#🙏બુધવાર ભક્તિ સ્પેશ્યલ #📱 શ્રીકૃષ્ણ વીડિયો સ્ટેટ્સ #🪈જય દ્વારકાધીશ👑 કયો મહિનો અધિક હોય તો કેવું ફળ મળે? શાસ્ત્રોમાં એ પણ વર્ણિત છે ------------------------------------------------- પ્રત્યેક ત્રણ વર્ષે અધિક માસ આવતો હોય છે અને આ વર્ષે જે રીતે અધિક જ્યેષ્ઠ માસ છે એ રીતે વિક્રમ સંવતના બારેય મહિનામાંથી કોઈ એક માસ અધિક હોય છે. આપણાં શાસ્ત્રોમાં બારેય અધિક માસમાં કેવું ફળ મળતું હોય છે, તેનું વર્ણન આપ્યું છે. એ પ્રમાણે અધિક ચૈત્ર હોય તો એમાં કલ્યાણની પ્રાપ્તિ થાય છે, મનુષ્ય નિરોગી રહે છે અને પ્રજાએ ઇચ્છેલી શુભકામના ફળે છે. અધિક વૈશાખ માસ હોય એ વર્ષે ધરતી તૃપ્ત થાય એવો વરસાદ થાય છે. તો સામે જ્વાર અને અતિસાર રોગ વકરવાની પણ શક્યતા રહેતી છે. અધિક જ્યેષ્ઠ માસમાં રોગથી કષ્ટ મળે છે પરંતુ અધિક યજ્ઞ અને દાનાદિ ક્રિયાઓ કરવાથી પુણ્ય મળે છે. જે વર્ષે અષાઢ મહિનો અધિક હોય તે વર્ષ ઉત્તમ ફળની પ્રાપ્તિ થાય છે. એ વર્ષે પુણ્ય, યશ, સુભિક્ષ પ્રાપ્ત થાય છે અને પુરુષોત્તમ માસનું વ્રત કરનારા વ્રતીઓ અધિક સુખ ભોગવે છે. ભગવાન શ્રીચક્રધારીને જે રીતે પુરુષોત્તમ માસ પ્રિય છે એમ દેવાધિદેવ મહાદેવને શ્રાવણ માસ અધિક પ્રિય છે. એટલે આ મહિનાનું વ્રત કરનાર પર ભગવાન ધૂર્જટિ વિશેષ કૃપા કરે જ કરે. પણ જો અધિક શ્રાવણ માસ હોય અને કોઈ એનું વ્રત કરે ત્યારે એના પર પિનાકપાણી અને ગરુડધ્વજ, એમ બંને દેવની કૃપા વરસે. અધિક શ્રાવણમાં વ્રતીએ કરેલાં સર્વ કાર્યોમાં સમૃદ્ધિ પ્રાપ્ત થાય છે. અધિક ભાદરવો હોય ત્યારે ક્ષત્રિયોમાં યુદ્ધ થાય. અધિક આસો મહિનામાં કલ્યાણ, નિરોગીપણું મળે છે. બ્રાહ્મણોની વૃદ્ધિ થાય છે. અધિક કાર્તિકેય માસ હોય તે વર્ષ શુભ ગણાય છે. સારું અનાજ પાકે છે, સર્વ પ્રજા પ્રસન્ન રહે છે, અનેક યજ્ઞોનાં આયોજન થાય છે અને બ્રાહ્મણોની વૃદ્ધિ થાય છે. જે વર્ષે માગશર માસ અધિક હોય તે વર્ષે પ્રજા રોગમુક્ત થાય છે. અધિક ફાગણ માસમાં રાજાનું પરિવર્તન થાય છે. સર્વને સુભિક્ષ અને સુખની પ્રાપ્તિ થાય છે. અધિક માસમાં નિત્ય પૂજા-અનુષ્ઠાન ઉપરાંત શ્રી બ્રહ્મવૈવર્ત પુરાણમાં લખાયેલી નારાયણ સ્તુતિ, રાધા ષોડશ નામાવલી, વિષ્ણુ સહસ્ર નામ, વિષ્ણુ પુરાણ, વિષ્ણુ સ્તોત્ર, રામાયણ, હરિવંશ પુરાણ, શ્રીમદ્ ભાગવત કથા, શ્રી સુક્ત, પુરુષ સુક્ત, એકાદશી માહાત્મ્ય કથા, રુદ્રાફિષેક વગેરેના પાઠ-શ્રવણ-કથન લાભદાયી રહે છે.