*"బడి పిలుస్తుంది" - "నేస్తం ప్రభుత్వ బడికి రా"*
*----------------------------------------*
*"బడి పిలుస్తుంది" కార్యక్రమంలో భాగంగా, ఐనపూరు జిల్లాపరిషత్ ఉన్నత పాఠశాల ప్రధానోపాధ్యాయులు మరియు ఉపాధ్యాయ సిబ్బంది కలిసి పరిసర గ్రామాలలో నివసిస్తున్న విద్యార్థుల యొక్క ఇళ్ళకు వెళ్ళి వారి తల్లిదండ్రులతో మాట్లాడి, ప్రభుత్వ పాఠశాలలో పిల్లలను చేర్పించాలని కోరారు. ప్రభుత్వ పాఠశాలలో అమలు జరుగుతున్న సంక్షేమ పథకాల గురించి వివరించి, నాణ్యమైన విద్య పొందాలంటే ప్రభుత్వ పాఠశాలల్లోనే తమ పిల్లలను చేర్పించాలని తెలియజేశారు. ప్రైవేటు పాఠశాలల్లో చదువుతున్న విద్యార్థుల ఇళ్లకు కూడా వెళ్లి తల్లిదండ్రులతో మాట్లాడి, ప్రభుత్వ పాఠశాలలోనే తమ పిల్లలను చదివించడానికి అనుకూలంగా ప్రభుత్వ బడి యొక్క గొప్పతనాన్ని తెలియజేసి, ప్రభుత్వ విద్యపై అవగాహన కలిగించారు. ప్రభుత్వ పాఠశాలల్లో కూడా పూర్తిగా ఇంగ్లీష్ మీడియం లోనే విద్యాబోధన జరుగుతుందని, కార్పొరేట్ పాఠశాలలకు ధీటుగా ప్రభుత్వ పాఠశాల విద్యార్థులు కూడా మంచి ఉన్నత ర్యాంకులు సాధిస్తున్నారని, అత్యుత్తమ మార్కులు సాధించి అగ్రస్థానంలో నిలుస్తున్నారని తెలియజేశారు. పాఠశాలలో అమలు చేస్తున్న వివిధ కార్యక్రమాల గురించి వివరించారు. గౌరవ రాష్ట్ర విద్యాశాఖామంత్రి శ్రీ నారా లోకేష్ గారు అమలు చేస్తున్న అనేక మంచి కార్యక్రమాల వల్ల తల్లిదండ్రులందరూ ప్రభుత్వ పాఠశాలలపై మక్కువ చూపిస్తున్నారని, ఎక్కువగా ఆకర్షితులవుతున్నారని, తమ పిల్లలను ఇక నుండి ప్రభుత్వ పాఠశాలల్లోనే చదివిస్తామని అంటున్నారని, విద్యార్థుల తల్లిదండ్రులందరూ ప్రభుత్వ పాఠశాలలపై సానుకూలంగా స్పందిస్తున్నారని ప్రధానోపాధ్యాయులు తమ్మన వేణుగోపాలరావు తెలియజేశారు. ఈకార్యక్రమంలో ఉపాధ్యాయులతో పాటుగా పాఠశాల ఎస్ఎంసి కమిటీ సభ్యులు మరియు గ్రామస్తులు పాల్గొన్నారు.*
#🙆 Feel Good Status #🙏స్ఫూర్తి కవితలు #😎ఆటిట్యూడ్ కోట్స్ #😃మంచి మాటలు #🙏Thank you😊
