എന്റെ ജീവിത സാഹചര്യങ്ങളെ ഞാൻ ഒറ്റയ്ക്ക് നേരിടാൻ പഠിച്ചവനാണ്, അതുകൊണ്ട് എന്നെ അത്ര എളുപ്പമൊന്നും വീഴ്ത്താനോ പരാജയപ്പെടുത്താനോ സാധിക്കില്ല 🫣 വിരസമായ ജീവിതത്തിൽ ചെറിയൊരാശ്വാസം എന്ന നിലയ്ക്കാണ് പലരും ഈ വേദി ഉപയോഗിക്കുന്നത്. പക്ഷെ, വന്ന് കുറച്ചുദിവസങ്ങൾക്കുള്ളിൽ തന്നെ സൗഹൃദങ്ങൾക്കിടയിൽ നിന്ന് ഒരുറ്റ സുഹൃത്തിനെ കണ്ടെത്തും. അതോടുകൂടി ആ ഉറ്റ സുഹൃത്തിന്റെ ഇഷ്ടങ്ങൾക്കനുസരിച്ചു സ്വന്തം ഇഷ്ടങ്ങൾ മറ്റേണ്ടതായി വരും. മറ്റു സുഹൃത്തുക്കളുടെ പോസ്റ്റിൽ പോകാനുള്ള അനുമതി, കമന്റുകൾ ഇടേണ്ട രീതി, ആർക്കൊക്കെ മറുപടി കൊടുക്കാം, എവിടെയൊക്കെ പോകാൻ പാടില്ല എന്നുവേണ്ടാ സർവവും ആ ഉറ്റ സുഹൃത്തിന്റെ ആഗ്രഹങ്ങൾക്കനുസരിച്ച് മാറ്റേണ്ടി വരും. ഇവിടെ എടുത്തുപറയേണ്ട ഒരു കാര്യം എന്താണെന്നു വച്ചാൽ നിയന്ത്രണങ്ങൾ ഏർപ്പെടുത്തുന്ന ആ ഉറ്റ സുഹൃത്ത്, SC അങ്ങോളമിങ്ങോളം ഓടിനടക്കുന്നതും കാണാം🤣 ഒരാളുടെ സ്വാതന്ത്ര്യം കൊണ്ടുപോയി മറ്റൊരാളുടെ കയ്യിൽ കൊടുത്തിട്ട് ആ ഒരാൾ ചെറിയ കാരണങ്ങൾ ഉണ്ടാക്കി പടിയിറങ്ങിപ്പോകുകയും ചെയ്യും. അപ്പോഴാണ് ശരിക്കും ഒറ്റപ്പെടൽ എന്താണെന്നു അറിയുന്നതും മൗനം കൂട്ടിനു വരുന്നതും. എന്റെ പോസ്റ്റിൽ ഒരുദിവസത്തേക്കുമാത്രമായി വരുന്നവർ ആണെങ്കിൽ കൂടി അവരൊക്കെ എന്റെ അഥിതികൾ ആണ്, എല്ലാവരെയും ഒരുപോലെ മാത്രമേ കാണുകയും ഉള്ളൂ. രണ്ടുമൂന്നു ദിവസം വന്ന ചിലരെ കാണാതാവുമ്പോൾ എന്നവരുടെ അക്കൗണ്ട് വരെ പോയി നോക്കാറും ഉണ്ട്. ചിലർ പൂർണവിരാമമിട്ടു തന്നെ പോകാറുണ്ട്, കാരണങ്ങൾ ഏതുമറിയാതെ നമ്മൾ ഒന്ന് പകച്ചു നിന്നുപോകും. പക്ഷെ യഥാർത്ഥ കാരണം മേലെപ്പറഞ്ഞ ആ ഉറ്റ സുഹൃത്തുക്കളുടെ ആജ്ഞ അനുസരിക്കുന്നു എന്നത് മാത്രമാണ് 😊 എനിക്കതിൽ യാതൊരുവിധ പരാതികളോ പരിഭവങ്ങളോ ഇല്ല എന്ന് ഞാനിവിടെ കുറിക്കട്ടെ! ഒഴിഞ്ഞുകിടക്കുന്ന കമെന്റ് ബോക്സുകൾ ഉള്ളിടത്തോളം കാലം ഞാൻ ഒറ്റയ്ക്കാവില്ല. അവിടങ്ങളിലൊക്കെ ചെന്ന് ഞാനെന്റെ സാന്നിധ്യം അറിയിക്കും 🤣 കാരണം എന്റെ നേതാവും എന്റെ പടയാളികളും ഞാൻ തന്നെയാണ്!!🙏 #💓 ജീവിത പാഠങ്ങള്‍ #😔 ഇമോഷണൽ സ്റ്റാറ്റസ് 😍 #🙋‍♀️ എൻ്റെ സ്റ്റാറ്റസുകൾ #💭 എന്റെ ചിന്തകള്‍ #❤ സ്നേഹം മാത്രം 🤗