#📙 നോവൽ #📔 കഥ #💞 പ്രണയകഥകൾ MY DOCTOR❤️9                    "സർ ....എന്താണ് വേണ്ടത്?"മനോഹരമായി സാരി ഉടുത്തു മുടി മുകളിലേക്ക് കെട്ടി വെച്ചൊരു പെൺകുട്ടി വന്നു ചോദിച്ചു . "അത് ...."ഏഥനു വെപ്രാളം തോന്നി.ജീവിതത്തിൽ ആദ്യമായിട്ടാണൊരു പെൺകുട്ടിക്ക് ഡ്രസ്സ് എടുക്കാൻ വരുന്നത്.അവരോടെന്തു പറയണമെന്നോർത് അവൻ ആലോചനയോടെ നിന്നു. "സർ.....?"അവൾ സംശയത്തോടെ വിളിച്ചു. "എടൊ...ഒരു 22 വയസൊക്കെ ഉള്ള പെൺകുട്ടിക്ക് ഇടാൻ പറ്റിയ എന്തെങ്കിലും എടുത്ത് തരാമോ." "ക്യാഷുൾ വേർ ആണോ പാർട്ടി വെയർ ആണോ" "ക്യാഷുൾ ആണ് ." "വരൂ സർ..."അവളവനെ ഒരു സെക്ഷനിലേക്ക് കൊണ്ട് പോയി. ഒരുപാട് ഡ്രസ്സ് എടുത്ത് വെച്ചു.ഏഥൻ ഓരോന്നും എടുത്ത് നോക്കി.അഞ്ജുവിന്റെ മുഖം ഓർത്തെടുത്തു ഓരോ ഡ്രെസ്സും അവളിടുന്നതായി സങ്കൽപ്പിച്ചു നോക്കി.കുറച്ചു  നേരത്തെ തിരച്ചിലിനൊടുവിൽ ഒരു ലാവെൻഡർ കളർ knee length ഫ്രോക്ക് എടുത്തവൻ .സ്ലീവ്‌ലെസ് ആയിരുന്നത്.ബില്ലടച് ഡ്രസ്സ് എടുത്ത് ഏഥൻ പുറത്തിറങ്ങി.കാറിൽ കയറി ഡോർ അടച്ചു. "ദാ...."ആ കവർ അഞ്ജുവിനു നേരെ നീട്ടിയവൻ. "ഇതിനി എവിടെ പോയി ചേഞ്ച് ചെയ്യാനാ..?"കവർ വാങ്ങി അതിനകത്തേക്കു നോക്കിയവൾ അവനോട് ചോദിച്ചു. "ഏതെങ്കിലും ഹോട്ടൽ റൂം എടുക്കാം.താൻ പോയി ഫ്രഷ് ആയി ചേഞ്ച് ചെയ്തു വന്നാൽ മതി". അവൾ ഞെട്ടലോടെ വാ പൊളിച്ചു നിന്നു.കുഞ്ഞൊരു പുഞ്ചിരിയോടവൻ കാർ എടുത്തു. "അത് വേണോ?"കുറച്ചു നേരത്തെ മൗനം വെടിഞ്ഞവൾ ചോദിച്ചു. "തനിക്ക് വേണമെങ്കിൽ മതി,എനിക്കൊരു നിർബന്ധവുമില്ല."നിസ്സാരമായി പറയുന്നവനെ നോക്കി അഞ്ചു ചുണ്ടു കോട്ടി . കാർ നേരെ ചെന്ന് നിന്നത് ടൗണിലെ തന്നെ വലിയൊരു ഹോട്ടലിലാണ്.അവൾ പുറത്തേക്ക് നോക്കി മിഴിച്ചു നിന്നു. "വാ ഇറങ്"പുറത്തിറങ്ങി അവളുടെ സൈഡിലെ ഡോർ തുറന്നവൻ പറഞ്ഞു. ഒരു അങ്കലാപ്പോടെ പുറത്തിറങ്ങിയവൾ.പുറത്തപ്പോഴും മഴ ചാറുന്നുണ്ടായിരുന്നു.ബാഗ് കാറിൽ തന്നെ വച്ച് ഡ്രസ്സ് കവർ മാത്രം എടുത്തണവൾ ഇറങ്ങിയത്.