ഈ വരികളിൽ അക്ഷരങ്ങളല്ല ഉള്ളത്, മറിച്ച് പാതിവഴിയിൽ നിലച്ചുപോയ ചില സംസാരങ്ങളാണ്; കേൾക്കാൻ ആരുമില്ലാതെ പോയതുകൊണ്ട് കടലാസിൽ അഭയം പ്രാപിച്ച ചില ഹൃദയമിടിപ്പുകൾ! ചോദിക്കുന്നവരോട് പറയാൻ ഒന്നേയുള്ളൂ... ഈ വരികൾ വെറും മഷിയല്ല, മറിച്ച് ചുട്ടുപൊള്ളുന്ന വെയിലിൽ തളർന്നു വീണ ഒരാളുടെ തണൽ തേടിയുള്ള അലച്ചിലാണ്. ഇതിൽ പ്രണയത്തേക്കാൾ കൂടുതൽ പ്രണയത്തിന്റെ ശവദാഹം കണ്ട ഒരാളുടെ നിശബ്ദതയുണ്ട്. വാക്കുകൾക്കിടയിൽ നിങ്ങൾ തിരയുന്നത് എന്തിനെയാണ്? അവിടെ ആരും കാണാത്ത മുറിവുകളുണ്ട്, പെയ്തു തോരാത്ത കണ്ണീരുണ്ട്. ജീവിക്കാൻ മറന്നുപോയ ഒരാൾ ബാക്കിവെച്ചുപോയ അടയാളങ്ങളാണിവ. വരികൾക്കിടയിൽ ഞാൻ ഒളിപ്പിച്ചു വെച്ചത് എന്റെ ചിരികളല്ല, പകരം ചിരിക്കാൻ ശ്രമിക്കുമ്പോൾ തൊണ്ടയിൽ തടഞ്ഞുനിൽക്കുന്ന ആ സങ്കടത്തിന്റെ കനപ്പാണ്. വായിക്കുന്നവർക്ക് ഇതൊരു കഥയാകാം, പക്ഷേ എനിക്കിത് എന്റെ ആത്മാവിന്റെ വിലാപമാണ്....!! 💖✍️✍️✍️ #📝 ഞാൻ എഴുതിയ വരികൾ