" മോളെ...അപ്പു... "- അവളുടെ മമ്മി ഷീജ അവളുടെ തോളിൽ കൈവെച്ചുകൊണ്ട് വിളിച്ചു... " മ്മ്മ്... " " എന്തിനാ ഇങ്ങനെ വിഷമിക്കുന്നത്.... അവര് നല്ല ആൾകാർ അല്ലേ...ഷേർളിയ്ക്ക് നിന്നെ ഭയങ്കര ഇഷ്ടമാ... അതുകൊണ്ടല്ലേ മോളെ അവരുടെ മരുമകൾ ആക്കണമെന്ന് പറഞ്ഞു അവർ ഇങ്ങോട്ട് ചോദിച്ചു വന്നത്...പണ്ടേ എന്നോട് പറഞ്ഞിട്ടുണ്ട്... വിക്കിക്ക് മോളെ നോക്കണമെന്ന്... പക്ഷെ...ആ മോൻ വേറെ ഒരു കുട്ടിയെ സ്നേഹിച്ചുപോയത് കൊണ്ടാണ് അവർ വേണ്ടെന്നു വെച്ചത്.... " മമ്മി... ഞാൻ ഇങ്ങനൊരു വിവാഹം അല്ല സ്വപ്നം കണ്ടത്... ആഗ്രഹിച്ചത്... ആ അച്ചാച്ചൻ എന്നെ അംഗീകരിക്കുമെന്ന് മമ്മിക്കു തോന്നുന്നുണ്ടോ... " മോളെ വിവാഹം കഴിഞ്ഞു ഒന്നിച്ച് ജീവിക്കുമ്പോൾ അവൻ നിന്നെ സ്നേഹിച്ചോളും.... " മമ്മിക്കു എങ്ങനെയാ ഇത്‌ പറയാൻ തോന്നുന്നത്... ആ അച്ചാച്ചൻ ഇത്രെയും വർഷം ഒരു പെൺകുട്ടിയെ സ്നേഹിച്ചു കല്യാണം വരെ എത്തിയത് അല്ലേ.... എന്നിട്ട് അത് മുടങ്ങിപോയപ്പോ ആ അച്ചാച്ചനെക്കൊണ്ട് എന്നെ വിവാഹം ചെയ്യിപ്പിക്കാൻ പോകുവല്ലേ... അതും നിർബന്ധിച്ച്... എന്നോടൊന്നു സംസാരിച്ചിട്ട് പോലുമില്ല ആ അച്ചാച്ചൻ .. ഒന്നോ രണ്ടോ വെട്ടം ഞാൻ കണ്ടിട്ടുണ്ട് എന്നല്ലാതെ... ആ അച്ചാച്ചന്റെ സ്വഭാവം പോലും എനിക്ക് അറിയില്ല... "- അവൾ പറഞ്ഞുകൊണ്ട് കണ്ണുകൾ നിറച്ചു.. " മോളെ... അവൻ നല്ല പയ്യനാ... എല്ലാവർക്കും അവനെപറ്റി നല്ല അഭിപ്രായമാണ്... പിന്നെ ആ പെൺകുട്ടിയെ അവനു വിവാഹം കഴിക്കാൻ ഉള്ള യോഗം ഇല്ലായിരുന്നു... ദൈവം നിനക്കായിട്ട് ഒരുക്കിയത് ആയിരുന്നു അവനെ... അത് സമയം ആയപ്പോൾ നിന്റെ അടുത്തേക്ക് എത്തി... മോള് അങ്ങനെ കരുതിയാൽ മതി.." " എനിക്കറിയില്ല... ഒന്നും എനിക്കറിയില്ല... എന്റെ ജീവിതം ഞാൻ പോലും അറിയാതെ എങ്ങോട്ടോ പോകുവാ മമ്മി...