രണ്ടുപേരും നേരെ റിസെപ്ഷനിലേക്ക് പോയി.അവളെ കണ്ടതും റിസെപ്ഷനിസ്റ് മുഖം ചുളിച്ചു നോക്കി. "ഒരു പത്തു മിന്റ് നേരത്തേക്കൊരു റൂം വേണം."അയാളുടെ നോട്ടം ഇഷ്ടപ്പെടാതെ ഗൗരവത്തോടവൻ പറഞ്ഞു. "one hour ആണ് sir minimum സമയം.പത്തു മിന്റ് ആയാലും ഒരു മണിക്കൂറിന്റെ ക്യാഷ് തരണം." "no പ്രോബ്ലം " അയാൾ പറഞ്ഞ ക്യാഷ് കൊടുത്ത് റൂമിന്റെ കീ വാങ്ങിയവൻ അവൾക്കടുത്തേക്ക് നടന്നു. "അഞ്ജു...വാ റൂം കാണിച്ചു തരാം."അവളെ വിളിച്ചു ലിഫ്റ്റിനടുത്തേക്ക് നടന്നു. ഒരു അപരിചിതനെ വിശ്വസിക്കാവുന്നതിന്റെ മാക്സിമം താൻ അയാളെ വിശ്വസിക്കുന്നു എന്നത് അവൾക്ക് അത്ഭുദമായി തോന്നി.എന്തായാലും വരുന്നിടത്ത് വച്ച് കാണാമെന്നോർത്തവൾ അവനൊപ്പം നടന്നു.ലിഫ്റ്റ് കയറി ഇരുവരും റൂമിന് മുന്നിലെത്തി.കീ എടുത്തവൻ റൂം തുറന്നു.അകത്തേക്ക് കയറിയവൻ ഒരു സ്വിച്ച് ഇട്ടതും റൂം മുഴുവൻ വെളിച്ചം നിറഞ്ഞു.റൂം കണ്ടതും അഞ്ചു ഞെട്ടി പോയി.ഇതുപോലൊരു റൂം തന്റെ ജീവിതത്തിൽ ഇതുവരെ കണ്ടിട്ടില്ലെന്നോർത്തവൾ .അത്രക്കും മനോഹരമായിരുന്നത്. "താൻ ഫ്രഷ് ആയി വാ ഞാൻ താഴെ റിസപ്ഷനിൽ കാണും."ഏഥൻ പുറത്തിറങ്ങാനൊരുങ്ങി. പെട്ടന്ന് ഭൂമി കുലുങ്ങുമാർ ഒരു ഇടി മുഴങ്ങി .അഞ്ചു ഞെട്ടി വിറച്ചു .വേഗത്തിൽ ഓടി  ഏഥനെ മുറുകെ പുണർന്നു.അവൾ നിന്ന് വിറക്കുന്നുണ്ടായിരുന്നു.വീണ്ടും അതിനേക്കാൾ ഇരട്ടിയിലൊരു ഇടി .അവനെ ചുറ്റിപ്പിച്ച കൈകൾ മുറുകി.ഇരുവർക്കിടയിലും കാറ്റിന് പോലും കടന്നു പോകാനാവാതെ വിധം അഞ്ചു അവനിൽ അമർന്നു.ഏഥൻറെ തോളോളം നീളമുള്ള അഞ്ജുവിന്റെ ,മുഖം അവന്റെ കഴുത്തിനിടയിലേക്ക് പൂഴ്ത്തിയവൾ. ഒരുപാടു കാലത്തിനു ശേഷം തന്നെ പുണർന്നൊരു പെണ്ണുടൽ.ഏഥൻറെ ഹൃദയം പുറത്തു ചാടും വിധം ശക്തമായി ഇടിച്ചു.അവളുടെ കിലുകിലെ വിറയ്ക്കുന്ന ശരീരത്തിൽ നിന്നും അവളുടെ ഭയം അവന് മനസിലാവുന്നുണ്ടായിരുന്നു.പക്ഷെ ഒന്നാശ്വസിപ്പിക്കാൻ പോലും  കൈ ഉയരുന്നുണ്ടായിരുന്നില്ല.ഉള്ളിലെവിടെയോ അസ്തമിച്ചു പോയെന്നു താൻ ഓർത്ത വികാരങ്ങൾ ചൂട് പിടിക്കാൻ തുടങ്ങിയിരിക്കുന്നു.