#🤩 എന്റെ ആദ്യ പോസ്റ്റ് #കഥ #സാഹിത്യം സന്ധ്യ മയങ്ങാറായി. പ്രദേശത്തെ ചൂട് എല്ലാം കുറഞ്ഞു. പ്രാവുകൾ അവരവരുടെ കൂടുകൾ ലക്ഷ്യമാക്കി മരങ്ങളിലേക്ക് പറന്നു.. അജിൻ അവസാനത്തെ പോസ്റ്ററിൽ ഒരു ഒഴിഞ്ഞ മതിലിൽ ഒട്ടിച്ചു.. അവനു വിശക്കാൻ തുടങ്ങി.. നേരം കുറേ ആയില്ലേ പോസ്റ്റർ കൊണ്ട് നടക്കുന്നു.. ഇപ്പൊ തന്നെ പത്തു നാൽപതു പോസ്റ്റർ ഒട്ടിച്ചു കാണും.. മതിലുടമകൾ കണ്ടാൽ കീറി കളയുമോ എന്നൊരു പേടിയും അവനുണ്ട്.. എന്നാലും ചെയ്യാതെ വയ്യ.. അവൻ വീട്ടിലേക്ക് നടന്നു. ശേഷം വഴിയിലൂടെ പോകുന്നവർ ഓക്കെ ആ പോസ്റ്റർ കാണുന്നുണ്ട്. കാണ്മാനില്ല ; കണ്ട് കിട്ടുന്നവർ അറിയിക്കുക ഒരു നായ കുട്ടിയുടെ ചിത്രം കാണുന്നവർക്ക് കൗതുകവും ഉടമയെ ഓർത്തു സങ്കടവും വരുന്നുണ്ടെങ്കിലും അവർ അങ്ങനെ ഒരു നായയെ കണ്ടതായി ഓർമയിൽ ഇല്ല.. കാണാതെ പോയിട്ട് ഇന്നേക്ക് 6 ദിവസം തികയുന്നു. വീട്ടിൽ കൂട്ടിൽ ഇട്ടിരുന്നതാണ്.. എങ്ങനെ എങ്ങനെ പുറത്ത് പോയി എന്ന് അറിയില്ല.. കൂടു അടച്ചിട്ടുണ്ടായിരുന്നു എന്നാണ് അവന്റെ ഓർമ.. ഒറ്റക്ക് താമസിക്കുന്നത് കൊണ്ട് അവനെ തടയാൻ ആരും ഇല്ലായിരുന്നു.എന്നാലും നയകുട്ടി എവിടെ പോയി എന്ന് മനസ്സിലാകുന്നില്ല.ഇതേ സമയം ദൂരെ ഒരു ഒരു ഇറച്ചിക്കടയിൽ നല്ല തിരക്ക് ഉണ്ടായിരുന്നു.. ആ നാട്ടിൽ കോഴിയെ യും ആടിനെയും ഒരേ സമയം കശാപ്പ് ചെയ്യുന്ന ഒരേ ഒരു കട അതായിരുന്നു.രണ്ട് ജോലിക്കാരെ ഒള്ളെങ്കിലും മുതലാളിക്ക് ലാഭമാണ്.ആടിനെ തമിഴ് നാട്ടിൽ നിന്ന് കുറഞ്ഞ വിലക്ക് കൊണ്ട് വരുന്നതിനാൽ തന്നെ ചില സമയങ്ങളിൽ ആടിന് ക്ഷാമം വരാറുണ്ട്. ഇത്തവണ അത് ഉണ്ടായെങ്കിലും എങ്ങനെയൊക്കെയോ ഒപ്പിച്ചു.. എന്നത്തേയും പോലെ കച്ചോടം പോകുന്നുണ്ടായിരുന്നു. സ്ഥിരം കസ്റ്റമർ നടന്നടുക്കുന്നത് ദൂരെ നിന്ന് കണ്ട മുതലാളി ഹിന്ദിയിൽ ജോലിക്കാരോട് 5 കിലോ മട്ടൺ എടുത്ത് വെക്കാൻ പറഞ്ഞ്.. "അരെ ഏക് കവർ മേ പാഞ്ച് കിലോ മട്ടൺ രക്കെ " "ഹ" ജി " എന്നു മാത്രം പറഞ്ഞ് കൊണ്ട് അയാൾ പാർസൽ ആക്കാൻ തുടങ്ങി. അല്ല എവിടെ ആയിരുന്നു. ഇന്നലെ കണ്ടില്ലല്ലോ കടയുടമ ചോദിച്ചു. "ഇന്നലെ തിരക്ക് ആയിരുന്നു. ഒരു അഞ്ചു കിലോ വേണം." "ആയിക്കോട്ടെ " ഉടമ കവർ എടുത്ത് കയ്യിൽ കൊടുത്തു. അയാൾ പണവും.. അതും എടുത്ത് അയാൾ നേരെ വീട്ടിൽ ചെല്ലും എന്നാണ് കട മുതലാളി വിചാരിക്കാറ്.. എന്നാൽ പഴയ ഉണങ്ങിയ റബ്ബർ തോട്ടത്തിലേക്കാണ് യാത്ര.. സ്വന്തം അപ്പന്റെ ആയത് കൊണ്ട്.. ആരും സംശയിക്കില്ലല്ലോ..ആർക്കും ഒന്നും ചോദിക്കാൻ ഉള്ള ഇടയും ഇല്ല..അയാൾ മട്ടണുമായി ബൈക്ക് റബ്ബർ തോട്ടത്തിലേക്ക് പിടിപ്പിച്ചു. അവിടെ റബ്ബർ ഷീറ്റ് നിർമിക്കുന്ന ഗോഡൗണിന്റെ മുന്നിൽ വണ്ടിനിർത്തി.അവിടെ നിന്ന് ഉറക്കേക്കരഞ്ഞാൽ പോലും ആരും അറിയില്ല.. ആളൊഴിഞ്ഞ പ്രദേശം.. ആരും തന്നെ അത് കൊണ്ട് വരാറില്ല.. സിബിൻ വണ്ടിയിൽ നിന്ന് ഇറങ്ങി ആ കവറുമായി ഉള്ളിലേക്ക് നടന്ന്.. അകത്തേക്ക് ആ അലൂമിനിയം വാതിൽതുറന്ന് കാൽ വെച്ചതും ഒരു കൂട്ടം നായ്ക്കൾ കുറച്ചു.. കൂട്ടിൽ ബന്ധിക്കപ്പെട്ട നിരവധി നായ്ക്കൾ.. കൂട്ടത്തിൽ അജിന്റെ നായ് കുട്ടിയുടെ ശബ്ദവും അവിടെ കെട്ടു... അയാൾ മട്ടൺ കവറിൽ നിന്ന് എടുത്തു പാചകം തുടങ്ങി ( തുടരും)