#😱 ഡിവോഴ്സ് എന്തിനെന്ന് വീട്ടുകാർക്ക് അറിയില്ല, വെളിപ്പെടുത്തി മലയാള നടി സെക്കന്റ് ഷോ', 'ഡയമണ്ട് നെക്ലേസ്' തുടങ്ങിയ ചിത്രങ്ങളിലൂടെ മലയാളി പ്രേക്ഷകർക്ക് പ്രിയങ്കരിയായ ഗൗതമി നായർ തന്റെ വിവാഹമോചനത്തെക്കുറിച്ചും അതിനോട് കുടുംബം എങ്ങനെ പ്രതികരിച്ചു എന്നതിനെക്കുറിച്ചും മനസ്സ് തുറക്കുന്നു. ഫിലിം മേക്കർ ശ്രീനാഥ് രാജേന്ദ്രനുമായുള്ള വിവാഹബന്ധം വേർപെടുത്തിയെങ്കിലും അതിന്റെ കൃത്യമായ കാരണം വീട്ടുകാർക്ക് പോലും അറിയില്ലെന്നാണ് താരം പുതിയ അഭിമുഖത്തിൽ വ്യക്തമാക്കുന്നത്. ​വിവാഹബന്ധം മുന്നോട്ട് കൊണ്ടുപോകാൻ അച്ഛനും അമ്മയും പരമാവധി ശ്രമിച്ചിരുന്നതായും സംസാരിച്ച് തീർക്കാവുന്ന പ്രശ്നങ്ങളല്ലേ ഉള്ളൂ എന്ന് അവർ ചോദിച്ചിരുന്നതായും ഗൗതമി ഓർക്കുന്നു. എന്നാൽ രണ്ടുപേരും പരമാവധി ശ്രമിച്ചിട്ടും സന്തോഷമായിരിക്കാൻ കഴിയുന്നില്ലെങ്കിൽ സമയം കളയുന്നതിൽ അർത്ഥമില്ലെന്നാണ് താരം പറയുന്നത്. ഇപ്പോഴും തങ്ങൾ നല്ല സുഹൃത്തുക്കളാണെന്നും എന്നാൽ ജീവിതത്തിൽ രണ്ടുപേർക്കും വേണ്ട കാര്യങ്ങൾ വ്യത്യസ്തമായതിനാലാണ് പിരിയാൻ തീരുമാനിച്ചതെന്നും ഗൗതമി പറയുന്നു. ​തന്റെ മുപ്പതുകളിലാണ് ജീവിതം കൂടുതൽ ആസ്വദിച്ചു തുടങ്ങിയതെന്നും പഠന കാര്യങ്ങളിലും കരിയറിലും കുടുംബം നൽകിയ പിന്തുണ വലുതാണെന്നും താരം കൂട്ടിച്ചേർത്തു. ഏറെക്കാലത്തിന് ശേഷം ഗൗതമി അഭിനയിച്ച 'കാക്കി സർക്കസ്' എന്ന സീരീസ് സീ ഫൈവിൽ സ്ട്രീമിംഗ് ആരംഭിച്ചിരിക്കുകയാണ്.