ഏഥൻ കണ്ണടച്ച് നിന്നു .കഴുത്തിലവളുടെ ചൂട് നിശ്വാസം പതിയുന്നതവൻ വ്യക്തമായി അറിയുന്നുണ്ടായിരുന്നു.കുറച്ചു സമയം അതേ നിൽപ്പ് നിന്നു .പിന്നൊരു ഇടി പൊട്ടുന്നില്ലെന്നു തോന്നിയതും അഞ്ചു സ്വബോധത്തിലേക്ക് വന്നു.ഏഥൻറെ പെർഫ്യൂമും വിയർപ്പും കലർന്ന ഗന്ധം അവളുടെ നാസികയിലേക്കു തുളച്ചു കയറി.ഞെട്ടലോടവൾ  മുഖമുയർത്തി.കണ്ണടച്ചു നിൽക്കുന്ന അവനും അവനെ മുറുക്കി പിടിച്ചു താനും.പെട്ടന്ന് ചമ്മലോടെയവൾ അകന്നു മാറി. "സോറി ,ഇടിയും മിന്നലും എനിക്ക് പേടിയാണ്."ചമ്മലോടെ പറഞ്ഞവൾ. "മ്മ് ........"ഒരു മൂളൽ മാത്രം. "ഇവിടെ ഇരിക്കാമോ എനിക്ക് ഒറ്റക്ക് പേടിയാണ് "അല്പം വിക്കലോടെ എങ്ങനെയോ പറഞ്ഞൊപ്പിച്ചു. "ഇവിടെ ഉണ്ടാകും.ഫ്രഷ് ആയിട്ട് വാ...."അതും പറഞ്ഞവൻ ബെഡിൽ കയറി കിടന്നു കൈ മടക്കി കണ്ണിനു കുറുകെ വച്ചു. അവൾ വേഗം ബാത്റൂമിലേക്കോടി കയറി.വസ്ത്രങ്ങളെല്ലാം ഊരി മാറ്റി തല നനച്ചു .വെള്ളം തലയിലൂടൊഴുകി ഇറങ്ങിയപ്പോൾ നല്ലൊരു ആശ്വാസം തോന്നി.അവനെ കെട്ടിപിടിച്ചതോർക്കേ ചെറുതല്ലാത്ത ഒരു നാണം വരുന്നുണ്ടായിരുന്നവൾക്ക്. "തന്നെ കുറിച്ച് അങ്ങേര് എന്ത് വിചാരിച്ചിട്ടുണ്ടാവും.മോശം ആവുമോ?....ഏയ് പേടിച്ചിട്ടല്ലേ ,മനഃപൂർവം ഒന്നും അല്ലല്ലോ."സ്വയം ഓരോന്നോർത്തവൾ കുളിച്ചു തീർത്തു. തല തോർത്തി ,മുടി വാരി കെട്ടിയപ്പോഴാണ് ഇടി പൊട്ടിയപ്പോൾ വലിച്ചെറിഞ്ഞ ഡ്രസ്സ് കവറിനെ കുറിച്ചോർത്തത് . "ന്റെ കൃഷ്ണാ......അത് റൂമിൽ ആണല്ലോ."നിസ്സഹായതയോടെ മുഖം കുനിച്ചു രണ്ടു കൈ കൊണ്ടും മുഖം പൊത്തിപിടിച്ചു .കരച്ചിൽ വരുന്നുണ്ടായിരുന്നവൾക്ക്. "നേരെ ഹോസ്റ്റലിലേക്ക് പോയാൽ മതിയായിരുന്നു.ആ കോലത്തിൽ കയറി ചെന്നാലും വേണ്ടിയിരുന്നില്ല."നിസ്സഹായതയുടെ അങ്ങേ അറ്റം. ഇനി ആലോചിച്ചു നിന്നിട് കാര്യമില്ലെന്നോർത്ത് അഞ്ചു അവനെ വിളിക്കാൻ മനസിനെ തയാറാക്കി.വാതിലിനു മറവിലേക്കു നിന്ന് പതുക്കെ വാതിൽ തുറന്നു.