MALEY (action thriller 2/4 ) #🎬സിനിമ കോർണർ #💚തനി മലയാളി #📔 കഥ #📝 ഞാൻ എഴുതിയ വരികൾ #🌳 എന്‍റെ നാട്ടിലെ ടൂറിസ്റ്റ് സ്ഥലങ്ങൾ Screenplay by Hibon Chacko ©copyright protected (ഇരുവരും പഴയപോലെ നടത്തം ഒരുമിച്ച് തുടരുന്നു ) രണ്ടാമൻ : (അഭിമാനഭാവം ) “എന്തായാലും കള്ളനല്ല. ആ പരിപാടി ഇവിടെ നടക്കില്ല.” ഒന്നാമൻ: (ആശ്വാസത്തോടെ) “ഹഹ്, അതുശരിയാ. ഈ പ്രദേശത്ത് അതുമാത്രം നടക്കില്ല.” (ഇരുവരും മുന്നോട്ട് നടന്നുപോകുന്നു, ആശ്വാസത്തോടെ) 24.long shot Cut. Scene 6 Ext. ഉള്ളേരിയയിലെ വിജനമായ സ്ഥലം. Day 8am ഒഴിഞ്ഞ വിജനമായ സ്ഥലത്ത് ആരെയോ കാത്തെന്നവിധം ഇരിക്കുകയാണ് മുതിർന്ന ആൾ -അഴിച്ചിട്ടിരിക്കുന്ന മുണ്ട്, വലതുകൈയ്യിൽ ചരട് കാണാം. 25.long shot ആരെയോ കാത്തെന്നവിധം ഇരിക്കുന്ന മുതിർന്നയാളിനെ തേടി യുവാവ് എത്തുകയാണ് -രാവിലെ പണിക്ക് പോകുന്ന രൂപവും ഭാവവും. മുതിർന്നയാൾ വരുന്ന യുവാവിനെ നോക്കുന്നു. യുവാവ് ചെന്ന് മുതിർന്നയാളിന് മുന്നിൽ നിൽക്കുന്നു. 26.long shot/low angle /back (മുതിർന്നയാളിന്റെ ഇടതുവശത്ത് യുവാവ് ഇരിക്കുകയാണ് -ഇരുവരും ഉദ്ദേശം മുഖാമുഖം. മുതിർന്നയാൾ മുണ്ട് കേറ്റി ഇട്ടിരിക്കുന്നു, യുവാവിന്റെ കക്ഷത്തിൽ കൂടും മുണ്ട് അഴിച്ചിട്ടുമാണിരിക്കുന്നത് ) യുവാവ് : (പരാതി ഭാവത്തോടെ ) “കുറച്ചുദിവസമായിട്ട് രാവിലെയും രാത്രിയുമൊക്കെയായിട്ട് ആരൊക്കെയോ കൂടി എന്റെ മുണ്ട് പറിച്ചോണ്ട് ഓടുകയാണ്…” മുതിർന്നയാൾ : (സംശയത്തോടെ ) “നീ എന്താ ഈ പറയുന്നത്!? എവിടെവെച്ച്…?” 27.medium shot യുവാവ് : (സഹികെട്ടവിധം ) “എവിടെ വെച്ച് എന്നൊന്നുമില്ല… ഒഴിഞ്ഞ സ്ഥലമാണോ, മുണ്ട് കൊണ്ടുപോകും!” 28.close up മുതിർന്നയാൾ : (സംശയത്തോടെ ) “നിനക്ക് എന്നാൽ വേറെ വഴിയൊക്കെ ഒന്ന്‌ നോക്കത്തില്ലേ…” 29.close up യുവാവ് : (സഹികെട്ടവിധം ) “പല വഴികളും മാറി പോയി നോക്കി. രക്ഷയില്ല… മുണ്ടില്ലാണ്ട് പലവഴി ഒളിച്ചും പാത്തുമാണ് ഇപ്പോൾ പോക്കുവരവ്.” മുതിർന്നയാൾ : (സംശയത്തോടെ ) “ഇതൊന്നും വീട്ടിൽ അറിഞ്ഞില്ലേ?” 