ഷേർളി ആന്റി പാവമാ എനിക്കറിയാം.. എന്നെ ഭയങ്കര ഇഷ്ടമാണെന്നും എനിക്കറിയാം.... വിച്ചുവും പാവമാ.. ചേച്ചി.. ചേച്ചി.. എന്നും പറഞ്ഞു എന്നോട് ഒരുപാട് സംസാരിച്ചിട്ടുണ്ട് അവൻ.. പക്ഷെ ആ അച്ചാച്ചൻ...... " മോളെ.. ഇങ്ങോട്ട് നോക്ക്... "- അവർ അവളുടെ താടിത്തുമ്പിൽ പിടിച്ചുയർത്തി... അവളുടെ കണ്ണുകൾ നിറഞ്ഞിരിക്കുവായിരുന്നു.... അത് കണ്ടതും അവർക്ക് വിഷമം ആയി... " മോളെ.. നിന്നെ ഒഴിവാക്കുവാണെന്നോ... ഭാരം ഒഴിക്കുവാനെന്നോ മോള് വിചാരിക്കരുത്... മമ്മി അങ്ങനെ ചെയ്യുമെന്നു മോൾക്ക് തോന്നുന്നുണ്ടോ... എന്റെ മോള് സുരക്ഷിതമായ ഒരു വീട്ടിൽ പോകണമെന്ന് ഉണ്ട് എനിക്ക്.. എനിക്ക് ആണേൽ പ്രായം കൂടി വരുവാ... എനിക്ക് നിന്റെ കാര്യങ്ങൾ കാണണമെന്ന് എല്ലാ അമ്മമാരെയും പോലെ എനിക്കും ആഗ്രഹമുണ്ട്... പപ്പയ്ക്കോ നിന്റെ ജീവിതം കാണാൻ കഴിഞ്ഞില്ല... എനിക്ക് എങ്കിലും അത് കാണണം... പിന്നെ ഇത്രെയും നല്ലൊരു ബന്ധം ഇനി നമ്മുക്ക് കിട്ടിയെന്നു വരില്ല... അതുകൊണ്ടാ അവർ ചോദിച്ചപോൾ തന്നെ ഞാൻ സമ്മതിച്ചത്....നമ്മുക്ക് അറിയാവുന്ന കുടുംബം ആയതുകൊണ്ട് നമ്മുക്ക് പേടിക്കണ്ട കാര്യം ഇല്ലല്ലോ... പിന്നെ നമ്മുടെ കാര്യങ്ങൾ അവർക്കും അറിയാം... നിന്നെ മാത്രമേ അവർ ചോദിച്ചുള്ളൂ... " എനിക്ക് എല്ലാം അറിയാം മമ്മി... പക്ഷെ... എന്നെ ഒന്ന് വിളിക്കാൻ കൂടെ തയാറാവാത്ത ആ അച്ചാച്ചൻ എന്നെ എങ്ങനെ സ്നേഹിക്കാനാ മമ്മി... എനിക്ക് അതോർക്കുമ്പോൾ പേടിയാകുവാ... " മോള് പേടിക്കണ്ട... ദൈവം ഒന്ന് കാണാതെ ഒന്ന് പ്രവർത്തിക്കില്ല... നിങ്ങൾ ഒന്നിക്കണം എന്നുള്ളത് ദൈവനിശ്ചയം ആണ്... അതുകൊണ്ടാ ആ പയ്യന്റെ ആദ്യത്തെ പ്രണയവിവാഹം മുടങ്ങിപോയതും ഇപ്പോ നിന്നെ വിവാഹം ചെയ്യാൻ പോകുന്നതും..."- അവർ പറഞ്ഞു... എന്നാൽ അവൾ അതിനു ഒന്നും മിണ്ടിയില്ല... " ചേച്ചി ഇതുവരെ ഒരുങ്ങിയില്ലേ... ദേ പള്ളിയിലേക്ക് ഇറങ്ങാൻ പാപ്പൻ വിളിക്കുന്നു... "- മറ്റൊരു പെൺകുട്ടി അവളെ വന്നുകൊണ്ട് വിളിച്ചു... അവൾ കണ്ണുകൾ തുടച്ചിട്ട് അവളോടൊപ്പം ഇറങ്ങി.... ഇത് അദീന എന്ന എല്ലാവരുടെയും അപ്പു...പ്രതികരിക്കേണ്ട ഇടത്തു പ്രതികരിക്കുകയും സൗമ്യമായി ഇരിക്കേണ്ട സ്ഥലത്ത് സൗമ്യമായി ഇരിക്കുകയും ചെയുന്ന പെൺകുട്ടി.... വെളുപ്പ് അല്ലാത്ത ഇരുനിറം... മുടി സ്മൂത്ത്‌ ചെയ്ത് അരയ്ക്ക് ഒപ്പം കിടപ്പുണ്ട്... വലിയ നിറമൊന്നും ഇല്ലെങ്കിലും ഐശ്വര്യം തുളുമ്പുന്ന മുഖം... അത്യാവശ്യം നീളവും അതിനൊത്ത വണ്ണവും ഉള്ള ശരീരപ്രകൃതി.... ചിരിയോടെയുള്ള മുഖമാണ് അവൾക്ക് എപ്പോഴും...