*ശ്രീ ഗുരുവായൂരപ്പന്റെ ഇന്നത്തെ ഉച്ചപൂജ അലങ്കാരം*🙏🙏🙏 ഇന്ന്‌ (20/06/26) മത്സ്യാവതാര മൂർത്തിയായിട്ടാണ് കണ്ണന്റെ ദർശന സൗഭാഗ്യം !!! നല്ല സ്വർണ്ണ നിറത്തിലുള്ള മത്സ്യരൂപം കാണാൻ തന്നെ എത്ര മനോഹരം. ഭഗവാൻ മഹാവിഷ്ണുവിന്റെ ദശാവതാരങ്ങളിൽ ആദ്യത്തേതാണ് മത്സ്യാവതാരം. അധർമ്മം പെരുകുമ്പോഴോ ലോകം വലിയൊരു വിപത്തിനെ നേരിടുമ്പോഴോ ധർമ്മസംരക്ഷണത്തിനായി ഭഗവാൻ അവതാരമെടുക്കുന്നു ഹയഗ്രീവൻ എന്ന അസുരൻ ബ്രഹ്മാവിൽ നിന്ന് വേദങ്ങൾ അപഹരിച്ച് കടലിനടിയിൽ ഒളിപ്പിച്ചപ്പോൾ, അവ തിരിച്ചുപിടിക്കാനാണ് ഭഗവാൻ മത്സൃരൂപം ധരിച്ചത്. അറിവിന്റെ സ്രോതസ്സായ വേദങ്ങളെ വീണ്ടെടുക്കുക വഴി ലോകത്തിന് ജ്ഞാനത്തിന്റെ വെളിച്ചം തിരികെ നൽകി. സൃഷ്ടിയുടെ നിലനിൽവേണ്ടി വരാനിരിക്കുന്ന മഹാപ്രളയത്തെക്കുറിച്ച് സത്യവ്രതൻ എന്ന രാജാവിനെ മൽസ്യാവതാരത്തിലൂടെ ഭഗവാൻ അറിയിക്കുന്നു, അങ്ങനെ പ്രളയകാലത്ത് സകല ജീവജാലങ്ങളുടെയും വിത്തുകളും, സപ്തർഷികളെയും ഒരു വഞ്ചിയിലാക്കി സുരക്ഷിതമായി നയിക്കുകയും ചെയ്തു. ജീവന്റെ ഉത്ഭവം ജലത്തിലാണെന്ന ശാസ്ത്രീയ സത്യത്തെ ഈ അവതാരം കോടിക്കണക്കിന് വർഷങ്ങൾക്ക് മുൻപേ സൂചിപ്പിച്ചു. എത്ര വലിയ പ്രതിസന്ധിയുണ്ടായാലും (മഹാപ്രളയം പോലെ), ഈശ്വരനിൽ വിശ്വസിക്കുന്നവരെ ഭഗവാൻ ഒരു തോണിയെന്നപോലെ കാത്തുരക്ഷിക്കുന്നു. "പ്രളയപയോധിജലേ ധൃതവാനസി വേദം വിഹിത വിഹിത്ര ചരിത്രമഖേദം കേശവ ധൃത മീനശരീര ജയ ജഗദീശ ഹരേ..." ഹേ ജഗദീശ്വരാ, കേശവാ.. പ്രളയസമുദ്രത്തിൽ മുങ്ങിപ്പോയ വേദങ്ങളെ തളർച്ചയില്ലാതെ വീണ്ടെടുക്കാൻ മത്സ്യരൂപം ധരിച്ച ഭഗവൻ ജയിക്കട്ടെ!#krishna #🕉️ശ്രീ ഗുരുവായൂരപ്പൻ #Devotional #viral