അപ്പോഴും ഏഥൻ ആ കിടപ്പാണ്. കൈ വിട്ടു തുടങ്ങിയ മനസിനെ വരുതിയിലാക്കാൻ ശ്രമിച്ചു കൊണ്ട് ആണ് ഏഥൻ ആ കിടപ്പു കിടന്നത്.ക്രമം തെറ്റിയ ഹൃദയമിടിപ്പ് ക്രമത്തിലായിരിക്കുന്നു.ആശ്വാസത്തോടവൻ നെടുവീർപ്പിട്ടു. "അതേയ്..."വിളി കേട്ടവൻ തല ഉയർത്തി നോക്കി. ഒരൽപം തുറന്ന വാതിലിനിടയിലൂടെ തല മാത്രം പുറത്തിട്ട് അഞ്ചു നിൽക്കുന്നു.ക്രമത്തിലായി തുടങ്ങിയ ഹൃദയമിടിപ്പ് വീണ്ടും കയ്യിന്ന് പോയി. അവൻ ചോദ്യ ഭാവത്തിൽ അവളെ നോക്കി. "ആ ഡ്രസ്സ് കവർ ഒന്ന് എടുത്ത് തരുമോ ?ഞാൻ എടുക്കാൻ മറന്നു പോയി."നിസ്സഹായതയോടവൾ പറഞ്ഞു. ഏഥനു ശ്വാസം മുട്ടുന്ന പോലെ തോന്നി,ഡ്രസ്സ് മറന്നു എന്ന് പറയുമ്പോൾ അവളിപ്പോൾ നിൽക്കുന്നതേത് രൂപത്തിലാണെന്നോർക്കേ ശരീരം തളരുന്നത് പോലെ തോന്നിയവന്. വേഗം നിലത്തു കിടക്കുന്ന ഡ്രസ്സ് കവർ അവൾക്കു നേരെ നീട്ടിയവൻ. "Don't play with me like this. Just... end it quickly."വല്ലാത്ത ഭാവത്തിൽ പറഞ്ഞു കൊണ്ടവൻ തിരിഞ്ഞു പോയി കട്ടിലിലേക്ക് കമഴ്ന്നു കിടന്നു. അഞ്ചു അവൻ പറഞ്ഞതിന്റെ അർത്ഥം മനസിലാവാതെ വാതിലടച്ചു.ഡ്രസ്സ് മാറി പുറത്തിറങ്ങി.ലാവണ്ടർ കളർ ഫ്രോക്കിൽ അവളൊരു മാലാഖയെ പോലെ തോന്നിച്ചു.നീണ്ട ഈറൻ മുടി അഴിച്ചിട്ടിരിക്കുന്നു. "പോവാം "കമഴ്ന്നു കിടക്കുന്നവനെ നോക്കി അഞ്ചു പറഞ്ഞു. ഏഥൻ എഴുന്നേറ്റവളെ നോക്കി. "you look like an angel "അവളുടെ കാതോരം വന്നു പറഞ്ഞവൻ പുറത്തേക്കു നടന്നു.കുഞ്ഞൊരു പുഞ്ചിരിയോടെ പിന്നാലെയവളും .ഹോസ്റ്റൽ എത്തും വരെ ഇരുവരും ഒരുവാക്ക് പോലും മിണ്ടിയില്ല.ഹോസ്റ്റലിനു മുന്നിൽ വണ്ടി നിർത്തി.അഞ്ചു ഡോർ തുറന്ന് പുറത്തിറങ്ങി.വണ്ടിക്കു മുന്നിലൂടെ നടന്നവന്റെ ഡോർ സൈഡിൽ ചെന്ന് നിന്നു. "പേര് പറഞ്ഞില്ല"പതിഞ്ഞ ശബ്ദത്തോടവൾ പറഞ്ഞു. "ഏഥൻ "അതിനേക്കാൾ പതിഞ്ഞൊരു ശബ്ദം . "nice" "പിന്നേയ് ....എന്റെ മിസ്റ്റേക് ഞാൻ തിരുത്തി,ഇനി വണ്ടിക്ക് കല്ലെറിഞ്ഞതിനൊരു തീരുമാനം വേണം"ഗൗരവം ഭാവിച്ചവൻ പറഞ്ഞു. "ഇത് നമ്മളുടെ അവസാന കണ്ട് മുട്ടലല്ലെന്ന് എന്റെ മനസ് പറയുന്നു.