കേരളത്തിന്റെ സാമൂഹിക-ആരോഗ്യ സുസ്ഥിതിക്ക് കടുത്ത വെല്ലുവിളിയുയർത്തുന്ന സിന്തറ്റിക് ലഹരിവസ്തുക്കളുടെ വ്യാപനത്തെ പൂർണ്ണമായി നിർമ്മാർജ്ജനം ചെയ്യുക എന്ന ലക്ഷ്യത്തോടെ, “തൂഫാൻ - ദി നാർക്കോ ഹണ്ട്” എന്ന കർമ്മപദ്ധതിക്ക് തുടക്കം കുറിക്കുകയാണ്. പോലീസ് മേധാവികളുടെ മീറ്റിംഗിന് ശേഷമാണ് ഈ പ്രഖ്യാപനം. ജൂൺ 1-ന് പുതിയ അധ്യയനവർഷം ആരംഭിക്കുന്ന ദിവസം തന്നെ, 'TOOFAN - The Narco Hunt' ആരംഭിക്കും. സമൂഹത്തോടുള്ള വലിയ മാനുഷിക ഉത്തരവാദിത്തം വിട്ടുവീഴ്ചയില്ലാതെ നിറവേറ്റുകയാണ് കേരളാ പോലീസ് . സാംസ്കാരിക-രാഷ്ട്രീയ പദവികളോ സോഷ്യൽ സ്റ്റാറ്റസോ ലഹരിവിരുദ്ധ നിയമങ്ങളിൽ നിന്ന് ഒരു തരത്തിലുമുള്ള സംരക്ഷണമോ പ്രിവിലേജോ ആർക്കും നൽകുന്നതല്ല. വിട്ടുവീഴ്ചയില്ലാത്ത നടപടികൾ ഉണ്ടാകും. ഡാർക്ക് വെബ് കേന്ദ്രീകരിച്ച് നമ്മുടെ കുട്ടികളെ വലയിലാക്കുന്ന സമാന്തര ലഹരി വിപണന ശൃംഖലകളെ കൃത്യമായി നിരീക്ഷിക്കാനും പൂർണ്ണമായി തകർക്കാനും പൊലീസിന്റെ സൈബർ വിംഗ് വിപുലമായ സജ്ജീകരണങ്ങളോടെ രംഗത്തുണ്ടാകും. ലഹരി മാഫിയ എന്നത് എന്നുള്ളത് സംസ്ഥാനത്തിന്റെ മാത്രം പ്രശ്നമല്ല; അതിന്റെ വേരുകൾ അതിർത്തികൾക്കപ്പുറത്തേക്ക് പടർന്നു കിടക്കുന്ന ഒന്നാണ്. അതുകൊണ്ടുതന്നെ, അയൽസംസ്ഥാനങ്ങളിലെ ഡി.ജി.പിമാരുമായി ഞങ്ങൾ അടിയന്തരമായി ബന്ധപ്പെടുകയും സംയുക്ത പ്രതിരോധം ഉണ്ടാവുകയും ചെയ്യും. ലഹരിയുടെ ഉറവിടങ്ങളെ തകർക്കാൻ പോകുന്ന 'തൂഫാന്' മുന്നിൽ തടസ്സമായി നിൽക്കാൻ ഒരു അതിർത്തികൾക്കും സാധിക്കുകയില്ല. പൊതുസമൂഹവും വിദ്യാലയങ്ങളും കുടുംബങ്ങളും പോലീസിനൊപ്പം കൈകോർക്കുന്ന ഒരു ജനകീയ പ്രതിരോധത്തിലൂടെ നമ്മുടെ വീടുകളിൽ സമാധാനവും, തെരുവുകളിൽ ഭയരഹിതമായ അന്തരീക്ഷവും ഉറപ്പാക്കും. കേരളത്തെ പൂർണ്ണ ലഹരിമുക്ത സംസ്ഥാനമാക്കി മാറ്റുക എന്നതാണ് ഈ ആഭ്യന്തര നയത്തിന്റെ ആത്യന്തിക ലക്ഷ്യം. ലഹരി മാഫിയക്കെതിരെ 'തൂഫാൻ' ദി നാർകോ ഹണ്ട് അതിരുകളില്ലാത്ത ഒരു കൊടുങ്കാറ്റായി ആഞ്ഞടിക്കും. - രമേശ് ചെന്നിത്തല #സ്പെഷ്യൽ സ്റ്റോറീസ് ✍ #🔵 യുഡിഎഫ് #✋🏻 'വടശ്ശേരി ദാമോദര മേനോൻ സതീശൻ എന്ന ഞാൻ!' സത്യപ്രതിജ്ഞ ചെയ്ത് മുഖ്യമന്ത്രി! #എന്റെ രാഷ്ട്രീയം 🇮🇳🔥 #🕵️‍♂️ സാമൂഹിക വിഷയങ്ങൾ