​"എല്ലാ മനുഷ്യരും അവരുടെയുള്ളിൽ ഒരു മുള്ള് കൊണ്ടുനടക്കുന്നുണ്ട്..." കടയോടെ പറിച്ച് ദൂരെയെറിയാനാകാത്ത വേദനയുടെ മുള്ള്. മനസ്സിനെ അതിങ്ങനെ കുത്തിനോവിച്ചുകൊണ്ടിരിക്കും. മുള്ളിന്റെ മൂർച്ച കുറച്ച് കൊണ്ടുവരാൻ സാധിക്കുന്നതൊക്കെ ചെയ്യുക എന്നത് മാത്രമാണ് പോംവഴി. അമ്മയുടെ മരണത്തിന്റെ മുള്ളുകൊണ്ട് ചോരപൊടിഞ്ഞ ഒരു ചെറുപ്പക്കാരനെ ഞാൻ ഇപ്പോൾ കണ്ടതേയുള്ളൂ. നിന്നോട് സംസാരിക്കുന്ന ഞാനും, ഇവിടെ വന്നിട്ടുള്ള എല്ലാ മനുഷ്യരും ഏതൊക്കെയോ വേദനകൾ ഉള്ളിൽ കൊണ്ടുനടക്കുന്നുണ്ട്. ചില വേദനകൾക്കു മീതെ അതിനെ പൊതിഞ്ഞൊരു കൃപ സഹായത്തിനെത്തട്ടെ. വിഷമിക്കരുതെന്ന് പറയാൻ ഞാനാളല്ല. പക്ഷേ, ആ മുള്ളിന്റെ മൂർച്ച കുറയ്ക്കണം. നീ ഈ പ്രോഗ്രാമിൽ പങ്കെടുത്തതും, ഇപ്പോൾ എന്നോട് ഇതെല്ലാം തുറന്നുപറഞ്ഞതുമൊക്കെ ആ പ്രോസസ്സിന്റെ ഭാഗമാണ്. പിന്നെ, ഒരാൾക്ക് ഇങ്ങനെ മാറാൻ പറ്റുമോ എന്നു ചോദിച്ചാൽ തീർച്ചയായും പറ്റും. മനുഷ്യന് പൊന്നുപോലെ കൊണ്ടുനടന്നതിനെ ഉപേക്ഷിക്കാൻ പറ്റും. പലതും മടുക്കും, പ്രണയംപോലും. ഈ വേദനയെ പിഴുതെറിയാൻ പറ്റുന്ന അത്ഭുതം നിന്റെ ജീവിതത്തിൽ നടക്കട്ടെ എന്നു മാത്രമേ എനിക്ക് ആശംസിക്കാനുള്ളൂ. മനുഷ്യരുടെ സങ്കടക്കഥകൾക്കിടയിൽ ചില അത്ഭുതകഥകളും ഞാൻ കേൾക്കാറുണ്ട്. എന്റെ ജീവിതത്തിലും സംഭവിച്ചിട്ടുണ്ട്. ചില സങ്കടങ്ങളും തനിച്ചുള്ള അലച്ചിലുകളും നമ്മെ എത്തിക്കുന്നത് അത്ഭുതങ്ങളുടെ തീരത്താണ്. I wish you a beautiful miracle. 😇🍃 #♥ പ്രണയം നിന്നോട് #💞 നിനക്കായ് #💔 നീയില്ലാതെ #😍 ആദ്യ പ്രണയം #😔 ഇമോഷണൽ സ്റ്റാറ്റസ് 😍