ഷീജയുടെയും ബിജുവിന്റെയും ഒറ്റമകൾ ആണ് അപ്പു...പിജി ഒക്കെ കഴിഞ്ഞു ജോലിക്ക് ശ്രേമിക്കുമ്പോഴാണ് അവളുടെ പപ്പ യാദൃശ്കമായി മരിക്കുന്നത്..ബിജുവിന്റെ മരണശേഷം അവൾ ആകെ തളർന്നുപോയി... ആരോടും മിണ്ടാതെ ആയി... അവളുടെ ലൈഫ് ഒന്ന് ചേഞ്ച്‌ ചെയ്യാൻ വേണ്ടിയിട്ടാണ് അവളെ വിവാഹജീവിതത്തിലേക്കു അയക്കാമെന്നു ഷീജയുടെ വീട്ടുകാരും ബിജുവിന്റെ വീട്ടുകാരും തീരുമാനിക്കുന്നത്....അങ്ങനെ ആലോചനകൾ വരുന്ന സമയത്താണ് വിക്കിയുടെ അമ്മ അവളെ ചോദിച്ചു ഷീജയുടെ അടുത്തേക്ക് വരുന്നത്... അവളുടെ പപ്പയുടെ അനിയന്റെ ഭാര്യയുടെ റിലേറ്റീവ് ആണ് ഷേർളി.... ഷേർളിക്കു അപ്പുവിനെ ഒരുപാട് ഇഷ്ടമായിരുന്നു....എന്നാൽ വിക്കി വർഷങ്ങളായി മറ്റൊരു പെൺകുട്ടിയുമായി പ്രണയത്തിൽ ആയിരുന്നു... ആ ബന്ധത്തോട് ഷേർളിക്കും വിക്കിയുടെ അനിയൻ വരുൺ എന്ന വിച്ചൂവിനും അവരുടെ പപ്പയ്ക്കും ഒന്നും താല്പര്യം ഇല്ലായിരുന്നു... വിക്കിയുടെ ഒറ്റ നിർബന്ധത്തിൽ ആണ് ആ വിവാഹം നടത്താൻ അവർ തീരുമാനിച്ചത്...വിവാഹം വരെ എത്തി നിൽക്കെയാണ് ആ പെൺകുട്ടിയുടെ വീട്ടുകാർ വിക്കിയുടെ ജോലിയെപ്പറ്റി അന്വേഷിക്കുന്നത്...വിക്കി എഞ്ചിനീയർ ആയിരുന്നെങ്കിലും അവന് സ്ഥിരമായി ഒരു ജോലി ഉണ്ടായിരുന്നില്ല... കമ്പനിയിൽ നിന്നും വിളിക്കുമ്പോൾ മാത്രം പോയി ജോലി ചെയ്തു കൊടുക്കണം.. അതിനു നല്ലൊരു എമൗണ്ട് കിട്ടും അങ്ങനെയുള്ള ഒരു ജോബ് മാത്രമായിരുന്നു വിക്കിയുടേത്... അതുകൊണ്ട് ആ പെൺകുട്ടിയുടെ വീട്ടുകാർ വിക്കിക്ക് സ്ഥിരമായി ഒരു ജോലി ഉണ്ടങ്കിൽ മാത്രമേ അവളെ വിവാഹം കഴിപ്പിക്കുള്ളു എന്ന് പറഞ്ഞു... ഒരു വർഷം സമയവും അവന് കൊടുത്തു... എന്നാൽ അവൻ എത്ര നോക്കിയിട്ടും അങ്ങനെയൊരു ജോലി അവന് കണ്ടെത്താൻ സാധിച്ചില്ല... അതിനിടക്ക് ആ പെൺകുട്ടിക്ക് കുറെ ആലോചനകൾ വന്നു... ഇനിയും വിക്കിക്ക് നല്ലൊരു ജോലി ആകുന്നവരെ അവരുടെ മകളെ നിർത്താൻ പറ്റില്ല എന്നും അവൾക്ക് പ്രായം കൂടി വരുവാണെന്നും പറഞ്ഞു അവർ അവളെ മറ്റൊരു വിവാഹം കഴിപ്പിച്ചു... വിക്കി അവളെ ഇറങ്ങിവരാൻ വിളിച്ചെങ്കിലും... വീട്ടുകാരെ വിട്ടിട്ട് വരില്ല എന്ന് അവൾ തീർത്തും പറഞ്ഞു... അവൾ പോയ വാശിക്ക് അവൻ കുറെ വർഷം കഷ്ടപ്പെട്ട് നേടിയെടുത്തത് ആണ് മാന്തോട്ടം ഗ്രൂപ്സ് എന്ന ബിസിനസ്‌ സാമ്രാജ്യം... അവരുടെ ജില്ലയിൽ തന്നെ അറിയപ്പെടുന്ന ഒരു സ്ഥാപനമാണ് മാന്തോട്ടം ഗ്രുപ്പ്സ്...ഇനിയൊരു വിവാഹമേ വേണ്ട എന്ന് പറഞ്ഞു നിന്ന അവനെ കൊണ്ട് നിർബന്ധിച്ചാണ് ഷേർളി അപ്പുവിനെ കൊണ്ട് കെട്ടിക്കാൻ തുടങ്ങുന്നത്.... അപ്പുവിനെ ഒന്ന് പെണ്ണുകാണാനോ വിളിക്കാനോ സംസാരിക്കാനോ അവൻ ഇതുവരെ ശ്രേമിച്ചിട്ടില്ല... ചുരുക്കി പറഞ്ഞാൽ അപ്പുവിനെ അവൻ ഒന്ന് നല്ലതുപോലെ കണ്ടിട്ട് കൂടിയില്ല... അവൾ ഒന്നോ രണ്ടോ തവണ അവനെ അവളുടെ ആന്റിയുടെ വീട്ടിൽ വെച്ചു കണ്ടിട്ടുണ്ട്... അവന്റെ കല്യാണത്തിന് ഇടാൻ ഡ്രസ്സ്‌ വരെ സ്റ്റിച്ച് ചെയ്തു വെച്ചതാണ് അപ്പു..അന്ന് അവൾ ഡിഗ്രിക്ക് പഠിക്കുവായിരുന്നു....എന്നാൽ വർഷങ്ങൾക്ക് ഇപ്പുറം ഇന്ന്... അവന്റെ മിന്ന് ഏറ്റുവാങ്ങാൻ നിൽക്കണ്ടി വന്നു അവൾക്ക്... പള്ളിയിൽ അവന്റെ അടുത്ത് ചെന്നു നിന്നിട്ട് കൂടെ അവൻ അവളെ തിരിഞ്ഞോന്നു നോക്കിയില്ല... അവൾ അവന്റെ മുഖത്തേക്ക് പേടിയോടെ നോക്കി... വലിഞ്ഞുമുറുകി ഇരിക്കുവായിരുന്നു അവന്റെ മുഖം... ആരോടോ ഉള്ള ദേഷ്യമൊക്കെ അവൻ മുഷ്ടി ചുരുട്ടി നിയന്ത്രിക്കുന്നുണ്ട്....ഒരു മുണ്ടും റെഡ് കളർ കുർത്തയും ആണ് വേഷം... മുടി ജെൽ തേച്ചു പുറകിലേക്ക് ഒതുക്കി വെച്ചിട്ടുണ്ട്...മീശയും താടിയും കട്ടിക്ക് വളർത്തിയിട്ടുണ്ട്... നല്ല മൈന്റൈൻ ചെയ്തുവെച്ചിരിക്കുന്ന ഒത്ത ശരീരം....അവന്റെ വലിഞ്ഞിരിക്കുന്ന മുഖം കാണും തോറും അവൾക്ക് ഒരുതരം പേടി തോന്നി... അവളെക്കാൾ നിറമുണ്ട് അവന്... അവൻ സ്നേഹിച്ചിരുന്ന പെൺകുട്ടി വെളുത്തു തുടുത്തു ഒരു സുന്ദരി ആയിരുന്നെന്നു ആന്റി പറഞ്ഞു കേട്ടിട്ടുണ്ട്... എന്നാൽ തനിക്കു അങ്ങനെ സൗന്ദര്യമോ നിറമോ ഒന്നുമില്ല... അവന്റെ ഒപ്പം നില്കാൻ പോലും യോഗ്യത ഉണ്ടോ എന്ന് അവൾക്ക് തോന്നിപോയി.... അച്ചൻ പ്രാർത്ഥിച്ചതോ വിവാഹ ചടങ്ങുകളോ പ്രാർത്ഥനകളോ അവളും അവനും കേട്ടിരുന്നില്ല... രണ്ടുപേരും രണ്ടു ലോകത്ത് ആയിരുന്നു... മിന്ന് അച്ചൻ അവന്റെ കൈകളിലേക്ക് വെച്ചുകൊടുത്തതും അവളെ ഒന്ന് നോക്കുക കൂടി ചെയ്യാതെ അവൻ അവളുടെ കഴുത്തിലേക്കു കെട്ടി... അവളുടെ കണ്ണുകൾ നിറഞ്ഞു... തന്റെ പപ്പ ഒരുപാട് ആഗ്രഹിച്ചിരുന്നു തന്റെ വിവാഹം കാണാൻ... അതിനും ഒരു യോഗം ദൈവം തന്നില്ല... ഇഷ്ടപ്പെട്ടതുപോലെ ഒരു വിവാഹ ജീവിതവും ദൈവം തന്നില്ല എന്നൊക്കെ അവൾക്ക് തോന്നിപോയി... ഒരു സന്തോഷവും ജീവിതത്തിൽ ഇന്നേവരെ ഉണ്ടായിട്ടില്ലല്ലോ എന്ന് അവൾ മനസുകൊണ്ട് ചിന്തിച്ചു.... മിന്നുകെട്ട് കഴിഞ്ഞതും ഫോട്ടോ സെക്ഷൻ ആയിരുന്നു... ക്യാമറമാൻ പറയുന്നത് പോലൊക്കെ അവനും അവളും ആർക്കോ വേണ്ടി നിന്നു കൊടുത്തു.... ഇടയ്ക്ക് അവന്റെ കൈകൾ അവളുടെ ഇടുപ്പിൽ ദേഷ്യത്തോടെ മുറുകുന്നത് അവൾ അറിയുന്നുണ്ടായിരുന്നു.... ക്യാമറമാനോട് ഉള്ള ദേഷ്യം പോലും തന്റെ ശരീരത്തിൽ തീർക്കുന്നത് പോലെ അവൾക്ക് തോന്നിപോയി... അവൾ വേദന കടിച്ചുപിടിച്ചു പുഞ്ചിരിച്ചുകൊണ്ടിരുന്നു... പള്ളിയിലെ ചടങ്ങുകൾ എല്ലാം കഴിഞ്ഞു ഓഡിറ്റോറിയത്തിലേക്ക് പോകാൻ അവർ കാറിൽ കയറി.... അവൻ പുറത്തേക്കു നോക്കി ദേഷ്യത്തോടെ ഇരിക്കുവായിരുന്നു... അവന്റെ അനിയൻ വിച്ചു എന്തൊക്കെയോ പറഞ്ഞു കളിയാക്കുന്നുണ്ട്... അവൾ ചെറുചിരിയോടെ അതൊക്കെ കേട്ടിരുന്നു... വിച്ചു അവളെക്കാൾ ഇളയതാണ്... എഞ്ചിനീയറിംഗ് ഫസ്റ്റ് ഇയർ പഠിക്കുന്നതേയുള്ളു അവൻ... തന്റെ കുഞ്ഞൊരു അനിയനെ പോലെയാണ് അവൾക്ക് അവനെ തോന്നിയത്... അവന്റെ സംസാരം കേട്ട് അവൾ ചിരിക്കുന്നത് കണ്ടതും വിക്കി അവളെ ദേഷ്യത്തോടെ നോക്കി... അവന്റെ മുഖം കണ്ടതും അവൾ പേടിച്ചു പുറത്തേക്കു നോക്കി ഇരുന്നു... ഇതുവരെയും ആ ശബ്‌ദം പോലും താനൊന്നു കേട്ടിട്ട് കൂടിയില്ലെന്നു അവൾ ഓർത്തു... പള്ളിയിൽ നിന്നു കുറച്ചു ദൂരമുണ്ടായിരുന്നു ഓഡിറ്റോറിയത്തിലേക്ക്... അവൻ ഫോൺ എടുത്തു