ഇനി ഒരിക്കൽ കാണുമ്പോൾ പറഞ്ഞാൽ മതി നഷ്ടപരിഹാരം പലിശ ചേർത്ത് തന്നേക്കാം"അഞ്ചു ചിരിച്ചു, ഏഥനും . "The compensation I'm asking for will be more than you can imagine" അവളുടെ കണ്ണിലേക്കു തന്നെയവൻ ഉറ്റു നോക്കി. തിരിച്ചൊരു മറുപടി പറയാതെ ,ഒരു യാത്ര പോലും പറയാതെ അവൾ തിരിഞ്ഞു നടന്നു.ഇടക്കൊന്ന് തിരിഞ്ഞു നോക്കി,തന്നെ തന്നെ നോക്കി ഇരിക്കുന്നവന്നൊരു പുഞ്ചിരി കൂടി സമ്മാനിച്ചവൾ ഹോസ്റെലിനകത്തേക്ക് കയറി പോയി. അവൾ പോയതും ഒരു നെടുവീർപ്പോടവൻ കാർ എടുത്തു. ഏഥൻറെ മനസ് മുഴുവനും ആ ഒരുത്തി സ്വന്തമാക്കിയിരിക്കുന്നു .അവളെ കുറിച്ചു തനിക്കൊന്നും അറിയില്ല.എന്നിട്ടെങ്ങനെയാണവൾ മനസ്സിൽ ഇത്രപെട്ടെന്ന് കയറി കൂടിയത്.രണ്ടു വർഷം കൂടെയുണ്ടായിരുന്ന മെലിനോട് തോന്നാത്ത എന്തോ രണ്ടു ദിവസം കൊണ്ടിവളോട് തോന്നുന്നതെന്താണ്.തന്നെ  നോക്കുന്ന അവളുടെ നോട്ടം,അടുത്ത് വരുമ്പോൾ ആരെയും മയക്കുന്ന പാലപ്പൂവിന്റെ ഗന്ധം.അവളൊരു യക്ഷിയാണ്.തന്റെ ചോര വലിച്ചു കുടിക്കാൻ വന്ന യക്ഷി.ഏഥൻറെ ചുണ്ടിൽ അതിമനോഹരമായ ഒരു ചിരി വിരിഞ്ഞു നിന്നു . എനിക്കുള്ളതെങ്കിൽ നീ എന്നിലേക്ക്‌ തന്നെ തിരിച്ചു വരും ,അത്ര മാത്രം ഞാൻ ഉറപ്പു തരുന്നു............ *********************************** "എന്റെ പൊന്നു അഞ്ചു നീ എവിടെ പോയി കിടക്കുകയായിരുന്നു.എത്ര വിളിച്ചെന്നോ ഞാൻ.അല്ല ഈ ഡ്രസ്സ് ഏതാ.പുതിയത് വാങ്ങിചോ നീ?"അവളെ അടി മുടി നോക്കി ചോദ്യങ്ങളോട് ചോദ്യങ്ങൾ ചോദിച്ചു കൊണ്ടിരുന്നു ഐഷു. "എന്റെ ഐഷു കുട്ടി താഴത്തൊരു താടകയുടെ ചോദ്യോത്തരം കഴിഞ്ഞു കേറി വന്നോളു ഞാൻ.ഇത് ലാസ്‌റ് വാണിംഗ് ആണ് ,ഇനി ലേറ്റ് ആയാൽ എവിടേക്കെങ്കിലും പൊക്കോ ഇങ്ങോട്ടു വന്നാൽ കതക് തുറക്കില്ലെന്നൊക്കെയാണ് ഓർഡർ.അതിനിടക്ക് നീ ഇങ്ങനെ ഒറ്റയടിക്ക് എല്ലാം കൂടെ ചോദിക്കല്ലേ.ഓരോന്ന് ഒരോന്ന് ചോദിക്ക് ,ഇങ്ങനെ ഒന്നിച്ചു ചോദിച്ചാൽ ഞാൻ പെട്ടു പോവില്ലേ?"കുസൃതിയോടെ അഞ്ചു അവളുടെ കവിളിൽ പിടിച്ചു വലിച്ചു. "എവിടെ ആയിരുന്നു ഈ നേരം വരെ?"