30.medium shot യുവാവ് : (സഹികെട്ടവിധം ) “വീട്ടുകാര് പറയുന്നത് പാന്റ് ഇട്ടോണ്ട് പോകാനാ… മരിച്ചാലും ഞാൻ പാന്റ് എന്ന സാധനം ഇടത്തില്ല.” 31.close up ‘ഇനി എന്ത്‌ ചെയ്യും ‘ എന്ന ഭാവംപോലെ വലതുകൈ താടയ്ക്ക് കൊടുത്തിരിക്കുന്ന മുതിർന്നയാൾ -യുവാവിനെ നോക്കി. 32.close up യുവാവ് : (സഹികെട്ടെന്നവിധം, മുഖമല്പം താഴ്ത്തി ) “ഉടനെ ആളുകളെല്ലാം അറിയും…” (പൂർത്തിയാക്കുവാൻ ബുദ്ധിമുട്ടുന്നു ) 33.close up മുതിർന്നയാൾ : (മയപ്പെടുത്തുംവിധം ) “എന്താ നിനക്ക് സംഭവിക്കുന്നത്? കൃത്യമായിട്ടൊന്ന് പറഞ്ഞേ നീ…” (യുവാവ് തലയുയർത്തി മുതിർന്നയാളുടെ മുഖത്തേക്ക് നോക്കിയിരിക്കുന്നു -പറഞ്ഞു തുടങ്ങുവാനുള്ള ഭാവത്തിൽ ) 34.long shot Cut to: Scene 7 Ext. ഒഴിഞ്ഞ ഒരു പറമ്പിലെ വഴി. Day 8am വിജനമായ പറമ്പിലെ നടപ്പാതയ്ക്ക് സമാനമായ പാതയിലൂടെ രാവിലെ പണിക്ക് പോവുകയാണ് യുവാവ് -അല്പം താഴേക്ക് നോക്കി, പതിവ് ഭാവത്തിലും രൂപത്തിലും നടത്തം. അല്പം മുന്നിലേക്ക് ചെല്ലുമ്പോൾ പിന്നിൽ നിന്നും എന്തോ ശബ്ദം ശ്രദ്ദിച്ചവിധം യുവാവ് ഒന്ന്‌ നിൽക്കുന്നു, ശബ്ദം നിലച്ചെന്ന് മനസ്സിലാക്കി മുന്നോട്ട് നടത്തം തുടരുന്നു. അല്പംകൂടി മുന്നോട്ട് നടക്കുമ്പോൾ വീണ്ടും ശബ്ദം കേട്ടെന്നവിധം ഒന്നുകൂടി നിൽക്കുന്നു, ശല്യമായെന്നവിധം. എന്തോ പിന്നിലെന്ന് തോന്നി യുവാവ് വലതുവശം വഴി തിരിയുവാൻ ശ്രമിക്കുന്നു . 35.medium shot/tracking /back /close up Cut to black : ആരൊക്കെയോ ചേർന്ന് യുവാവിന്റെ മുണ്ടുരിഞ്ഞു രക്ഷപ്പെടുന്ന ശബ്ദം -യുവാവ് നിലത്ത് വീണുപോകുന്നുണ്ട്, ആദ്യാനുഭവമെന്നവിധം ശബ്ദിക്കുന്നുമുണ്ട്. 