിഞ്ഞിരുന്നു.
തുടർന്നങ്ങോട്ടുള്ള ദിവസങ്ങളിലാണ് നായ ശ്രദ്ധാ കേന്ദ്രമാവുന്നത്. മയ്യത്ത് പള്ളിയിലേക്കെടുത്തപ്പോൾ ഖബർസ്ഥാൻ വരെ അനുഗമിച്ച നായ കബറടക്കം കഴിഞ്ഞ് വീട്ടുകാർ മടങ്ങിപോരുന്നത് വരെ ഖബർ സ്ഥാനിൽ നിലയുറപ്പിച്ചു.
മാത്രവുമല്ല ഇക്കഴിഞ്ഞ മൂന്നു ദിവസമായി ഓരോ പ്രാവശ്യവും മക്കളും പേരമകക്കളും പള്ളിയിൽ വരുമ്പോൾ അവരുടെ കൂടെ വന്ന് പള്ളി ഖബർസ്ഥാനിൽ ആമിനത്തയുടെ ഖബറിനെ ചുറ്റിപ്പറ്റി നിൽക്കുകയും
ഖബർ സന്ദർശനം കഴിഞ്ഞു വീട്ടുകാർ മടങ്ങുന്നത് വരെ അവിടെത്തന്നെ തുടരുകയും ചെയ്യുന്നു!
ആമിനത്ത വളർത്തുന്ന നായയൊന്നുമല്ലയിത്. എന്നിട്ടുമെന്തേ ഇങ്ങനെ?
വളർത്തു നായയല്ലെങ്കിലും സ്ഥിരമായി അവർ ഈ നായക്ക് ഭക്ഷണം കൊടുക്കാറുണ്ടായിരുന്നുവത്രെ!
അതിനുള്ള നന്ദിയാണ് ആ നായ കാണിക്കുന്നത്
ആരുമറിയാതെ, തിരിച്ചൊന്നും പ്രതീക്ഷിക്കാതെ, അവർ ചെയ്ത ഈ മഹത് കർമ്മം അവരുടെ സ്വർഗ പ്രവേശനത്തിന് നിമിത്തമാകട്ടെ എന്ന് പ്രാർത്ഥിക്കുന്നു 🤲 #☪ അല്ലാഹു #🛐 മുത്ത്നബി #🕋 ഇസ്ലാമിക് സ്റ്റാറ്റസ് 🟢 #❤️Ishq Mubarak #🕋 ഇസ്ലാമിക് സ്റ്റാറ്റസ്
