*लग्न जुळवणारे मध्यस्थी आज मागे का सरकत आहेत?* *एकेकाळी समाजातील ज्येष्ठ, नातेवाईक किंवा मान्यवर मंडळी लग्न जुळवण्याची जबाबदारी आनंदाने घेत असत. त्यांच्या शब्दाला किंमत होती आणि दोन्ही कुटुंबे त्यांचा सन्मान करत.* *पण आज परिस्थिती बदलली आहे. अनेक ठिकाणी "पाहू", "बघू", "जमलं तर सांगतो" अशी उत्तरे मिळतात; प्रत्यक्षात मात्र कोणी पुढाकार घेत नाही.* *यामागचे कारण शोधले तर एक कटू वास्तव समोर येते.* *मध्यस्थीचे काम करताना व्यक्ती फक्त दोन्ही कुटुंबांना एकत्र आणते, निर्णय मात्र मुलगा-मुलगी आणि त्यांचे पालक घेतात.* *तरीही लग्नानंतर काही वाद, मतभेद, विभक्त राहणे किंवा इतर समस्या उद्भवल्या तर सर्वप्रथम बोट मध्यस्थीवरच उचलले जाते.* *1"तुम्ही नीट चौकशी केली नव्हती"* *2"तुम्ही खरी माहिती सांगितली नाही"* *3 "तुमच्यामुळे आमची फसवणूक झाली" अशी वाक्ये ऐकावी लागतात.* *लग्न जुळल्यावर कौतुक कोणी करत नाही, पण काही बिघडले तर दोष मात्र मध्यस्थीच्या माथी मारला जातो* . *त्यामुळे अनेक अनुभवी आणि सज्जन लोकांनी या कामापासून स्वतःला दूर ठेवणे पसंत केले आहे.* *वास्तविक पाहता, लग्न ही दोन सज्ञान व्यक्ती आणि दोन कुटुंबांची जबाबदारी असते. अंतिम निर्णय घेण्यापूर्वी संपूर्ण चौकशी, पडताळणी आणि विचार करणे हे मुलगा-मुलगी व त्यांच्या पालकांचे कर्तव्य आहे. मध्यस्थ हा फक्त एक दुवा असतो, हमीदार नाही.* *आज समाजाने स्वतःला एक प्रश्न विचारण्याची गरज आहे* — *जर प्रत्येक चुकीसाठी मध्यस्थीलाच दोष देणार असू, तर उद्या कोण पुढे येऊन दोन कुटुंबांना जोडण्याचे काम करेल?* *मध्यस्थी करणाऱ्या व्यक्तींना दोषीच्या पिंजऱ्यात उभे करण्याऐवजी त्यांच्या प्रयत्नांचा आदर केला पाहिजे* *अन्यथा समाजातील ही महत्त्वाची परंपरा हळूहळू संपुष्टात येईल आणि "चांगले स्थळ शोधणे कठीण आहे" अशी तक्रार करणारेच लोक त्यासाठी स्वतः जबाबदार ठरतील*. *मध्यस्थीचा सन्मान करा; कारण नाती जोडणे सोपे असते, पण तुटलेली नाती जोडणे फार कठीण असते.* 👏👍🙏 #🎭Whatsapp status