36. Cut to യുവാവ് മലർക്കെ ഇരുകൈകളും പിന്നിലേക്ക് കുത്തി കാൽമുട്ടുകൾ മടക്കിയിരിക്കെ നിലത്ത് വീണപടിയിൽനിന്നും എഴുന്നേൽക്കുകയാണ് -കക്ഷത്തിലെ കൂട് ഇടത്തേ ഭാഗത്ത് കിടക്കുന്നുണ്ട്. എഴുന്നേറ്റ് ഒരുവിധം നിന്നശേഷം യുവാവ് തലകുനിച്ച് നോക്കുകയാണ് -മുണ്ട് കാണ്മാനില്ല, അണ്ടർവയർ പോലെയുള്ളൊരു നിക്കറാണ് കാണുന്നത്. മെല്ലെ ഇരുവശത്തേക്കും ചലനംകൂടാതെ യുവാവ് നോക്കിപ്പോകുന്നു. 37.long shot/low angle/back Cut to: Scene 7A അടുത്തദിവസം ഇതേ പറമ്പിലൂടെ ഇതേസമയം യുവാവ് രാവിലേ പണിക്ക് പോകുവാനായി വരികയാണ് -പതിവ് ഭാവവും രൂപവും. 38.long shot/low angle മുന്നോട്ടു നടന്ന്, കഴിഞ്ഞദിവസം നടന്ന സംഭവസ്ഥലമാകുമ്പോൾ പിന്നിലൂടെ എന്തോ അനക്കംപോലെ കേട്ടവിധം യുവാവ് ഒന്ന്‌ നിൽക്കുന്നു. അടുത്തനിമിഷം യുവാവ് പെട്ടെന്ന് പിറകിലേക്ക് തിരിഞ്ഞു നിൽക്കുന്നു. അതിനടുത്തനിമിഷം തന്റെ ഇടതുവശത്തുകൂടി പഴയ അവസ്ഥയിലേക്ക് തിരിയുവാൻ ശ്രമിക്കുന്നു -അപ്പോൾ പിന്നിൽ നിന്നും എന്തോ സംഭവിക്കുവാൻ പോകുന്നവിധം… 39.medium shot/tracking /close up Cut to black : മൂന്നുനാലുപേർ ചേർന്ന് യുവാവിന്റെ മുണ്ടുരിഞ്ഞുകൊണ്ട് മറയുന്ന ശബ്ദം. പ്രതീക്ഷിക്കാത്തവിധമുള്ള ശബ്ദം യുവാവ് പ്രകടിപ്പിക്കുന്നുണ്ട്. കക്ഷത്തിലെ കൂട് നിലത്ത് വീഴുന്നുണ്ട്. 40. Cut to: യുവാവ് മുണ്ടുരിയപ്പെട്ട് നിൽക്കുകയാണ്. കാലുകൾ അല്പം അകത്തിയാണ് വെച്ചിരിക്കുന്നത്, ഇരുകൈകളും ശരീരത്തിൽ നിന്നുമകറ്റി താഴേക്ക് തൂക്കിയിട്ടിരിക്കുന്നു, മുന്നിലേക്ക് തലതാഴ്ത്തി അല്പം കുനിഞ്ഞു മുണ്ടുരിഞ്ഞ ഭാഗം വീക്ഷിച്ചുപോവുകയാണ്. ഇടത്തേ കാലിനോട് ചേർന്ന് കക്ഷത്തിലെ കൂട് കിടപ്പുണ്ട്. ചുണ്ടുകളല്പം തുറന്നുപോയ യുവാവ് ആദ്യം തലമാത്രമല്പം ഉയർത്തി, ആദ്യം നേരെയും പിന്നീട് ഇരുവശങ്ങളിലേക്കും നോക്കിപ്പോവുകയാണ്. ശേഷം ഒന്നുകൂടി നേരെനോക്കി അതേപടി നിന്നുപോകുന്നു. 41.long shot Cut to: Scene 6 CONTINUE (അമ്പരന്നവിധം, ഇടതുകൈപ്പത്തി നേരെവെച്ച് മൂക്കിന് താഴെ വായ മൂടിപ്പിടിച്ച് ഇരിക്കുകയാണ് മുതിർന്നയാൾ -യുവാവിനെനോക്കി, കൈമുട്ട് ഇടത്തേ തുടയിൽ താങ്ങി ) മുതിർന്നയാൾ : (വായ സ്വതന്ത്രമാക്കി ) “ഇതാരാടാ ഇവിടെ ഇങ്ങനെയൊക്കെ ചെയ്യാനായിട്ട്…!?” 