ഈശ്വര കൽപ്പന പ്രകാരം അബ്രഹാം പ്രവാചകൻ തൻ്റെ മകൻ ഇസ്മാഈലിനെ ദൈവമാർഗ്ഗത്തിൽ സമർപ്പിക്കാൻ തീരുമാനിച്ചു. ലോകരക്ഷിതാവ് അബ്രഹാമിനെ പരീക്ഷിക്കുകയായിരുന്നു. പരീക്ഷയിൽ വിജയിച്ച പ്രവാചകനോട് ഒരാടിനെ ബലി നൽകാനും അതിൻ്റെ മാംസം, താൽപര്യമുള്ളവർക്ക് ഭക്ഷണമായി നൽകാനും സൃഷ്ടാവ് കൽപ്പിച്ചു. ബലിപെരുന്നാൾ ഒരു പരീക്ഷണ വിജയത്തിൻ്റെ ആഘോഷമായാണ് ലോകമെമ്പാടും ഇസ്ലാംമത വിശ്വാസികൾ ആഘോഷിക്കുന്നത്. ഹജ്ജ് കർമ്മത്തിന് എത്തിച്ചേർന്നവരെ മുഹമ്മദ് നബി അറഫ മൈതാനിയിൽ വെച്ച് അവസാനമായി അഭിസംബോധന ചെയ്തതിൻ്റെ പ്രതീകാത്മക ഓർമ്മപ്പെടുത്തലും കൂടിയാണ് ബലി പെരുന്നാൾ. സ്വന്തം ഇച്ഛകളെ ദൈവത്തിനായി അഥവാ മാനവ സമൂഹത്തിൻ്റെ നൻമക്കായി ഉപേക്ഷിക്കാൻ സന്നദ്ധമായതിൻ്റെ പ്രഖ്യാപനമാണ് ബലികർമ്മം. സ്വന്തം ആഗ്രഹങ്ങളെ പൊതുതാൽപര്യത്തിനായി വേണ്ടെന്നുവെക്കാൻ മനുഷ്യർ തയ്യാറാകുമ്പോൾ തീർച്ചയായും അതൊരു ഉത്സവം തന്നെയാണ്. പുത്തൻ ഉടുപ്പുകൾ അണിഞ്ഞും, വിഭവസമൃദ്ധമായ ഭക്ഷണം കഴിച്ചും, പരസ്പരം സ്നേഹം കൈമാറിയും, കുടുംബ ബന്ധങ്ങൾ ഊട്ടി ഉറപ്പിച്ചും, മാതാപിതാക്കളെയും പ്രായമായവരെയും ബഹുമാനിച്ചും, ഇളമുറക്കാരോട് കരുണ കാണിച്ചും, സമപ്രായക്കാരോട് കുശലം പറഞ്ഞും, സുഹൃത്തുകളോട് സഹവസിച്ചും, നല്ല പാതിയോട് സല്ലപിച്ചും, മക്കളെ ചേർത്തു പിടിച്ചും, കൂടപ്പിറപ്പുകളെ നന്നായി ഓർമ്മിച്ചും, അയൽവാസികളോട് സൗഹൃദം പങ്കിട്ടും നാളെയെ കൂടുതൽ സുഗന്ധമുള്ളതാക്കാൻ, നമുക്കുമുന്നിലേക്കിതാ ഒരു ബലിപെരുന്നാൾ കൂടി വന്നണയുന്നു. ഏവർക്കും സന്തോഷപ്പെരുമഴ തീർക്കുന്ന ഹൃദയം നിറഞ്ഞ ആശംസകൾ.#🕌 പെരുന്നാൾ സന്ദേശം 🤲🏻 #💪 സഖാവ് പിണറായി #💪🏻 സിപിഐഎം