ഐഷു സമാധാനത്തോടെ ചോദിച്ചു. ഒരു കഥ പറയും പോലെ അഞ്ചു വള്ളി പുള്ളി തെറ്റാതെ ഐഷുവിനോടു പറഞ്ഞു.ഐഷു ഞെട്ടി വാ പൊളിച്ചിരുന്നു പോയി. "അയാൾ ഒരു stranger അല്ലെ അഞ്ചു.നിനക്ക് എവിടുന്നു കിട്ടി ഇത്ര ധൈര്യം." "അങ്ങനെ ചോദിച്ചാൽ അറിയില്ല.പക്ഷെ എന്തോ അയാളെ വിശ്വസിക്കാൻ മനസ് പറഞ്ഞു ഞാൻ അത് കേട്ടു."നിസ്സാരമായി പറയുന്നവളെ നോക്കി ഐഷു അന്തം വിട്ടിരുന്നു. "insane "അവളെ നോക്കി ഐഷു പറഞ്ഞു. "ഐഷു .....ഒരാളോടൊരു ഇഷ്ട്ടം തോന്നാൻ എത്ര സമയം വേണം?"അഞ്ചു ചോദിച്ചതും ഐഷുവിന്റെ മനസ്സിൽ സിദ്ധുവിന്റെ മുഖം ഓടി വന്നു.അവൾ ഒന്ന് പുഞ്ചിരിച്ചു. " ചിലപ്പോൾ ഒരു കണ്ണുചിമ്മിയടക്കുന്ന സമയം പോലും വേണ്ടി വരില്ല,മറ്റു ചിലപ്പോൾ ഒരു ആയുഷ് കാലം മൊത്തം വേണ്ടി വരും"ഏതോ ഓര്മയിലെന്ന പോലെ ഐഷു പറഞ്ഞു. "എങ്കിൽ എനിക്കയാളോട് എന്തോ ഒരിഷ്ടം തോന്നുന്നുണ്ട്.പ്രണയമാണെന്നല്ല ,പക്ഷെ ആദർശിന് ശേഷം മറ്റാരോടും തോന്നാത്ത എന്തോ ഒന്ന് അയാളോട് തോന്നുന്നുണ്ട്." "ഓഹോ ഈ മനസ്സിൽ ആൾ കയറി കൂടി തുടങ്ങിയല്ലോ.പടച്ചോനേ .........ഇന്റെ പ്രാർഥന ഇങ്ങള് കേട്ടല്ലോ."ഐഷു മുകളിലേക്ക് നോക്കി പറഞ്ഞു. "എന്തായാലും ആൾക്ക് നല്ല ഡ്രസ്സ് സെക്ഷൻ ആണ് ,ഈ ഫ്രോക്കിൽ നിന്നെ കണ്ടാൽ ഒരു മാലാഖയെ പോലുണ്ട്." "അയ്യോ....ഐഷു .....ഞാൻ എന്റെ ചെളി തെറിച്ച ഡ്രസ്സ് കാറിൽ നിന്നെടുത്തില്ല ."അഞ്ചു തലക്ക് കൈ വച്ച് പറഞ്ഞു . "നന്നായി .....ഈ ഡ്രെസ്സിനു പകരം അത് മൂപ്പര് എടുത്തോട്ടെ."ഐഷു പൊട്ടിച്ചിരിച്ചു പറഞ്ഞു. അഞ്ചു കുറച്ചു നേരം ആലോചനയുടെ നിന്നു. "അല്ല എങ്ങനെയുണ്ട് തലവേദന ,കുറഞ്ഞോ?"പെട്ടന്നവളുടെ അടുത്ത് വന്നിരുന്നു അഞ്ചു ചോദിച്ചു. "ഓ ....ഇപ്പോഴെങ്കിലും ഓർമ വന്നല്ലോ .ഞാൻ ഓർത്തു ഏഥൻ ചേട്ടനെ ഓർത്തു എന്നെ മറന്നു പോയെന്ന്."പരിഭവത്തോടെ ഐഷു പറഞ്ഞു. പരാതിയും പരിഭവങ്ങളും സന്തോഷങ്ങളും പറഞ്ഞു തീർത്തു അവരങ്ങനെ കിടന്നു. തുടരും......................