42.close up (ഇരുന്നിടത്തുനിന്നും മുതിർന്നയാൾ എഴുന്നേൽക്കുന്നു, മുണ്ട് മടക്കിക്കുത്തുന്നു. യുവാവ് പതിയെ എഴുന്നേറ്റ് നിൽക്കുന്നു, മുണ്ട് താഴ്ത്തിയിട്ടിരിക്കത്തന്നെ -കക്ഷത്തിൽ പൊതിയുണ്ട്, ഇരുവരും മുഖാമുഖം ) മുതിർന്നയാൾ : (യുവാവിന്റെ വലത്തേ തോളിൽ തട്ടിക്കൊണ്ട് ) “നീ ഇപ്പോൾ ചെല്ല്. ഇന്ന് രാത്രി തൊട്ട് ഞാൻ നിന്റെ കൂടെ വരാം. എന്താ സംഭവിക്കുന്നെന്ന് ഞാനൊന്ന് നോക്കട്ടെ…” (ഇടത്തേ തോളിൽ കൈയ്യുറപ്പിച്ചത് എടുക്കുന്നില്ല, വലത്തേ തോളിലും കൈവെച്ചുറപ്പിക്കുന്നു ) 43.long shot/low angle Cut. Scene 8 Ext. ഒഴിഞ്ഞ ടാർ ചെയ്ത ഇടവഴി. Night 8pm പണികഴിഞ്ഞു രാത്രി യുവാവ് പതിവുപോലെ വീട്ടിലേക്ക് പോകുന്ന വഴിയാണ് -യുവാവിന്റെ വലതുകക്ഷത്തിൽ കൂട് മടക്കി പിടിച്ചിട്ടുണ്ട്, വലതുകൈ താഴ്ത്തി ഇട്ടിരിക്കുന്നതിൽ മുതിർന്നയാളുടെ വലതുകൈയ്യിൽ കിടന്ന ചരട് കാണാം, വെളുത്ത വെളിച്ചമുള്ള വഴിവിളക്കുകൾ ഉള്ള വഴി. (യുവാവിന്റെ വലതുകൈയ്യിലെ ചരടും മടക്കി കുത്തിയിരിക്കുന്ന മുണ്ടുമാണ് കാണുന്നത്) 44.medium shot/tracking യുവാവ് നടക്കുന്നവഴി ഒന്നുനിന്നശേഷം ഇടത്തേക്ക് തലതിരിച്ച് നോക്കുന്നു, ശേഷം വലത്തേക്ക് തലതിരിച്ച് നോക്കുന്നു -പിന്നിൽനിന്നും ആരെങ്കിലും പിന്തുടരുന്നോ എന്നറിയുവാൻ. വീണ്ടും മുന്നോട്ട് നടക്കുന്നു. അല്പനിമിഷത്തിനകം കുറച്ചടികൾ പിന്നിലേക്ക് തിരിഞ്ഞു നടന്നുനോക്കുന്നു -പിന്തുടരുന്നോ എന്നറിയുവാൻ. കുറച്ചടികൾക്ക് ശേഷം പഴയപടി മുന്നോട്ട് നടന്നുതുടങ്ങുമ്പോൾ പിറകിൽ അകലെനിന്നും ഒരു സ്കൂട്ടർ വരുന്ന വെളിച്ചം. 45.long shot/low angle അല്പം ഇടത്തേ അരിക് പറ്റി നടന്ന് പോകുന്നതിനെ, സ്കൂട്ടരുകാരൻ (മധ്യവയസ്കൻ ) സാവധാനം വന്ന് പിന്നിട്ട് മുന്നോട്ട് പോകുന്നു. സ്കൂട്ടർ മുന്നോട്ട് പോയതോടെ യുവാവ് ഒന്ന്‌ നിൽക്കുന്നു. 