ആർക്കോ മെസ്സേജ് അയക്കുവാണ്... അവളുടെ ഫോൺ അവളുടെ കസിന്റെ കൈയിൽ ആണ്... വിച്ചുവും ഫോണിൽ ഫോട്ടോസ് സ്റ്റാറ്റസ് ഇടുന്ന തിരക്കിൽ ആയതുകൊണ്ട് അവൾ പുറത്തേക്കു നോക്കി ഓരോന്നും ആലോചിച്ചുകൊണ്ടിരുന്നു... കുറച്ചു കഴിഞ്ഞതും അവൾ ഓഡിറ്റോറിയത്തിന്റെ മുമ്പിൽ എത്തി... അവൾ പതിയെ കാറിൽ നിന്നും ഇറങ്ങി... അവരെ രണ്ടുപേരെയും കാത്തെന്ന പോലെ ഒരുപാട് ആളുകൾ അതിന്റെ ഫ്രോന്റിൽ ഉണ്ടായിരുന്നു.... കാറിൽ നിന്നും ഇറങ്ങിയതും അവരുടെ പേരുകൾ ഒട്ടിച്ചിരുന്ന ബോർഡിലേക്ക് അവളുടെ കണ്ണുകൾ നീണ്ടു... HAPPY MARRIED LIFE VICTOR ABRAHAM GEORGE 🔥🔥 AND ADHEENA BIJU 💞💞 അത് കണ്ടതും സന്തോഷിക്കണോ പുച്ഛിക്കണോ സങ്കടപെടണോ എന്ന് അവൾക്ക് തോന്നിപോയി... അവൾ ആ ബോർഡിൽ നോക്കി ഒന്ന് പുഞ്ചിരിച്ചു കൊണ്ട് ഓഡിറ്റൊറിയത്തിലേക്കു കയറി....അവളെ കാത്തെന്ന പോലെ അവളുടെ ഫ്രണ്ട്സും മറ്റും ഓഡിറ്റോറിയത്തിൽ ഉണ്ടായിരുന്നു... അവന്റെ ഫ്രണ്ട്സും അവനെ കണ്ട് ഓടിവന്നു ഗിഫ്റ്റുകൾ കൊടുക്കുകയും വിഷ് ചെയുകയും ഫോട്ടോസ് എടുക്കുകയും ഒക്കെ ചെയ്തു.... അവളുടെ ഫ്രണ്ട്സും അവളുടെ അടുത്തേക്ക് വന്നു... " അദീന... നിന്റെ ചെക്കൻ സൂപ്പർ ഡീ... നമ്മുടെ ക്ലാസ്സിൽ ലാസ്റ്റ് മാര്യേജ് നിന്റെയാരുന്നു... എല്ലാവർക്കും ആകാംഷയാരുന്നു നിന്റെ ചെക്കൻ ആരായിരിക്കും എന്ന്... എന്നാലും ഇത്രെയും കിടു ചേട്ടനെ നീ എങ്ങനെ ഒപ്പിച്ചെടി... "- അവളുടെ കൂട്ടുകാരികളിൽ ഒരാൾ ചോദിച്ചു... അതിനു അവൾ ഒന്ന് ചിരിച്ചു... " സത്യം പറയടി...നീ ജോലി കിട്ടിയിട്ട് മതി വിവാഹം എന്ന് പറഞ്ഞു നിന്നത് ഈ ചേട്ടന് വേണ്ടിയിട്ട് ആയിരുന്നോ... ഞങ്ങളെ എല്ലാം പറ്റിച്ചു നിങ്ങൾ ഇത്രെയും വർഷം പ്രേമിക്കുവായിരുന്നോ... "- മറ്റൊരു പെൺകുട്ടി ചിരിച്ചുകൊണ്ട് അവളോട്‌ ചോദിച്ചതും അവൾ തിരിഞ്ഞു വിക്കിയുടെ മുഖത്തേക്ക് നോക്കി... അവൻ ഇതൊന്നും ശ്രെദ്ധിക്കാതെ സ്റ്റേജിൽ അവർക്ക് വേണ്ടി ഒരുക്കിയിരുന്ന സോഫ സെറ്റിയിൽ കാലിന് മേൽ കാലും വെച്ചു ഫോണിൽ നോക്കികൊണ്ട് ഇരിക്കുവായിരുന്നു.... തുടരും 💞#📔 കഥ #കഥ #നോവൽ