മലയാള സിനിമയിലെ പരിചിത മുഖമായ നടൻ സന്തോഷ് കെ. നായർ അന്തരിച്ചു. ഇന്ന് പുലർച്ചെ പത്തനംതിട്ടയിലെ ഏനാത്ത് വെച്ചുണ്ടായ വാഹനാപകടത്തെ തുടർന്നായിരുന്നു അന്ത്യം.
സന്തോഷും ഭാര്യയും സഞ്ചരിച്ചിരുന്ന വാഹനം അപകടത്തിൽപ്പെടുകയായിരുന്നു. ഗുരുതരമായി പരുക്കേറ്റ അദ്ദേഹത്തെ ഉടൻ തന്നെ അടൂരിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ചികിത്സയിലിരിക്കെ ഉണ്ടായ ഹൃദയാഘാതം മരണത്തിന് കാരണമായി. കൂടെയുണ്ടായിരുന്ന ഭാര്യ നിസ്സാര പരുക്കുകളോടെ രക്ഷപ്പെട്ടു.
1982 മുതൽ മലയാള ചലച്ചിത്ര രംഗത്ത് സജീവമായിരുന്ന സന്തോഷ് കെ. നായർ, നാല് പതിറ്റാണ്ടിലേറെ നീണ്ട അഭിനയജീവിതത്തിൽ നിരവധി ശ്രദ്ധേയമായ വേഷങ്ങൾ കൈകാര്യം ചെയ്തിട്ടുണ്ട്. പ്രമുഖ സംവിധായകരുടെ ചിത്രങ്ങളിൽ സഹനടനായും മറ്റും അദ്ദേഹം തിളങ്ങി.
അടുത്തിടെ പുറത്തിറങ്ങിയ 'ഭരതനാട്യം' എന്ന സിനിമയുടെ രണ്ടാം ഭാഗമായ 'മോഹിനിയാട്ടം' എന്ന ചിത്രത്തിലും അദ്ദേഹം ശ്രദ്ധേയമായ ഒരു വേഷം അവതരിപ്പിച്ചിരുന്നു #📰ബ്രേക്കിങ് ന്യൂസ് #🆕 ലേറ്റസ്റ്റ് അപ്ഡേറ്റ് RIP