46.long shot/side യുവാവ് റോഡരികിലായി നിന്നതുപോലെ നിൽപ്പ് തുടരുകയാണ്. വലതുവശത്തായി ഒരു വഴിവിളക്ക് കത്തിനിൽക്കുന്നുണ്ട്. യുവാവ് തലയല്പം കുനിച്ച് നെറ്റിചുളിക്കുന്നു -എന്തോ ഓർമ്മിച്ച് സംശയിക്കുന്നവിധം. (മുൻപ് രണ്ടുതവണ സ്കൂട്ടറുകാരൻ തന്നെ കടന്ന് പോയതിന്റെ ശബ്ദം, ശേഷം രണ്ടുതവണ മുണ്ടുപറിയപ്പെട്ട ശബ്ദം -യുവാവിൽ മുഴങ്ങുന്നു ) യുവാവ് മുഖമുയർത്തി ദൂരെ സ്കൂട്ടറുകാരൻ പോയ വഴി നോക്കുന്നു. സംശയം ഉറപ്പിച്ച മുഖഭാവമാണ്. 47.medium shot അങ്ങനെനിൽക്കേ ഒന്നയഞ്ഞശേഷം മുന്നോട്ട് റോഡിന്റെ നടുവിലേക്ക് കയറി യുവാവ് നടത്തം തുടങ്ങുന്നു, നടന്നുപോകുന്നു. 48.long shot/side യുവാവ് അതേ റോഡിലൂടെ, നടന്ന് കയറി മുന്നോട്ട് പോവുകയാണ്- ആദ്യം കാലുകൾ 49.long shot/low angle /side*(back)/tracking* മുന്നോട്ട് നടന്നുകൊണ്ടിരിക്കുന്ന യുവാവിന് പിന്നിലായി നിശബ്ദരായി നാലുപേർ, ഇരുവശത്തുനിന്നും പ്രത്യക്ഷരാകുന്നു -ഒളിച്ചിരുന്നെന്നവിധം, നാലാളുകളും മുണ്ടാണ് ധരിച്ചിരിക്കുന്നത്. ആ നാലുപേർ ഒച്ചയുണ്ടാക്കാതെ യുവാവിനെ പിന്തുടരുന്നു. 50.medium shot/tracking /tilt/high angle-low രണ്ടുവശത്തുനിന്നുമെന്നവിധം ഈരണ്ടുപേർ ചേർന്ന് യുവാവിനെ പിന്തുടർന്ന് ശബ്ദരഹിതരായി അടുത്തേക്കെത്തുകയാണ്. അവർ പിന്നിലെത്തിയതും യുവാവ് നിന്ന് വലതുവശത്തുകൂടി പിന്നിലേക്ക് നോക്കിയതും ഒപ്പമായിരുന്നു -ഇടത്തുകൂടി ചെന്ന ഒരുവൻ യുവാവിന്റെ ഇടത്തേ തോളിൽ തോണ്ടുകയും യുവാവ് തല ഇടത്തേക്ക് തിരിക്കുകയും ആനിമിഷം വലത്തുകൂടി ഒരുവൻ കുനിഞ്ഞ് ചെല്ലുന്നു -മുണ്ടിന്റെ കുത്ത് ലക്ഷ്യമാക്കിയെന്നവിധം (ഓരോ ആളുകൾ ഇരുവരുടെയും പിന്നിൽ -യുവാവിന്റെ പിന്നിലുണ്ട് ) 51.medium shot/tracking/back/close up Cut to black : രണ്ടുപേർ യുവാവിന്റെ കണ്ണുകൾ പിന്നിൽനിന്നും പൊത്തിപ്പിടിച്ച് മറ്റുരണ്ടുപേർ ചേർന്ന് മുണ്ട് പറിച്ചെടുക്കുന്നു, ഓടിമറയുന്ന ശബ്ദം. 