📖നേർവായന എപ്പിസോഡ് :1414 ഇന്നത്തെ വിഷയം: ഫിത്‌നകളെ അതിജീവിക്കാനുള്ള 5 മാനദണ്ഡങ്ങൾ ◼️ ഭാഗം - 02 (അവസാന ഭാഗം) ➖➖➖➖➖➖➖➖➖➖ 🔲5. ഫിത്‌നകളെ പ്രതിരോധിക്കാനും അവയുടെ തിന്മകളിൽ നിന്ന് അകന്നുനിൽക്കാനും നിർബന്ധമായും ശ്രദ്ധിക്കേണ്ട മഹത്തായ മറ്റൊരു മാനദണ്ഡം: അറിവിൽ ആഴമുള്ള പണ്ഡിതന്മാരിൽ നിന്നും യാഥാർത്ഥ്യം വേർതിരിച്ചറിയുന്ന പണ്ഡിതന്മാരിൽ നിന്നും അറിവ് സ്വീകരിക്കുക എന്നതാണ്. ➖➖➖➖➖➖➖➖ Join Our WhatsApp Group: https://qr1.be/4M9V ➖➖➖➖➖➖➖➖ മറിച്ച്, അറിവ് നേടുന്നതിൽ തുടക്കക്കാരായവരിൽ നിന്നും, അറിവ് സമ്പാദിക്കുന്നതിൽ കുറഞ്ഞ വിഹിതം മാത്രം ലഭിച്ചവരിൽ നിന്നും അറിവ് തേടുന്നത് ഒഴിവാക്കേണ്ടതുമാണ്. കാരണം നബി ﷺ അരുളിയിട്ടുണ്ട്: الْبَرَكَةُ مَعَ أَكَابِرِكُمْ ബറക്കത്ത് (അനുഗ്രഹം) നിങ്ങളിലെ മുതിർന്നവരോടൊപ്പമാകുന്നു. [رواه ابن حبان (559) – الصحيحة) (1778)] ➖➖➖➖➖➖➖➖ Subscribe Our YouTube Channel: https://www.youtube.com/c/WisdomMediaChannel ➖➖➖➖➖➖➖➖ അറിവിൽ പാദങ്ങൾ ഉറച്ചവരും, അത് നേടിയെടുക്കുന്നതിൽ ദീർഘകാലം ചെലവഴിച്ചവരുമായ മുതിർന്ന പണ്ഡിതന്മാരുടെ കൂടെയാണ് ബറക്കത്ത് (അനുഗ്രഹം) ഉള്ളത്. അല്ലാഹു നൽകിയ അറിവ്, ഹിക്മത്ത്, ശാന്തത, സാവകാശം, കാര്യങ്ങളുടെ പരിണതഫലങ്ങളെക്കുറിച്ച് ചിന്തിക്കാനുള്ള കഴിവ് എന്നിവയിലൂടെ ഉമ്മത്തിനിടയിൽ ഉന്നതമായ സ്ഥാനം നേടിയവരാണവർ. ഇത്തരക്കാരിൽ നിന്നാണ് അറിവ് സ്വീകരിക്കാൻ നമ്മോട് കൽപ്പിക്കപ്പെട്ടിരിക്കുന്നത്. അല്ലാഹു പറഞ്ഞു: وَإِذَا جَآءَهُمْ أَمْرٌ مِّنَ ٱلْأَمْنِ أَوِ ٱلْخَوْفِ أَذَاعُوا۟ بِهِۦ ۖ وَلَوْ رَدُّوهُ إِلَى ٱلرَّسُولِ وَإِلَىٰٓ أُو۟لِى ٱلْأَمْرِ مِنْهُمْ لَعَلِمَهُ ٱلَّذِينَ يَسْتَنۢبِطُونَهُۥ مِنْهُمْ ۗ وَلَوْلَا فَضْلُ ٱللَّهِ عَلَيْكُمْ وَرَحْمَتُهُۥ لَٱتَّبَعْتُمُ ٱلشَّيْطَٰنَ إِلَّا قَلِيلًا സമാധാനവുമായോ (യുദ്ധ) ഭീതിയുമായോ ബന്ധപ്പെട്ട വല്ല വാര്‍ത്തയും അവര്‍ക്ക് വന്നുകിട്ടിയാല്‍ അവരത് പ്രചരിപ്പിക്കുകയായി. അവരത് റസൂലിന്‍റെയും അവരിലെ കാര്യവിവരമുള്ളവരുടെയും തീരുമാനത്തിന് വിട്ടിരുന്നുവെങ്കില്‍ അവരുടെ കൂട്ടത്തില്‍ നിന്ന് നിരീക്ഷിച്ച് മനസ്സിലാക്കാന്‍ കഴിവുള്ളവര്‍ അതിന്‍റെ യാഥാര്‍ത്ഥ്യം മനസ്സിലാക്കിക്കൊള്ളുമായിരുന്നു. നിങ്ങളുടെ മേല്‍ അല്ലാഹുവിന്‍റെ അനുഗ്രഹവും കാരുണ്യവും ഇല്ലായിരുന്നുവെങ്കില്‍ നിങ്ങളില്‍ അല്‍പം ചിലരൊഴികെ പിശാചിനെ പിന്‍പറ്റുമായിരുന്നു. (ഖു൪ആന്‍:4/83) ആരാണോ ഇത്തരം പണ്ഡിതന്മാരെ ആശ്രയിക്കുന്നത്, അവൻ ഫിത്‌നകളിൽ നിന്ന് സുരക്ഷിതനാവുകയും സ്തുത്യർഹമായ പരിണതഫലം കൈവരിക്കുകയും ചെയ്യും. ➖➖➖➖➖➖➖➖ Like and Follow Our Facebook page: https://www.facebook.com/WisdomMediaChannel/ ➖➖➖➖➖➖➖➖ 6. ഫിത്‌നകളെ ഒഴിവാക്കാൻ പാലിക്കേണ്ട സുപ്രധാനമായ മറ്റൊരു മാനദണ്ഡം: അല്ലാഹുവുമായുള്ള ബന്ധം നന്നാക്കലും അവനോടുള്ള പ്രാർത്ഥനയുമാണ്. തീർച്ചയായും പ്രാർത്ഥന എന്നത് ഇഹലോകത്തെയും പരലോകത്തെയും എല്ലാ നന്മകളുടെയും താക്കോലാണ്. പ്രത്യേകിച്ച്, വെളിവായതും മറഞ്ഞിരിക്കുന്നതുമായ ഫിത്‌നകളിൽ നിന്ന് മുസ്ലിംകളെ സംരക്ഷിക്കാൻ അല്ലാഹുവോട് ചോദിക്കലും, വഴിപിഴപ്പിക്കുന്ന ഫിത്‌നകളിൽ നിന്ന് അവനോട് അഭയം തേടലും അത്യന്താപേക്ഷിതമാണ്. ആരെങ്കിലും അല്ലാഹുവോട് അഭയം തേടിയാൽ അവൻ അവനെ സംരക്ഷിക്കും, ആരെങ്കിലും അവനോട് ചോദിച്ചാൽ അവൻ നൽകും. തീർച്ചയായും തന്നെ വിളിച്ചു പ്രാർത്ഥിക്കുന്ന ഒരു അടിമയെയും അവൻ നിരാശനാക്കുകയോ കൈവെടിയുകയോ ഇല്ല. അല്ലാഹു പറയുന്നു: ﻭَﺇِﺫَا ﺳَﺄَﻟَﻚَ ﻋِﺒَﺎﺩِﻯ ﻋَﻨِّﻰ ﻓَﺈِﻧِّﻰ ﻗَﺮِﻳﺐٌ ۖ ﺃُﺟِﻴﺐُ ﺩَﻋْﻮَﺓَ ٱﻟﺪَّاﻉِ ﺇِﺫَا ﺩَﻋَﺎﻥِ ۖ ﻓَﻠْﻴَﺴْﺘَﺠِﻴﺒُﻮا۟ ﻟِﻰ ﻭَﻟْﻴُﺆْﻣِﻨُﻮا۟ ﺑِﻰ ﻟَﻌَﻠَّﻬُﻢْ ﻳَﺮْﺷُﺪُﻭﻥَ നിന്നോട് എന്റെ ദാസന്‍മാര്‍ എന്നെപ്പറ്റി ചോദിച്ചാല്‍ ഞാന്‍ (അവര്‍ക്ക് ഏറ്റവും) അടുത്തുള്ളവനാകുന്നു (എന്ന് പറയുക.) പ്രാര്‍ത്ഥിക്കുന്നവന്‍ എന്നെ വിളിച്ച് പ്രാര്‍ത്ഥിച്ചാല്‍ ഞാന്‍ ആ പ്രാര്‍ത്ഥനയ്ക്ക് ഉത്തരം നല്‍കുന്നതാണ്‌. അതുകൊണ്ട് എന്റെ ആഹ്വാനം അവര്‍ സ്വീകരിക്കുകയും, എന്നില്‍ അവര്‍ വിശ്വസിക്കുകയും ചെയ്യട്ടെ. അവര്‍ നേര്‍വഴി പ്രാപിക്കുവാന്‍ വേണ്ടിയാണിത്‌. (ഖു൪ആന്‍: 2/186) ➖➖➖➖➖➖➖➖➖ Source: Kanzul uloom #WisdomIslam #wisdomyouth #wisdommedia