ସୁନ୍ଦରଗଡ଼ ଚାନ୍ଦିପୋଷ ଥାନା ମୂଷାବିରା ନିକଟରେ ବସ୍ -ଟ୍ରେଲର ଦୁର୍ଘଟଣାରେ ମୃତ୍ୟୁସଂଖ୍ୟା ୪କୁ ବଢିଛି । ୨୦ରୁ ଅଧିକ ଗୁରୁତର ଅଛନ୍ତି । ରାଉରକେଲାରୁ ଯାଜପୁର ଟାଉନ ଯାଉଥିବା ଯାତ୍ରୀବାହୀ ବସ୍ ଦୁର୍ଘଟଣା । ଡିଭାଇଡର ଡେଇଁ ଅପରପାର୍ଶ୍ଵରେ ଯାଉଥିବା ଟ୍ରେଲରକୁ ପିଟିଥିଲା ବସ୍ । ପ୍ରମିଳା କୋଚ ନାମକ ଏକ ଘରୋଇ ବସ୍ ୧୪୩ ନମ୍ବର ଜାତୀୟ ରାଜପଥର ଚାନ୍ଦିପୋଷ ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲା ।  ଦୁର୍ଘଟଣା ଏତେ ଭୟଙ୍କର ଥିଲା ଯେ ଏକ କିଲୋମିଟର ପର୍ଯ୍ୟନ୍ତ ଶୁଭିଥିଲା ପ୍ରଚଣ୍ଡ ଶବ୍ଦ । ଦୁର୍ଘଟଣା ଯୋଗୁ ଘଟଣାସ୍ଥଳରେ ସ୍ଥାନୀୟ ଲୋକଙ୍କ ଭିଡ଼ ଜମିଥିଲା ।  ଘଟଣାସ୍ଥଳରେ ୩ ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ କରିଥିଲେ । ଦୀର୍ଘ ସମୟ ଧରି ଚାଳକ ଚାପି ହୋଇ ରହିଥିବାରୁ ତାଙ୍କୁ ଗ୍ୟାସ୍ କଟର ସାହାଯ୍ଯରେ କାଟି ଉଦ୍ଧାର କରାଯାଇଛି ।  ଏଥିରେ ଚାଳକଙ୍କ ମୃତ୍ୟୁ ହୋଇଛି ।ସେହିଭଳି ଟ୍ରକ ଡ୍ରାଇଭର ମଧ୍ୟ ଚାପି ହୋଇ ପ୍ରାଣ ହରାଇଛନ୍ତି । ସେପଟେ ୨୦ ଜଣ ଆହତ ହୋଇଥିବା ବେଳେ ସମସ୍ତଙ୍କୁ ଉଦ୍ଧାର କରି ରାଉରକେଲା ଓ ଲହୁଣିପଡ଼ା ର ବିଭିନ୍ନ ମେଡିକାଲରେ ଭର୍ତ୍ତି କରାଯାଇଛି ।  ପ୍ରତ୍ୟକ୍ଷଦର୍ଶିଙ୍କ କହିବା ମୁତାବକ ଅତ୍ୟନ୍ତ ଦ୍ରୁତଗତିରେ ଥିବା ବସ ରାସ୍ତା ଖରାପ ଯୋଗୁଁ ଭାରସାମ୍ୟ ହରାଇ ଦୁର୍ଘଟଣା ର ଶିକାର ହୋଇଛି ।  କିନ୍ତୁ ବସ ଯାତ୍ରୀ ଚାଳକ କ୍ୟାବିନ୍ ରୁ ପ୍ରବଳ ପାଟିତୁଣ୍ଡ ଶୁଣା ଯିବା ପରେ ବିସ୍ଫୋରଣ ଭଳି ଶବ୍ଦ ଶୁଭିଲା  । ଜାଣିବା ପୂର୍ବରୁ ସେମାନେ ଆହତ ହୋଇ ସାରିଥିଲେ ।  ଆହତଙ୍କ ମଧ୍ୟରେ ୪ ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି । #🌃କାଳରାତିରେ ଘଟିଲା ବଡ଼ ଦୁର୍ଘଟଣା🚨