52. Cut to: Scene 8A Ext. ഒഴിഞ്ഞ ടാർ ചെയ്ത ഇടവഴി. Day 8am (52)-ലേ അതേ സ്ഥലത്ത് രാവിലെ, മുണ്ടുരിയപ്പെട്ട്, തിരിഞ്ഞു നിൽക്കുന്ന യുവാവ് -വലത്തേ കക്ഷത്തിൽ മടക്കിയ കൂട് വലതുകൈയ്യാൽ ചേർത്ത് പിടിച്ച് ഇടതുകൈ അല്പം അകത്തി താഴേക്ക് തൂക്കിയിട്ട് തലയല്പം മുണ്ടില്ലാത്ത ഭാഗത്തേക്ക്‌ താഴ്ത്തി കാലുകളല്പം അകത്തി നിന്നുപോവുകയാണ്. 53.long shot/low angle അടുത്തനിമിഷം യുവാവ് തന്റെ വലതുഭാഗത്തേക്കൊന്ന് നോക്കിയശേഷം തന്റെ ഇടതുഭാഗത്തേക്ക് ഒന്ന്‌ പെട്ടെന്ന് നോക്കി -നോട്ടം ഉറപ്പിച്ചപടി, മുൻഭാഗം പൊത്തിപ്പിടിച്ചുമൊക്കെ, ആ കണ്ട പറമ്പിലേക്ക് ഓടി, ഒളിച്ചും പാത്തുമൊക്കെ വന്നുപോകുന്നു. 54.long shot/side Cut. Scene 9 Ext. വിജനമായ ഒരിടവഴി. Day 8am യുവാവ് രാവിലെ പണിക്ക് പോകുന്നവഴി -പതിവ് വേഷത്തിലും ഭാവത്തിലും, തക്കും പൊക്കുമൊക്കെ നോക്കിയാണ് ടാർ ചെയ്ത ഇടവഴിയിലൂടെ യാത്ര. ഒരുനിമിഷത്തിലൊന്ന് പിന്നിലേക്ക് ശ്രദ്ദിക്കുമ്പോൾ -ഇടതുവശത്തുകൂടി, പിന്നിലൂടെ സ്കൂട്ടറിൽ പതിവ് മധ്യവയസ്കൻ വരുന്നതായി ശ്രദ്ദിക്കുന്നു, പാതി തിരിഞ്ഞു നിന്നെന്നവിധം യുവാവ് കാണുന്നു. സ്കൂട്ടർ മുന്നോട്ട് വന്നുകൊണ്ടിരിക്കുകയാണ്. 55.long shot/low angle അങ്ങനെതന്നെ പാതി, ഇടത്തൂടെ പിന്നോട്ട് തിരിഞ്ഞു നോക്കിനിൽക്കെ അടുത്തനിമിഷം യുവാവ് പെട്ടെന്ന് ഇടത്ത് കാണുന്ന ഒരു പറമ്പിലേക്ക് ഓടി കയറി ഒരിടത്ത് ഒളിച്ചിരിക്കുന്നു, റോഡിലേക്ക് നോക്കിയാണ് ഇരിപ്പ്. അടുത്തനിമിഷം സ്കൂട്ടറുകാരൻ പതിവുപോലെ സാവധാനം അതുവഴി കടന്നുപോകുന്നു. കുറച്ചു നിമിഷങ്ങൾ അങ്ങനെതന്നെയിരുന്നശേഷം സ്കൂട്ടർ അല്പം മുന്നിലേക്ക് പൊയ്ക്കഴിഞ്ഞെന്ന് ഉറപ്പായപ്പോൾ യുവാവ് പെടുന്നനെയെഴുന്നേറ്റ് റോഡിലേക്ക് ചാടിയിറങ്ങി സ്കൂട്ടറിനെ പിന്തുടരുംവിധം ഓടി പോകുന്നു. 56.long shot/high angle/side Cut to: (തുടരും...)