ଆଜିର ଡିଜିଟାଲ ଜୀବନଶୈଳୀରେ ସକାଳର ଆରମ୍ଭ ପ୍ରାୟତଃ ମୋବାଇଲ ଫୋନ ସହିତ ହୋଇଥାଏ। ଆଲାର୍ମ ବନ୍ଦ କରିବା ମାତ୍ରେ ଲୋକମାନେ ବିଛଣାରୁ ଉଠିବା ପରିବର୍ତ୍ତେ ପ୍ରଥମେ ଫୋନ ସ୍କ୍ରିନ ଦେଖନ୍ତି। ମେସେଜ୍, ସୋସିଆଲ ମିଡିଆ ନୋଟିଫିକେସନ, ଇମେଲ ଏବଂ ଖବର ସ୍କ୍ରୋଲ କରିବା ଏକ ସାଧାରଣ ଅଭ୍ୟାସରେ ପରିଣତ ହୋଇଛି। କିନ୍ତୁ ବିଶେଷଜ୍ଞଙ୍କ ମତରେ, ଏହି ଛୋଟ ଅଭ୍ୟାସଟି ଧୀରେ ଧୀରେ ଶରୀର, ମସ୍ତିଷ୍କ ଏବଂ ମାନସିକ ସ୍ୱାସ୍ଥ୍ୟ ଉପରେ ବଡ଼ ପ୍ରଭାବ ପକାଇପାରେ। ଡାକ୍ତର ଏବଂ ଗବେଷଣା ଉଭୟ ଏହି କଥାର ଚେତାବନୀ ଦିଅନ୍ତି ଯେ ସକାଳୁ ଉଠିବା ମାତ୍ରେ ମୋବାଇଲ୍ ଦେଖିବା ଦିନସାରା ମାନସିକ ସ୍ଥିତି ଏବଂ କାର୍ଯ୍ୟକ୍ଷମତାକୁ ପ୍ରଭାବିତ କରିପାରେ।ସକାଳୁ ନିଦରୁ ଉଠିବା ମାତ୍ରେ ମସ୍ତିଷ୍କକୁ ଧୀରେ ଧୀରେ ସକ୍ରିୟ ହେବା ପାଇଁ ସମୟ ଦରକାର ହୁଏ। କିନ୍ତୁ ମୋବାଇଲର ତୀବ୍ର ଆଲୋକ ଏବଂ କ୍ରମାଗତ ଭାବେ ଆସୁଥିବା ନୋଟିଫିକେସନ୍ ମସ୍ତିଷ୍କକୁ ହଠାତ୍ ଷ୍ଟ୍ରେସ୍ ମୋଡକୁ ନେଇଯାଏ। ଏହା ମସ୍ତିଷ୍କ ଉପରେ ଏକ ପ୍ରକାର ଡିଜିଟାଲ ଚାପ ସୃଷ୍ଟି କରେ, ଯାହା ଫଳରେ ଏକାଗ୍ରତା କମିଯାଏ ଏବଂ ଅସ୍ଥିରତା ବଢ଼ିଯାଏ। #🌄ସକାଳୁ ଫୋନ୍‌ ଧରିବା ବଢାଇବା ଚାପ🤳