ଶୁକ୍ରବାର ଅପରାହ୍ନରେ ପଶ୍ଚିମ ବଙ୍ଗର ରାଜଧାନୀ କୋଲକାତା ସମେତ ଦକ୍ଷିଣ ବଙ୍ଗର ଅନେକ ଜିଲ୍ଲାରେ ପ୍ରବଳ ଝଡ଼ ଏବଂ ପ୍ରବଳ ବର୍ଷା ତାଣ୍ଡବ ସୃଷ୍ଟି କରିଛି ।  ପାଗ ସମ୍ବନ୍ଧୀୟ ବିଭିନ୍ନ ଘଟଣାରେ ୭ ଜଣଙ୍କର ମୃତ୍ୟୁ ହୋଇଥିବା ବେଳେ ସାଧାରଣ ଜୀବନଯାପନକୁ ପ୍ରଭାବିତ କରିଛି । ପ୍ରବଳ ବର୍ଷା ଓ ଝଡ଼ର ତାଣ୍ଡବରେ ଘର ଭୁଶୁଡ଼ିବା, ବିଦ୍ୟୁତ ଆଘାତ ଏବଂ ବଜ୍ରପାତ ଯୋଗୁଁ ହି ମୃତ୍ୟୁ ଘଟିଥିବା କର୍ତ୍ତୃପକ୍ଷ ସୂଚନା ଦେଇଛନ୍ତି ।ରାଜ୍ୟ ସରକାର ମୃତକଙ୍କ ପରିବାରକୁ ପ୍ରତି ପରିବାରକୁ ୪ ଲକ୍ଷ ଟଙ୍କା କ୍ଷତିପୂରଣ ଘୋଷଣା କରିଛନ୍ତି । ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀ ରାଜ୍ୟ ସଚିବାଳୟରେ କହିଛନ୍ତି ଯେ, ଦକ୍ଷିଣ ୨୪ ପରଗନା, ଉତ୍ତର ୨୪ ପରଗନା, ହାଓଡ଼ା, ହୁଗଲି, ପଶ୍ଚିମ ମେଦିନୀପୁର ଏବଂ ପୁରୁଲିଆ ଜିଲ୍ଲାରୁ ମୃତ୍ୟୁର ରିପୋର୍ଟ ଆସିଛି । ଏଥିସହିତ ପ୍ରବଳ ବର୍ଷା ଏବଂ ଘଣ୍ଟାପ୍ରତି ୮୦ କିଲୋମିଟର ବେଗରେ ପବନ ବହିବା ଫଳରେ କୋଲକାତା ବିମାନବନ୍ଦରରେ ବିମାନ ଚଳାଚଳ ବାଧାପ୍ରାପ୍ତ ହୋଇଛି । ଏହାରି ମଧ୍ୟରେ ସିଆଲଦା ଦକ୍ଷିଣ ଉପନଗରୀୟ ରୁଟର ବନଗାଓଁ ସେକ୍ସନରେ ଗଛ ପଡ଼ି ଓଭରହେଡ୍ ରେଳ ତାରଗୁଡ଼ିକୁ କ୍ଷତିଗ୍ରସ୍ତ କରିଛି । ଯାହା ଫଳରେ ଟ୍ରେନ୍ ସେବା ବାଧାପ୍ରାପ୍ତ ହୋଇଛି । #⛈️ଝଡ଼ ତୋଫାନର ତାଣ୍ଡବ, ୭ ମୃତ🚨