#😱केतनच्या खुनाचा कट कसा रचला, वाचा 😥 प्रसिद्ध बिल्डर उद्योजक केतन अग्रवालचा खून होणारी पत्नी व तिच्या साथीदारास अटक महाबुलेटीन न्यूज l पुणे पुण्याजवळील ऐतिहासिक लोहगडावर २० जून रोजी केतन विशाल अग्रवाल (वय २६) या तरुणाचा दरीत कोसळून मृत्यू झाल्याची घटना घडली होती. सुरुवातीला सेल्फी घेताना तोल गेल्याने झालेला अपघात म्हणून या प्रकरणाची नोंद करण्यात आली होती. मात्र, लोणावळा ग्रामीण पोलिसांनी केलेल्या तांत्रिक आणि परिस्थितीजन्य तपासानंतर या घटनेला पूर्णपणे वेगळे वळण मिळाले आहे. हा निव्वळ अपघात नसून एक पूर्वनियोजित क होता, हे तपासात स्पष्ट झाले आहे. गहुंजे येथील रहिवासी असलेल्या केतनचा आगामी नोव्हेंबर महिन्यात विवाह होणार होता; परंतु त्याची होणारी पत्नी सिया गोयल हिला कौटुंबिक संमतीने ठरलेला हा विवाह मान्य नव्हता. त्यामुळे तिने आपल्या एका मित्राच्या मदतीने केतनचा काटा काढण्याचे ठरवले आणि वाढदिवस साजरा करण्याचे निमित्त साधून त्याला लोहगडावर नेले, जिथे योग्य संधी साधून त्याला दरीत ढकलून देण्यात आले. या क्लिष्ट गुन्ह्याची उकल करण्यात गडावरील सुरक्षा कॅमेऱ्यांचे चित्रण आणि पोलिसांचे चातुर्य महत्त्वाचे ठरले. जून महिन्याच्या कडक उन्हातही एक तरुण डोक्याला टोपी असलेला जाड उबदार टी-शर्ट (हुडी) घालून केतन आणि सिया यांच्या मागे जात असल्याचे पोलिसांना फुटेजमध्ये दिसले. एवढ्या उष्ण हवामानात अशा प्रकारचा पोशाख परिधान केल्यामुळे पोलिसांचा संशय बळावला. त्या दृष्टीने अधिक तपास केला असता, तो तरुण सियाचा मित्र असल्याचे निष्पन्न झाले आणि पोलिसांनी केलेल्या सखोल चौकशीत हा कट उघड झाला. लोणावळा ग्रामीण पोलीस ठाण्याचे निरीक्षक दिनेश तायडे यांनी सांगितले की, तांत्रिक पुराव्यांच्या आधारे आता खुनाचा गुन्हा दाखल करण्यात आला असून संशयितांना ताब्यात घेण्याची कायदेशीर प्रक्रिया सुरू आहे. पोलीस या प्रकरणाचा सर्व बाजूंनी सखोल तपास करत असून दोषींवर कडक कारवाई केली जाईल. मृत केतन हा एका बांधकाम कंपनीत संचालक होता आणि त्याच्या पश्चात आई, वडील व बहीण असा परिवार आहे. #🎭Whatsapp status #💔प्रेम की यातना #💔अधूर प्रेम #💔Fake Love